ရခၢၣ်ဒီးပလဲး၀းဟီၣ်က၀ီၤအပူၤ သုးကီၣ်ကးအတၫ်စုက၀ဲၤခဲလၢာ် လၢ(၁)နွံအတီၫ်ပူၤ တၫ်ကဟဲဟ့ၣ်ဘၣ်တၫ်စုက၀ဲၤတဖၣ် လၢအဆိအချ့အဂီၫ် ဖဲလါဖ့ၤဘြူၤအါရံၤ(၁၃)သီအနံၤ ဟါ(၉း၁၂)နၣ်ရံၣ်အကတီၫ်န့ၣ် ရခၢၣ်သုးမုၫ်ဒိၣ်(AA) ထုးထီၣ်တၫ်ကလုၫ်န့ၣ်လီၤ.
တၫ်ဘိးဘၣ်ရၤလီၤအပူၤ ရခၢၣ်သုးမုၫ်ဒိၣ်န့ၣ် ရခၢၣ်ဒီးပလဲး၀းဟီၣ်က၀ီၤအပူၤ သုးကီၣ်ကး အတၫ်တိာ်ကူၣ်ကျဲၤသုးကလၢၤဖးဒိၣ်(ဗျူဟာစခန်းကြီး)တဖၣ်, သုးရ့ၣ်၀ဲၤလီၫ်ခိၣ်သ့ၣ်(တပ်ရင်းဌာနချုပ်), သုးတြိၤ၀ဲၤလီၫ်ခိၣ်သ့ၣ်(တပ်မဌာနချုပ်), သုးခိးကီၫ်ဆၢသုးကလၢၤ(နယ်ခြားစောင့်တပ်စခန်း)တဖၣ်, ပၢၤကီၫ်သုးရ့ၣ်(ရဲတပ်ရင်း)တဖၣ်, ပၢၤကီၫ်သုးကလၢၤ(ရဲစခန်း)တဖၣ် သုတအိၣ်တ့ၫ်နီတဖျၢၣ် တၫ်ကဒုးဖျိးကွံာ်အဂီၫ် ဒ်ပညိၣ်ဃာ်၀ဲအသိး စးထီၣ်ဖဲ၂၀၂၃နံၣ်, လါနိၣ်၀့ဘၢၣ်(၁၃)သီအနံၤ သုးကီၣ်ကး အသုးကလၢၤဒီး ပၢၤကီၫ်သုးကလၢၤတဖၣ် တဖျၢၣ်၀ံၤတဖျၢၣ် ထီၣ်ဒုးဖျိးကွံာ်၀ဲ တပယူာ်ဃီ၀ံၤ ဒ်ပညိၣ်၀ဲအသိး သုးကီၣ်ကး အသုးကလၢၤဒီး ပၢၤကီၫ်သုးကလၢၤတဖၣ် မၤန့ၫ်ဃာ်၀ဲတဖျၢၣ်၀ံၤတဖျၢၣ်န့ၣ်လီၤ. ဒ်န့ၣ်အသိး သုးကလၢၤလၢအိၣ်တ့ၫ်ဒံးတဖၣ် ကဒုးဖျိးကွံာ်ကဒီး၀ဲခဲလၢာ်အဂ့ၫ် ရခၢၣ်သုးမုၫ်ဒိၣ်တဲ၀ဲလီၤ.
သုးကီၣ်ကးအသုးလၢတမၤနၢၤတၫ် သုးဖိတဖၣ်ဒီး ပၢၤကီၫ်တဖၣ်န့ၣ် ပာ်တ့ၫ်ကွံာ်အသုးကလၢၤဒီး ဃ့ၫ်ပူၤဖျဲးအသးဆူ ကီၫ်အ့ၣ်ဒံယါ(အိန္ဒိယ)ဒီး ကီၫ်ဘ့ကလါဒ့းၡ်(ဘင်္ဂလားဒေ့ရှ်)မ့ၫ်ဂ့ၤ ထံကျါတၫ်ဒုးအပူၤ သုးကဘီ, စဲး(ဇက်)ကဘီအဖီၣ်အဖီခိၣ် ဂုၤအသး ဘၣ်ဃ့ၫ်ပူၤဖျဲးအိၣ်အသိး လၢဒူသ၀ီပူၤ ကူထီၣ်သိးထီၣ် ကမျၢၫ်တၫ်ကူတၫ်သိး၀ံၤ လၢကျဲအကလုာ်ကလုာ် ဃ့ၫ်ပူၤဖျဲးအသးအိၣ်၀ဲအဂ့ၫ် ရခၢၣ်သုးမုၫ်ဒိၣ်တဲ၀ဲလီၤ.
