လါမးရှး(၈)သီ, ၂၀၂၄နံၣ်
ကီၫ်ကၠီၣ်တဲၣ်ပူၤ ကီၫ်ပယီၤဂ့ၫ်၀ီ ဖဲအပူၤကွံာ်တယံာ်ဒံးဘၣ် အမဲရကၤမုၫ်ထီၣ်အ့ၡၢၣ်ဒီး ပစံးဖ့းဂ့ၫ်၀ီ ၦၤဘၣ်မူဘၣ်ဒါ Daneil Kritenbrink ထံၣ်လိာ်တၢၣ်ပီၣ်တဲသကိးတၫ်ဒီး ကၠီၣ်တဲၣ်ဘၣ်မူဘၣ်ဒါတဖၣ်၀ံၤ ကီၫ်ပယီၤဘၣ်ကီဘၣ်ခဲဖိလၢဟဲဃ့ၫ်အိၣ်ကဒုတဖၣ် တၫ်မၤစၢၤအီၤအဖီခိၣ် စံးဘျူးဘၣ်၀ဲအဂ့ၫ် VOA တၫ်ကစီၣ်သန့ပာ်ဖျါ၀ဲလီၤ.
ကီၫ်ကၠီၣ်တဲၣ်န့ၣ် လၢအပူၤကွံာ်နံၣ်တဖၣ်အပူၤ ၦၤကီၫ်ပယီၤဖိဘၣ်ကီဘၣ်ခဲတဖၣ်အဂီၫ် ဟ့ၣ်မၤစၢၤဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤတကးဘၣ် ဖဲတယံာ်ဒံးဘၣ် အၣ်စံၣ်ယၣ်ထံကီၫ်ကရၢ ကၠီၣ်တဲၣ်ကိတိာ်ခိၣ်ကျၢၫ် Srettha ပဒိၣ်(ထိုင်းဝန်ကြီးချုပ် Srettha အစိုးရ)တကပၤ တၫ်ကခီတဲာ်ကီၫ်ဆၢ၀ံၤ ကဟ့ၣ်အါထီၣ် ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤအဖီခိၣ် စံးဘျူးဘၣ်၀ဲအဂ့ၫ် တဲ၀ဲန့ၣ်လီၤ.
တကးဘၣ် အမဲရကၤကီၫ်စၢဖှိၣ်တကပၤ ကီၫ်ပယီၤဘၣ်ကီဘၣ်ခဲလၢကီၫ်ပူၤဒီး ကီၫ်ချၢတဖၣ်အဂီၫ် ဟ့ၣ်၀ဲဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤ အမဲရကၤဒီလၣ်အကကွဲၫ်(၃၀၀)အဂ့ၫ် ဒီးတၫ်မၤစၢၤတဖၣ်အံၤ မ့ၫ်လၢဒံၣ်မိၣ်ကရ့ၣ်စံၣ်, ဟီၣ်ခိၣ်ဖိခွဲးယာ်(လူ့အခွင့်အရေး)ဒီး တၫ်တီတၫ်တြၫ်(တရားမျှတမှု)တဖၣ် ကဂ့ၤထီၣ်အဂီၫ်အဂ့ၫ် တဲ၀ဲလီၤ.
ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤအါတက့ၫ်န့ၣ် ပာ်ဖှိၣ်မၤသကိး၀ဲဒီး ကၠီၣ်တဲၣ်ပဒိၣ်ဒီး တၫ်ဆီၣ်ထွဲမၤစၢၤတဖၣ်န့ၣ် ဒုးအိၣ်ထီၣ်၀ဲအမိၫ်လံၤမိၫ်ၦၫ်လံန့ၣ် တဲ၀ဲလီၤ. ကီၫ်ပယီၤပာ်ဃုာ် လီၫ်က၀ီၤဂ့ၫ်၀ီတဖၣ် ကၠီၣ်တဲၣ်ပဒိၣ် အတၫ်တီခိၣ်ရိၣ်မဲတဖၣ် စံးဘျူးဘၣ်၀ဲဒီး ကီၫ်ပယီၤဖိလၢလိၣ်ဘၣ်တၫ်မၤစၢၤတဖၣ် မၤစၢၤ၀ဲအဖီခိၣ် စံးဘျူးဘၣ်၀ဲအဂ့ၫ် တဲ၀ဲလီၤ. အပူၤကွံာ် လၢကီၫ်စ့ၣ်ကဖူၣ် (၆)၀ီတ၀ီ တၫ်မၤ၀ဲ အမဲရကၤ-စ့ၣ်ကဖူၣ် သိၣ်မှံၤတၫ်ရ့လိာ်ဘၣ်ထွဲတၫ်အိၣ်ဖှိၣ်(မဟာဗျူဟာမြောက် မိတ်ဖက် ဆက်ဆံရေးဆွေးနွေးပွဲ)ပူၤစ့ၫ်ကီး Mr.Kritenbrink ဖၢနုာ်တၢၣ်ပီၣ်တဲသကိး ကီၫ်ပယီၤဂ့ၫ်၀ီဒံးန့ၣ်လီၤ.
photo:thoidai
