ဖဲလါဖ့ၤဘြူၤအါရံၣ်(၇)သီအနံၤ မုၫ်ဆါခီအကတီၫ် ပယီၤသုးခိးကီၫ်ဆၢ(၆၃)ဂၤ လဲၤဃ့ၫ်နုာ်လီၤကဒီးလၢ ကီၫ်ဘ့ကလါဒ့းရှ်အဂ့ၫ် ဘ့ကလါဒ့းရှ်တၫ်ကစီၣ် (Dhaka Tribune)ပာ်ဖျါ၀ဲလီၤ. ကီၫ်ဘ့ကလါဒ့းရှ်အပူၤ လၢ(၃)သီအတီၫ်ပူၤ ပယီၤသုးခိးကီၫ်ဆၢ သုးဖိ, ပၢၤကီၫ်ဒီး ပဒိၣ်ပှၤမၤတၫ်ဖိခဲလၢာ်ပာ်ဖှိၣ် လဲၤဃ့ၫ်နုာ်လီၤအိၣ်လံ (၃၂၇)ဂၤလံအဂ့ၫ် တၫ်သ့ၣ်ညါဘၣ်လၢ ဘ့ကလါဒ့းရှ် သုးခိးကီၫ်ဆၢပှၤတဲတၫ်ပၢအိၣ်အဂ့ၫ် ဘ့ကလါဒ့းရှ်တၫ်ကစီၣ်သန့(Dhaka Tribune)ပာ်ဖျါ၀ဲလီၤ.
ဖဲအနံၤ၀ဲန့ၣ် ဘ့ကလါဒ့းရှ်သုးခိးကီၫ်ဆၢပှၤနဲၣ်တၫ် ဟဲကွၫ်တၫ်ဖဲ ကီးဘစါကီၫ်ရ့ၣ်(ကော့ဘဇားခရိုင်) ဘ့ကလါဒ့း-ပယီၤကီၫ်ဆၢ၀ံၤ ကီၫ်ဆၢတၫ်အိၣ်သးလၢ ကဟဲကဲထီၣ်အသးသ့တဖၣ်အဖီခိၣ် တၫ်ကရၤလီၤဃာ်သုးအဂီၫ် နဲၣ်လီၤဃာ်၀ဲအဂ့ၫ်(Dhaka Tribune)ပာ်ဖျါ၀ဲလီၤ.
ပယီၤသုးတကပၤ ခးလီၤကျိချံလီၤ၀ဲဆူ ကီၫ်ဘ့ကလါဒ့းရှ် တၫ်ပၢဟီၣ်က၀ီၤပူၤအဃိ တၫ်သံတၫ်ပှၫ်တၫ်ဘၣ်ဒိဘၣ်ထံးတဖၣ်, ပယီၤသုးခိးကီၫ်ဆၢအတၫ်လဲၤဃ့ၫ်နုာ်လီၤတဖၣ် လၢကတီၫ်အံၤတၫ်အိၣ်သးတဖၣ်အဃိ ကီၫ်ဘ့ကလါဒ့းရှ် မုၫ်ထီၣ်ကလံၤထံး ဘၣ်ဒၣ်ဘၣ်ကီၫ်ရ့ၣ်(ဘန်ဒါဘန်ခရိုင်)ဒီး နဲၣ်ခိၣ်ခၠးရံၣ်ကီၫ်ရ့ၣ်(နိုင်ခုန်ချရီ ခရိုင်)တဖၣ်အပူၤ ပဒိၣ်တီၤဖုၣ်တၫ်သိၣ်လိကၠိ(၅)ဖျၢၣ် ဘၣ်တၫ်ကးတံာ်ဃာ်အီၤ တစိၤတလီၫ်န့ၣ်လီၤအဂ့ၫ် (Dhaka Tribune)ပာ်ဖျါ၀ဲလီၤ.
ဘၣ်ထွဲဒီး တၫ်ကဲထီၣ်အသးလၢထးတဖၣ်အံၤအဖီခိၣ် ဘ့ကလါဒ့းရှ်ထံဂုၤကီၫ်ဂၤကိတိာ်န့ၣ် ကိးထံၣ်သုးကီၣ်ကးမီၫ်သီ အူအီၣ်ကၠီၣ်မိ(ဦးအောင်ကျော်မိုး) လၢ၀့ၫ်ဒါကၣ်(ဒါကာမြို့)ဒီး ဟ့ၣ်ပလီၫ်၀ဲအဂ့ၫ် ဘ့ကလါဒ့းရှ်တၫ်ကစီၣ်တဖၣ်ပာ်ဖျါ၀ဲလီၤ.
ပယီၤသုး(၆၃)ဂၤ လဲၤဃ့ၫ်နုာ်လီၤကဒီးလၢကီၫ်ဘ့ကလါဒ့း