လၢတၫ်ဃ့ၫ်ပူၤဖျဲးသးအကတီၫ် အ၀ဲသ့ၣ် အကျိချံၦာ်သၣ်တဖၣ် မၤဟးဂီၤပာ်တ့ၫ်ကွံာ်၀ဲအိၣ်အသိး ဃ့ၫ်ပူၤဖျဲးသးအကတီၫ် နီၫ်တဂၤတၫ်စုက၀ဲၤလၢဃ့ၫ်စိာ်၀ဲတဖၣ် လၢတၫ်အိၣ်သးတကတီၫ်အပူၤ စိာ်၀ဲတန့ၫ်လၢၤဘၣ်အဃိ စူးကွံာ်၀ဲလၢကစၢၫ်ကျါ, ထံကျိထံကွာ်အပူၤမ့ၫ်ဂ့ၤ, ပာ်တ့ၫ်ဘျၢလီၤကွံာ်၀ဲမ့ၫ်ဂ့ၤ, ရခၢၣ်သုးမုၫ်ဒိၣ်တကပၤ ဃုထံၣ်န့ၫ်၀ဲအိၣ်ဒီး သ့ၣ်ညါဘၣ်၀ဲလၢ သုးဖိလၢဖီၣ်န့ၫ်၀ဲတဖၣ်အအိၣ်အဂ့ၫ် ပာ်ဖျါ၀ဲလီၤ.
တၫ်လီၫ်လၢရခၢၣ်သုးမုၫ်ဒိၣ် လဲၤတတုၤဒံးတဖၣ်မ့ၫ်ဂ့ၤ တၫ်စုက၀ဲၤလၢရခၢၣ်သုးမုၫ်ဒိၣ် ဃုထံၣ်၀ဲတန့ၫ်တဖၣ်မ့ၫ်ဂ့ၤ အိၣ်ဒံးသ့၀ဲ၀ံၤ တၫ်စုက၀ဲၤလၢသုးကီၣ်ကးအသုး စူးကွံာ်တ့ၫ်တဖၣ် ၦၤတဂၤလၫ်လၫ်မ့ၫ်ထံၣ်ဘၣ်န့ၣ် တၫ်ကလဲၤဟ့ၣ်ဘၣ်ဆူ ရခၢၣ်သုးမုၫ်ဒိၣ် လၢအိၣ်ဘူးတဖၣ်အိၣ်မ့ၫ်ဂ့ၤ လၢရခၢၣ်ကီၫ်ကမျၢၫ်ပဒိၣ်(အာရက္ခပြည်သူ့အစိုးရ) ပၢပြးဘၣ်မူဘၣ်ဒါ(အုပ်ချုပ်ရေးမှူး)အိၣ်မ့ၫ်ဂ့ၤဒီး ဒိးသန့ၤထီၣ်အသးလၢ တၫ်စုက၀ဲၤဂ့ၤတဂ့ၤအဖီခိၣ် တၫ်ဟ့ၣ်ကနၢၤ(ဆုငွေ)လၢကၢကီၣ်တဖၣ် တၫ်ကဟ့ၣ်၀ဲတဘျီဃီအဂ့ၫ် ဘိးဘၣ်ပာ်ဖျါ၀ဲလီၤ.
ရခၢၣ်သုးမုၫ်ဒိၣ် တၫ်ပၢဟီၣ်က၀ီၤအပူၤ ကမျၢၫ်ပတီၫ်မုၫ်(သာမန်အရပ်သား)တဖၣ် တၫ်ဖီၣ်စုက၀ဲၤမ့ၫ်ဂ့ၤ ဆါၦ့ၤ၀ဲမ့ၫ်ဂ့ၤ တၫ်တဟ့ၣ်အခွဲးဘၣ်အဃိ ၦၤလၢစိာ်တၫ်စုက၀ဲၤတဖၣ် ကဟဲဆှၢဘၣ်၀ဲလၢ ရခၢၣ်သုးမုၫ်ဒိၣ်အိၣ်အဂီၫ် စးထီၣ်ဖဲတၫ်ဘိးဘၣ်ပာ်ဖျါအမုၫ်နံၤ လၢတနွံအတီၫ်ပူၤ ဖဲ(၂၀၀၄)နံၣ်, လါဖ့ၤဘြူၤအါရံၤအသီ(၂၀)အနံၤ, ဟါ(၁၂)နၣ်ရံၣ် ပာ်၀ဲလၢအလီၫ်ခံကတၢၫ်အဂ့ၫ် ပာ်ဖျါ၀ဲလီၤ.
လၢတၫ်ပာ်ပနီၣ်မုၫ်နံၤမုၫ်သီအပူၤ တၫ်ဟဲဟ့ၣ်တၫ်စုက၀ဲၤမ့ၫ်တအိၣ်, တၫ်ပာ်ခူသူၣ်အီၤတဖၣ် တၫ်သမံသမိးမ့ၫ်ထံၣ်န့ၫ်န့ၣ် တၫ်ကဟံးန့ၫ်ဂ့ၫ်၀ီတုၤလီၤတီၤလီၤအဂ့ၫ် ရခၢၣ်သုးမုၫ်ဒိၣ် ဟ့ၣ်ပလီၫ်ဘိးဘၣ်ပာ်ဖျါ၀ဲန့ၣ်လီၤ.
photo:AA
