လါနိၣ်၀့ဘၢၣ်(၂၇)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
မုာ်ခွါကဒဲကဒဲ တၫ်ဖျီသးန့ၣ် လၢယူၤရပၤကီၫ်စၢဖှိၣ်ထံကီၫ်ခဲလၢာ်အပူၤ တၫ်ကဘၣ်ပာ်လုၫ်ပာ်ပှ့ၤပာ်ပနီၣ်န့ၫ်၀ဲအဂ့ၫ် ယူၤရပၤထံကီၫ်စၢဖှိၣ်ကရၢ စံၣ်ညီၣ်ကွီၫ်၀ဲၤဒၢးအထီကတၢၫ် ဆၢတဲာ်လီၤ၀ဲ ဖဲလါနိၣ်၀့ဘၢၣ်(၂၅)သီအနံၤန့ၣ်လီၤ.
လၢကီၫ်ကၠၢမနံၣ်အပူၤ ပှၤပိၣ်လၣ်ထံဖိကီၫ်ဖိလၢ မုာ်ခွါကဒဲကဒဲဟံးန့ၫ်လိာ်အသးခံဂၤ တၫ်ကပာ်ပနီၣ်၀ဲအဂီၫ် ပိၣ်လၣ် ပဒိၣ်လၢဂ့ၫ်လိာ်၀ဲအံၤ စံၣ်ညီၣ်ကွီၫ်၀ဲၤဒၢး၀ဲန့ၣ် ပာ်ဒ့ၣ်ပာ်ကမၣ်အီၤလီၤ.
ပိၣ်လၣ်တၫ်ဘျၢအဖီခိၣ် မုာ်ခွါကဒဲကဒဲတၫ်ဖျီသးန့ၣ် တဟ့ၣ်တၫ်ပျဲဘၣ်အဃိ ဘၣ်ဂ့ၫ်လိာ်၀ဲဒ်သိးန့ၣ်အဂ့ၫ် ပိၣ်လၣ်ပဒိၣ်တဲ၀ဲလီၤ.
တၫ်ဂ့ၫ်လိာ်ဒ်သိးအံၤန့ၣ် ထီဒါလိာ်အသးဒီးယူၤရပၤကီၫ်စၢဖှိၣ်အတၫ်သိၣ်တၫ်သီတဖၣ်အဂ့ၫ် စံၣ်ညီၣ်ကွီၫ်၀ဲၤဒၢး တဲ၀ဲလီၤ.
တၫ်အံၤန့ၣ် မ့ၫ်တၫ်မၤကမၣ်၀ဲ ဂ့ၫ်ခီၣ်ထံးတၫ်ခွဲးတၫ်ယာ်လၢ တၫ်အိၣ်တၫ်ဆိးလၢတၫ်သဘျ့အပူၤတကးဘၣ်, ပှၤကညီတဂၤအနီၫ်ကစၫ်တၫ်အိၣ်မူဒီးဟံၣ်ဖိဃီဖိတၫ်အိၣ်မူ တၫ်ကပာ်လုၫ်ပာ်ပှ့ၤ၀ဲအဂီၫ်ဒၣ်လဲၣ်အဂ့ၫ် စံၣ်ညီၣ်ကွီၫ်၀ဲၤဒၢးတဲ၀ဲလီၤ.
ထံကီၫ်ပိၣ်လၣ်လၢ ပှၤစူၣ်ပှၤနာ်၀ဲ ကဲးသလံးခရံာ်ဖိတၫ်ဘါအါအပူၤ ပှၤ LGBTလၢဒုးတၫ်လၢတၫ်ခွဲးတၫ်ယာ်တဖၣ် လၢနံၣ်တဖၣ်အပူၤ ဘၣ်တၫ်ပာ်ပနီၣ်၀ဲဒ်ကီၫ်ချၢအတၫ်ဆိကမိၣ်လၢအိၣ်ဒီးတၫ်လီၤဘၣ်ယိၣ်န့ၣ်လီၤ.
