လါမးရှး (၁)သီ, ၂၀၂၄နံၣ်
တရူးထံဖိကီၫ်ဖိ လၢဟဲတုၤလၢကညီကီၫ်စဲၣ်, ရၤမတံကီၫ်ဆၣ်(မြဝတီမြို့နယ်), ရွ့ၣ်ကိးကိၣ်ဟီၣ်က၀ီၤ(ရွှေကုက္ကိုလ်ဒေသ) KK Park တၫ်လီၫ်ပာ်ဃုာ် ၦၤ(၉၉၇)ဂၤန့ၣ် ပယီၤ, ကၠီၣ်တဲၣ်ဒီး တရူး ထံကီၫ်(၃)ဘ့ၣ် ပာ်ဖှိၣ်မၤသကိးတၫ်အဖီခိၣ် စးထီၣ်ဖဲလါဖ့ၤဘြူၤအါရံၤ(၂၉)သီအနံၤန့ၣ် လၢမဲဆီးကဘီယူၤသန့တဆီ တၫ်က့ၤဆှၢကဒါက့ၤအီၤဆူ တရူးကီၫ်အဂ့ၫ် (The Irrawaddy) တၫ်ကစီၣ်သန့ ပာ်ဖျါ၀ဲန့ၣ်လီၤ.
ဖဲမဟါတနံၤန့ၣ် ၦၤတရူးဖိ, (၁၅၀)ဂၤ ဘၣ်တၫ်က့ၤဆှၢလီၤကဒါက့ၤအီၤဖဲ ရၤမတံ, ပယီၤ – ကၠီၣ်တဲၣ် တၫ်ရ့လိာ်မုာ်လိာ်တိၤ နီၫ်ဂံၫ်(၂)ဒီး တၫ်ဟ့ၣ်လီၤဆူ ကၠီၣ်တဲၣ်ဘၣ်မူဘၣ်ဒါတဖၣ် အစုပူၤ၀ံၤ လၢမဲဆီးကဘီယူၤသန့တဆီ တၫ်ဆှၢလီၤက့ၤအ၀ဲသ့ၣ်ဆူ တရူးကီၫ် နၣ်ကၠ့ၣ်ကဘီယူၤသန့(နန်ကျင်းလေဆိပ်)န့ၣ်လီၤ.
တရူးပာ်ဃုာ် ၦၤထံဂုၤကီၫ်ဂၤဖိတဖၣ် လၢတၫ်ကက့ၤဆှၢကဒါက့ၤအီၤ တၫ်ရဲၣ်တၫ်ကျဲၤအပူၤ ဖဲတနံၤအံၤလါမးၡး(၁)သီ တုၤ(၅)သီအနံၤန့ၣ် တၫ်ကဆှၢကဒါက့ၤအီၤ လၢကဘီယူၤ(၃)ခိၣ်အဂ့ၫ် တၫ်ရဲၣ်ကျဲၤဃာ်၀ဲန့ၣ်လီၤ.
ref:TheIrrawaddy
