လါဒံၣ်စ့ဘၢၣ်(၁၆)သီ,၂၀၂၅နံၣ်
လၢကီၫ်ဘ့ကလါဒ့းရှ်တကပၤ ပှၤဖီၣ်စုက၀ဲၤတဖၣ် အတၫ်ဒုးဃီၤတဖၣ်အဃိ ဘၣ်ဒိဘၣ်ထံးကီၫ်ဆၢတၫ်အိၣ်ဂၢၫ်ဆိး ကျၢၤအဂ့ၫ် ဖဲလါဒံၣ်စ့ဘၢၣ်(၁၅)သီအနံၤန့ၣ် ရၢၫ်ခၢၣ်သုးမုၫ်ဒိၣ်(AA)ဘိးဘၣ်ရၤလီၤ၀ဲလီၤ.
ဖဲမဟါနံၤ ရၢၫ်ခၢၣ်သုးမုၫ်ဒိၣ်ပၢဆှၢဃာ် ရၢၫ်ခၢၣ်-ဘ့ကလါကီၫ်ဆၢ ကီၫ်ရ့ၣ်မီၣ်တီ,အထဲးကၠံကၠိ,ကီၫ်ဆၢတၫ်ပနီၣ်တၢၣ် (၂၀/၂၁)အဘၢၣ်စၢၤ ကီၫ်ဆၢတၫ်ဘံၣ်တၫ်ဘၢသုးကလၢၤတခါအပူၤ လၢဂံၫ်ဘါ(၁၀)ဂၤ အံၣ်စလၣ်မံးပှၤဖီၣ်စုက၀ဲၤ တဖၣ် အိၣ်လၢဘ့ကလါတကပၤဟဲခီနုာ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
အလီၫ်ခံ အ၀ဲသ့ၣ်တဖၣ် စီၤခး၀ဲလၢကျိဖိပာ်ဃုာ် ၄၀မမ,၇၉ကျိဖးဒိၣ်တဖၣ်လၢစှၤမံးနံးဃာ်ဃာ်အဂ့ၫ် AAအတၫ်ဘိး ဘၣ်ရၤလီၤအပူၤ ပာ်ဖျါ၀ဲလီၤ.
AAသုးဖိတဖၣ်ခးဆၢကဒါက့ၤ၀ဲအဃိ ပှၤဖီၣ်စုက၀ဲၤတဖၣ်န့ၣ် က့ၤဃ့ၫ်ဆူ ဘ့ကလါဒ့းရှ်တကပၤ BGBကီၫ်ဆၢသုးက လၢၤကပၤအဂ့ၫ် တဲဃာ်၀ဲန့ၣ်လီၤ.
ပှၤဖီၣ်စုက၀ဲၤလၢကိးလီၤအသးဒ်ရိၣ်ဟ့ၣ်ကၠၣ်တဖၣ်န့ၣ် စီၤခး၀ဲသုးဂ့ၫ်၀ီတၫ်ပနီၣ်အလီၫ်တဖၣ်တကးဘၣ် ပညိၣ်ဃီၤ ကမျၢၫ်ဒီးဒုး၀ဲ,မၤသံမၤ၀ီတၫ်,ဖီၣ်ဃ့န့ၫ်ဆူၣ်စ့တဖၣ် မၤ၀ဲအဘျီတဖၣ်အဘျီအဂ့ၫ် ရၢၫ်ခၢၣ်သုးမုၫ်ဒိၣ် တဲ၀ဲလီၤ.
တၫ်န့ၣ်အဃိ ပာ်ဒိဘၣ်ထံး၀ဲ တၫ်နာ်န့ၫ်လိာ်သးလၢအိၣ်ပာ်စၢၤဒီးလၢကတီၫ်ခဲအံၤတဖၣ်အဃိ တၫ်ပိာ်ထွဲထီၣ်အခံလၢ တကြၢးတဘၣ်တဖၣ် ကကဲထီၣ်ဘၣ်ဖုးန့ၣ် ဘၣ်ယိၣ်ဘၣ်ဘှီ၀ဲအဂ့ၫ် တဲ၀ဲလီၤ.
“ကီၫ်ဆၢစံးတၫ်န့ၣ်တၫ်ကးတံာ်၀ဲဃံးဃံးဒ်သိးဒီးအပူၤကွံာ်တန့ၢ်လၢၤဘၣ်.ပနံာ်တၫ်ယွၤလီၤတဖၣ်,ကသံၣ်ကသီဒၣ်လဲၣ်တၫ်ဘၣ်ပာ်ဂံၫ်ပာ်ဘါ၀ဲ ဘ့ကလါဒ့းရှ်န့ၣ်လီၤ.ပနံာ်တၫ်ယွၤလီၤတဖၣ် တဒ်သိးဒီးလၢညါလၢၤဘၣ်.တၫ်ဆၢကတီၫ် ယံာ်ထီၣ်အိၣ်၀ဲအဂ့ၫ်” ဘၣ်ထွဲဒီးကီၫ်ဆၢတၫ်အိၣ်သး မီတီပှၤလီၫ်က၀ီၤဖိတဂၤတဲ၀ဲလီၤ.
ရၢၫ်ခၢၣ်ဟီၣ်က၀ီၤပူၤ အပူၤကွံာ်(၂)နံၣ်အတီၫ်ပူၤ ပှၤဖီၣ်စုက၀ဲၤလၢကိးလီၤအသးဒ်ရိၣ်ဟ့ၣ်ကၠၣ်တဖၣ် အတၫ်မၤသံမၤ ၀ီအဃိ ကမျၢၫ်ဘၣ်သံ(၁၄၇)ဂၤဒီးဘၣ်ဒိ(၁၈)ဂၤအဂ့ၫ် ရၢၫ်ခၢၣ်သုးမုၫ်ဒိၣ်,ပှၤဂ့ၫ်၀ီတၫ်ဆီၣ်ထွဲမၤစၢၤဒီးတၫ်ပာ်ဖှိၣ်မၤသ ကိး၀ဲၤဒၢး(HDCO) ဘိးဘၣ်ရၤလီၤဃာ်၀ဲဖဲလါဒံၣ်စ့ဘၢၣ်(၁၀)သီအနံၤန့ၣ်လီၤ.
