လါဖ့ၤဘြူၤအါရံၤ ၂၉သီႇ ၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ထံရူၫ်ကီၫ်သဲးဒီးရိၣ်ဖှိၣ်ကမံးတံာ်(နိုင်ငံရေးနှင့် စည်းရုံးရေးကော်မတီ) အဖီလာ် တၫ်ဟ့ၣ်တၫ်သ့ၣ်ညါဒီး တၫ်သူၣ်ထီၣ်ဆီလီၤ တၫ်မၤကမံးတံာ်(ပညာပေးစည်းရုံးရေးနှင့် ဖွဲ့စည်းတည်ဆောက်ရေး လုပ်ငန်းကော်မတီ)တီခိၣ်ရိၣ်မဲရဲၣ်ကျဲၤမၤ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ထံရူၫ်ကီၫ်သဲးအတၫ်သုးဘူးသး(နိုင်ငံရေးချဉ်းကပ်မှု), ထံရူၫ်ကီၫ်သဲးအတၫ်အိၣ်ဆၢထၢၣ်(နိုင်ငံရေးရပ်တည်ချက်များ)ဒီး တၫ်နဲၣ်ကျဲ(ဦးတည်ချက်) တဖၣ် လီၫ်ခၢၣ်သး, ကီၫ်ရ့ၣ်အပူၤ ၀ဲၤကျိၤ၀ဲၤဒ့တဘိစုာ်စုာ်အဘၢၣ်စၢၤ တၫ်နၫ်ပၢၫ်ကဒ်သိးလိာ်သးတခါဃီအဂီၫ်ဒီး တၫ်ကက့ၤပာ်ဖျါထီၣ်ကန့ၫ်အဂီၫ် တၫ်ပညိၣ်မၤ၀ဲ KNU Policy TOT တၫ်သိၣ်လိလၢ (၁)လါအတီၫ်ပူၤ ဖဲ၂၀၂၄နံၣ်, လါဖ့ၤဘြူၤအါရံၤ (၂၄)သီအနံၤ၀ံၤဟါ(၃)နၣ်ရံၣ်အဆၢကတီၫ် တၫ်မၤ၀ဲတၫ်ပျၫ်တၫ်သိၣ်လိအမူးတၫ်ရဲၣ်တၫ်ကျဲၤန့ၣ်လီၤ.
တၫ်ကယၢကယဲအမူး(အခမ်းအနားမှူး) သရၣ်စီၤဆၣ်လါမုၫ်ဒီး သရၣ်မုၣ်နီၫ်အဲၣ်ဖီ၀ါတဖၣ် တီခိၣ်ရိၣ်မဲ၀ဲ၀ံၤ ခိၣ်နၫ်တဖၣ်ဒီး ပှၤတမှံၤတဖၣ်ဟံးန့ၫ်တၫ်လီၫ်၀ံၤအလီၫ်ခံ တၫ်ဟ့ၣ်တၫ်သ့ၣ်ညါဒီး တၫ်သူၣ်ထီၣ်ဆီလီၤ တၫ်မၤကမံးတံာ်ခိၣ်နၫ်ဒီး ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ နဲၣ်ရွဲၣ်သဃဲၤ(၂)ပဒိၣ်စီၤလးထိတဖၣ် တဲလီၤတၫ်ကတိၤတူၫ်လိာ်မုာ်အဂ့ၫ် ခ့ၣ်အဲၣ်ယူၣ် ပာ်ဖျါဃာ်၀ဲန့ၣ်လီၤ.
သရၣ်စီၤဆၢန့ၫ်စ့လၢ အဟဲထီၣ် TOT တၫ်သိၣ်လိစ့ၫ်ကီးတဲဖျါထီၣ်၀ဲ တၫ်သိၣ်လိအတီၫ်ပူၤ တၫ်ဟူးတၫ်ဂဲၤတဖၣ်, တၫ်သိၣ်လိနဲၣ်လိတဖၣ်၀ံၤအလီၫ်ခံ တၫ်ဟ့ၣ်လီၤတၫ်သိၣ်လိလံာ်အုၣ်သးဆူ တၫ်သိၣ်လိဖိတဖၣ်အဂ့ၫ်န့ၣ်လီၤ. လၢန့ၣ်အမဲာ်ညါ ထံရူၫ်ကီၫ်သဲးဒီး ရိၣ်ဖှၣ်ကမံးတံာ်ခိၣ်ဒီး ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ပှၤပၢၤလီၫ်ဆ့ၣ်နီၤ ပဒိၣ်စီၤကွဲၤထူ၀့, ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ လီၫ်ခၢၣ်သးပၢဆှၢတၫ်ကမံးတံာ် ပဒိၣ်နီၫ်ဒါဒါ, ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ လီၫ်ခၢၣ်သးထီဘိကမံးတံာ် ပဒိၣ်စီၤသမ့ၣ်ထိ, ကညီဒီကလုာ်တၫ်ထူၣ်ဖျဲၣ်သုးမုၫ်ဒိၣ်(KNLA) လီၫ်ခၢၣ်သးသုး၀ဲၤလီၫ်ခိၣ်သ့ၣ် ပၢဆှၢသုးဂ့ၫ်၀ီခိၣ်ကျၢၫ်သဃဲၤ သုးခိၣ်ကျၢၫ်ဖိ မါဖါလိးဟ့(မန်းဖန်းလုံ့ဟိန်း), ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ လီၫ်ခၢၣ်သးပၢဆှၢတၫ်ကမံးတံာ်ပဒိၣ်စီၤအဲၣ်ကလုာ်စ့, ကညီသးစၫ်ကရၢပှၤပၢၤလီၫ်ဆ့ၣ်နီၤဒီး ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ လီၫ်ခၢၣ်သးပၢဆှၢတၫ်ကမံးတံာ် စီၤလၢၫ်နဲၣ်တဖၣ် တဲလီၤတၫ်ကတိၤဟ့ၣ်ဂံၫ်ဟ့ၣ်ဘါ၀ဲအဂ့ၫ် ပာ်ဖျါဃာ်၀ဲန့ၣ်လီၤ.
၀ံၤအလီၫ်ခံ တၫ်ဟ့ၣ်တၫ်သ့ၣ်ညါဒီး တၫ်သူၣ်ထီၣ်ဆီလီၤတၫ်မၤကမံးတံာ်ကရၢဖိ သရၣ်စီၤဆၣ်လါမုၫ် တဲလီၤတၫ်ကတိၤစံးဘျူး၀ံၤ တၫ်မၤကတၢၫ်က့ၤ တၫ်ရဲၣ်တၫ်ကျဲၤအမူးလၢ ကညီဒီကလုာ်တၫ်သး၀ံၣ်န့ၣ်လီၤ. တၫ်ရဲၣ်တၫ်ကျဲၤအပူၤ ပှၤ(၁၀၀)ဘျဲၣ် ဟဲထီၣ်၀ဲ၀ံၤ TOTတၫ်သိၣ်လိဖိတဖၣ်ဒီး ကညီသးစၫ်ကရၢဖိတဖၣ်စ့ၫ်ကီး မၤလၤကပီၤသူၣ်၀ံၣ်သးဆၢ၀ဲအဂ့ၫ် ခ့ၣ်အဲၣ်ယူၣ် ပာ်ဖျါဃာ်၀ဲန့ၣ်လီၤ.
photo:knu
