လါမးရှး(၇)သီ, ၂၀၂၄နံၣ်
ကီၫ်ကၠီၣ်တဲၣ် ခၠိၣ်ဘူၣ်ရံၣ်ကီၫ်ရ့ၣ်(ချွန်ဘူရီခရိုင်) တၫ်သူၣ်ထီၣ်ဘှီထီၣ် တၫ်မၤလီၫ်တတီၤအပူၤ ကီၫ်ပယီၤၦၤမၤတၫ်ဖိတဖၣ် တဒိးန့ၫ်တၫ်မၤအလဲ(၉)ကလီၫ်ဘျဲၣ်ဘၣ်အဃိ ဖဲလါမးၡး(၅)သီအနံၤန့ၣ် လဲၤလိာ်ဘၢလိာ်ကွီၫ်(အမှုဖွင့်တိုင်ကြား)တၫ်လၢ တၫ်ကဟုကယာ်ၦၤမၤတၫ်ဖိ၀ဲၤဒၢး(အလုပ်သမားကာကွယ်စောင့်ရှောက်ရေးရုံး)အဂ့ၫ် Dawei Watch တၫ်ကစီၣ်သန့ ပာ်ဖျါ၀ဲလီၤ.
လၢနီၣ်ယဲ၀့ၫ်(နောင်ယိုင်းမြို့) CESE2 တၫ်သူၣ်ထီၣ်ဘှီထီၣ်တၫ်မၤလီၫ်အပူၤ ကီၫ်ပယီၤၦၤမၤတၫ်ဖိ(၃၄)ဂၤ အလါလဲတဖၣ်န့ၣ် တၫ်မၤကစၫ်(အလုပ်ရှင်) ဟံးန့ၫ်မူဒါ ထုးထီၣ်န့ၫ်၀ဲတအိၣ်ဘၣ်အဂ့ၫ်ပာ်ဖျါ၀ဲလီၤ.
လါလဲခံလါအဂီၫ် ခဲလၢာ်ပာ်ဖှိၣ်(၉)ကလီၫ်ဘး တၫ်မၤကစၫ် တထုးထီၣ်န့ၫ်၀ဲဘၣ်အမဲာ်ညါ တၫ်ကဒိ တၫ်မၤလံာ်အုၣ်ကီၤ(ပန်းရောင်ကတ်)အဂီၫ် ထၢဃာ်စ့ဘၣ်ဆၣ် တဟံးန့ၫ်မူဒါ ဘၣ်အဃိ လိာ်ဘၢလိာ်ကွီၫ်၀ဲဒ်သိးအံၤန့ၣ်လီၤ.
အဃိ ၦၤမၤတၫ်ဖိအတၫ်ကီတၫ်ခဲတဖၣ် တၫ်မၤကစၫ် တဘှါဆှဲန့ၫ်၀ဲဘၣ်အမဲာ်ညါ ပာ်ဖှိၣ်ထီၣ်အသးလၢ ၦၤမၤတၫ်ဖိတဖၣ်ဒီး လဲၤတၢၣ်၀ဲဆူ တၫ်ကဟုကယာ်ၦၤမၤတၫ်ဖိ၀ဲဒၢး(အလုပ်သမားကာကွယ်စောင့်ရှောက်ရေးရုံး) လၢတၫ်ကဟဲသမံသမိး(ကွင်းဆင်းစစ်ဆေးပေးရန်)န့ၫ်ဘၣ်တၫ်အဂီၫ်န့ၣ်လီၤ.
လၢတၫ်မၤလီၫ်အံၤအပူၤ ၦၤမၤတၫ်ဖိ(၁၀၀)ဂၤ ဘၣ်ကီဘၣ်ခဲဘၣ်ဆၣ် လံာ်လဲၫ် တၫ်ဂ့ၫ်ကီတဖၣ်အဃိ တၫ်လဲၤတၢၣ်တသ့တဖီခိၣ် တၫ်ကလီၤသမံသမိးဘၣ်အဂီၫ် ဃ့ထီၣ်ကဒီး၀ဲဆူ တၫ်ကဟုကယာ် ၦၤမၤတၫ်ဖိ၀ဲၤဒၢး(အလုပ်သမားကာကွယ်စောင့်ရှောက်ရေးရုံး)န့ၣ်လီၤ.
လၢကတီၫ်အံၤ ကီၫ်ကၠီၣ်တဲၣ်ပူၤ ကီၫ်ပယီၤၦၤမၤတၫ်ဖိတဖၣ် အါထီၣ်တပယူာ်ဃီ၀ံၤ တၫ်မၤကမၣ်ၦၤမၤတၫ်ဖိခွဲးယာ်(အလုပ်သမားအခွင့်အရေးချိုးဖောက်မှု)တဖၣ်အဃိ တၫ်တၢၣ်တၫ် အါထီၣ်ဒ်သိးအံၤန့ၣ်လီၤ.
ref:daweiwatch
