လါမးရှး(၁၃)သီ, ၂၀၂၄နံၣ်
ကိတိာ်ခိၣ်ကျၢၫ်ခံ Somsak Thepsutinတခီ တၫ်အိၣ်ဖျဲၣ်ဖိသၣ် လီၤစှၤအဃိ ကၠီၣ်တဲၣ်ပှၤနီၫ်ဂံၫ်န့ၣ် အနံၣ်(၆၀)အတီၫ်ပူၤ လၢကတီၫ်အံၤအိၣ်(၆၆)ကကွဲၫ်ဒီး ကလီၤစှၤ၀ဲတုၤဆူ(၃၃)ကကွဲၫ် သ့၀ဲန့ၣ် ဟ့ၣ်ပလီၫ်၀ဲအဂ့ၫ် nationthailand ပာ်ဖျါ၀ဲလီၤ.
လၢတၫ်အံၤအဖီခိၣ် ပှၤလၢမၤတၫ်ကဲအနီၫ်ဂံၫ်အိၣ်(၄၄)ကကွဲၫ်ဒီး ကလီၤစှၤ၀ဲတုၤလၢ(၁၄)ကကွဲၫ် အကပိာ်ကပၤ၀ံၤ ကမၤဘၣ်ဒိ ထံကီၫ်မုာ်ကျိၤ၀ဲၤကွာ်ဒီး ဒီကလုာ်တၫ်ဘံၣ်တၫ်ဘၢသ့၀ဲဒိၣ်ဒိၣ်မုာ်မုာ်န့ၣ်လီၤ. ကိးမုၫ်နံၣ် တၫ်အိၣ်ဖျဲၣ်ဖိသၣ်န့ၣ် တနံၣ်အတီၫ်ပူၤ လီၤစှၤတုၤလၢ(၁)ကကွဲၫ်ဘျဲၣ် တုၤလၢ (၅)ကလီၫ်အဖီလာ်အဂ့ၫ် တဲ၀ဲလီၤ.
ဒီကလုာ်မုာ်ကျိၤ၀ဲၤကွာ်ဒီး ပှၤတ၀ၢတၫ်ဂုၤထီၣ်ပသီထီၣ်ကီၣ်ကး (NESDC) အတၫ်မၤနီၣ်အဖီခိၣ် ကၠီၣ်တဲၣ်ပိာ်မုၣ်နီၫ်တဂၤတၫ်အိၣ်ဖျဲၣ်ဖိသၣ်န့ၣ် ဖဲ(၁၉၇၀)နံၣ်န့ၣ် အိၣ်(၆.၂၉)ဂၤဒီး ဖဲ(၂၀၂၃)နံၣ်န့ၣ် လီၤစှၤတုၤလၢ (၁.၀၈)ဂၤညါန့ၣ်လီၤ.
ပှၤလၢဟုးသၣ်အိၣ်သ့ သးနံၣ်(၁၅နံၣ်တုၤ၄၄)နံၣ်အတီၫ်ပူၤ ပိာ်မုၣ်အနီၫ်ဂံၫ်နီၫ်ဒွး ဖဲ၂၀၁၇နံၣ်န့ၣ် အိၣ်၀ဲ(၁၄.၂)ကကွဲၫ်ဒီး မ့ၫ်တုၤဖဲ(၂၀၃၇)နံၣ်န့ၣ် ကလီၤစှၤ၀ဲတုၤလၢ (၁၁.၈၁)ကကွဲၫ်အဂ့ၫ် ဘၣ်တၫ်တယာ်ဃာ်၀ဲန့ၣ်လီၤ.
Somsak ပညိၣ်ဃီၤ၀ဲ ပိာ်မုၣ်သးစၫ်တဖၣ်အံၤ တၫ်အိၣ်ဖျဲၣ်ဖိသၣ်ကအါထီၣ်အဂီၫ် တၫ်ကြၢး ဆီၣ်တခူထီၣ်မၤ Campaign အဂ့ၫ်တဲ၀ဲန့ၣ်လီၤ. ပိာ်မုၣ်သးနံၣ်(၃၀)ဆူအဖီခိၣ်တဖၣ် အိၣ်ဖျဲၣ်ဖိသၣ်ကန့ၫ်အါထီၣ်အဂီၫ် တၫ်ကြၢးသူ၀ဲစဲအ့ၣ်တၫ်သ့တၫ်ဘၣ်အဂ့ၫ် တဲ၀ဲစ့ၫ်ကီးန့ၣ်လီၤ.
ref:nationthailand
