ဘီမုၫ်စၢဖှိၣ်ကရၢနဲၣ်ရွဲၣ်ခိၣ်ကျၢၫ် (ကုလသမဂ္ဂအတွင်းရေးမှူးချုပ်) ဘၣ်ထွဲကီၫ်ပယီၤခၢၣ်စးလီၤဆီ (မြန်မာနိုင်ငံဆိုင်ရာ အထူးကိုယ်စားလှယ်) တၫ်ပာ်ထီၣ်အီၤလၢအဆိအချ့ကန့ၫ်အဂီၫ် ဘၣ်ထွဲဘီမုၫ်စၢဖှိၣ်ကရၢ(ကုလသမဂ္ဂ) ထီဘိကီၫ်ပယီၤခၢၣ်စး မီၫ်သီအူကၠီၣ်မိထိ ဃ့ထီၣ်၀ဲလီၤ.
(၇၈)၀ီတ၀ီ ဘီမုၫ်စၢဖှိၣ်ကရၢ တၫ်အိၣ်ဖှိၣ်န့ၣ် ဖဲလါဖ့ၤဘြူၤအါရံၣ်(၇)သီအနံၤ ဘၣ်တၫ်မၤ၀ဲ၀ံၤ ဘၣ်ထွဲတၫ်ကရၢကရိအတၫ်ဖံးတၫ်မၤတဖၣ် လၢကရၢထံကီၫ်တဖၣ် တဲဖျါထီၣ်၀ဲအပူၤ ဖၢနုာ်တဲဃုာ်၀ဲဒ်သိးအံၤန့ၣ်လီၤ.
ကီၫ်ပယီၤအပူၤ တၫ်အိၣ်သးလၢကဲထီၣ်တဖၣ် ဘီမုၫ်စၢဖှိၣ်ကရၢတကပၤ အတၫ်ပာ်ဃုာ်ပာ်ဂီၫ်န့ၣ် မ့ၫ်တၫ်လၢအရ့ဒိၣ်၀ဲအဂ့ၫ်, ဘီမုၫ်စၢဖှိၣ်ကရၢနဲၣ်ရွဲၣ်ခိၣ်ကျၢၫ် ဘၣ်ထွဲကီၫ်ပယီၤခၢၣ်စးလီၤဆီ တၫ်ကပာ်ထီၣ်န့ၫ်လၢအဆိအချ့အဂီၫ်စ့ၫ်ကီး မီၫ်သီအူကၠီၣ်မိထိ တၢၣ်ပီၣ်တဲဃုာ်၀ဲလီၤ.
တကးဘၣ် (၃)နံၣ်အတီၫ်ပူၤ သုးကီၣ်ကး အတၫ်မၤသံမၤ၀ီ ထံဖိကီၫ်ဖိကမျၢၫ်လၢ တၫ်ကမၣ်တအိၣ် အၢအၢသီသီ (၄,၄၀၀)ဂၤဘျဲၣ်ဒီး ၦၤခဲလၢာ် (၂၅,၀၀၀)ဂၤ ဖီၣ်ဃာ်၀ဲလၢတဖိးသဲစးအပူၤအဂ့ၫ် ဖၢနုာ်တၢၣ်ပီၣ်တဲဃုာ်၀ဲလီၤ.
သုးကီၣ်ကးလၢ မၤအၢမၤသီတၫ်တဖုအံၤအဃိ ထံကီၫ်အပူၤ ကမျၢၫ် (၂.၆)ကကွဲၫ်ဃၣ်ဃၣ် ဘၣ်ပာ်တ့ၫ်တၫ်အိၣ်ဆိးလီၫ် ဃ့ၫ်ပူၤဖျဲးအသးအသိး ထံဖိကီၫ်ဖိကမျၢၫ် (၁၉)ကကွဲၫ်ဃၣ်ဃၣ် လိၣ်ဘၣ်ဂ့ၫ်ဂီၫ်အူဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤ( လူသားချင်းစာနာထောက်ထားမှု အကူအညီ)တဖၣ်၀ံၤ ၦၤနီၫ်ဂံၫ်တ၀ၣဘျဲၣ်န့ၣ် ကွၫ်ဆၢၣ်မဲာ်ဘၣ်တၫ်ဖှီၣ်တၫ်ယာ်အဂ့ၫ် အူကၠီၣ်မိထိဖၢနုာ်တဲဃုာ်၀ဲလီၤ. သုးအၢသီတဖုအံၤ တၫ်ဘူၣ်တၫ်ဘါတၫ်သူၣ်ထီၣ်(ဘာသာရေး အဆောက်အဦး)ပာ်ဃုာ် တၫ်သူၣ်ထီၣ် ခဲလၢာ်အဖျၢၣ်(၈၆,၀၀၀)ဘျဲၣ် ဒွဲၣ်အူမၤဟးဂီၤ၀ဲအဂ့ၫ်စ့ၫ်ကီး ဖၢနုာ်တၢၣ်ပီၣ်တဲ၀ဲန့ၣ်လီၤ.
ref:PVTV
