လါနိၣ်၀့ဘၢၣ်(၂၆)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကရ့ၣ်နံၣ်ကီၫ်,၀့ၫ်ဒံၣ်မီဆိၣ်မုၫ်နုာ်တကပၤ ဒံၣ်မီဆိၣ်ဒီးနါမဲၫ်ခိၣ်ကီၫ်ဆၣ်အဘၢၣ်စၢၤ ဒူသ၀ီတဖၣ် သုးခီၣ်မံးရှၢၣ်အသုး ကျိၤဟဲထီၣ်အဃိ သ၀ီတစှၤန့ၫ်(၄)ဖျၢၣ် ဘၣ်ဃ့ၫ်ပူၤဖျဲးသးအဂ့ၫ် ပှၤလၢလဲၤမၤပူၤဖျဲးထီၣ်တၫ်တဖၣ်တဲ၀ဲလီၤ.
တချူးသုးကျိၤနုာ်လီၤ လၢနိၣ်၀့ဘၢၣ်(၂၃)သီလံၤလံၤ ၀့ၫ်ဒံၣ်မီဆိၣ်အမုၫ်နုာ်တကပၤ သုးခီၣ်မံးရှၢၣ် လူၤကွၫ်ဟုၣ်တၫ်ဒီး ဒြိတဖၣ်၀ံၤ ခးလီၤတၫ်လၢကဘီယူၤဒီးကျိဖးဒိၣ်တဖၣ်တပယူာ်ဃီအဃိ လီၫ်က၀ီၤကမျၢၫ် ဘၣ်ဃ့ၫ်ပူၤဖျဲးအသးန့ၣ် လီၤ.
နိၣ်၀့ဘၢၣ်(၂၄)သီန့ၣ် သ့ဆူလဲသ၀ီ,ပူၣ်ဖါသ၀ီ,ဆံလံၣ်ဒိသ၀ီဒီးကၠၣ်ဖူဒီသ၀ီတဖၣ် ဘၣ်ပဒၣ်ဟးဆှဲသကွံာ်အသးဒီး လိၣ်ဘၣ်တၫ်မၤစၢၤတဖၣ်အဂ့ၫ် ပှၤမၤပူၤဖျဲးထီၣ်တၫ်တဂၤတဲ၀ဲလီၤ.”တၫ်မၤပူၤဖျဲးထီၣ်အဂီၫ် သိလ့ၣ်အသိဒုလိၣ်၀ဲလီၤ.ဖဲဘၣ်စံာ်သုးဒ်သိးအံၤအကတီၫ် ပလိၣ်ဘၣ်အါထီၣ်လီၤ.ဘၣ်သုးသးကယီကယီအဃိလီၤ.ပှၤနီၫ်ဂံၫ်ဒုတသ့ၣ်ညါဘၣ်ဒံးဘၣ်.လၢဒီငၣ်ခါတကပၤစ့ၫ်ကီးဖဲအ၀ဲသ့ၣ် ဘိးဘၣ်ရၤလီၤဃာ်၀ဲလၢတၫ်ဃုထၢတၫ်လီၫ်အကတီၫ် အကပိာ်ကပၤသ၀ီတဖၣ် ဘၣ်ပဒ့ၣ်ဟးဆှဲးကဒီးအသးန့ၣ်လီၤ.”
တၫ်ဃုထၢလၢသုးခီၣ်မံးရှၢၣ်ကမၤ၀ဲအကူာ်(၁)အပူၤန့ၣ် ကရ့ၣ်နံၣ်ကီၫ်စဲၣ်ပူၤ ၀့ၫ်ခိၣ်လွဲၫ်ကီၫ်ဒီးဘီၣ်လခဲပာ်ဃုာ်၀ဲဒီး အ ကူာ်(၂)အပူၤခီ ဒံၣ်မီဆိၣ်ဒီးဖရူၫ်ဆိၣ်ကီၫ်ဆၣ်တဖၣ် ပာ်ဃုာ်၀ဲအဂ့ၫ် တၫ်ဃုထၢခီၣ်မံးရှၢၣ်တကပၤ ဘိးဘၣ်ရၤလီၤဃာ် ၀ဲလီၤ.
သုးခီၣ်မံးရှၢၣ်တကပၤ ပၢဆှၢ၀ဲန့ၫ်ဒံးဒၣ်ထဲ ၀့ၫ်ခိၣ်လွဲၫ်ကီၫ်ဒီးငွ့ၣ်တီၣ်တမၢၫ်ဧိၤလီၤဒီးကရ့ၣ်န့ၣ်ကီၫ်စဲၣ် ကီၫ်ဆၣ်အါတ က့ၫ်ဒု တၫ်ပၢၫ်ဆၢသုးပာ်ဖှိၣ်တဖၣ် ပၢဆှၢဃာ်၀ဲလီၤ.
တၫ်န့ၣ်အဃိ သုးကျိၤလၢနုာ်လီၤလၢသ၀ီပူၤခဲအံၤန့ၣ် အိၣ်ဟးထီၣ်လၢ၀့ၫ်လွဲၫ်ကီၫ်အပူၤဒီးတချူးတၫ်ဃုထၢဘၣ် နါမဲၫ်ခိၣ်ဒီး၀့ၫ်ဒံၣ်မီဆိၣ်တဖၣ် ပၢဆှၢ၀ဲကန့ၫ်အဂီၫ် ဟဲနုာ်လီၤသုးကျိၤအဂ့ၫ် ဒံၣ်မီဆိၣ်သုးဂ့ၫ်၀ီဂ့ၫ်ခီၣ်ထံးတၫ်ကစီၣ် ပဲာ်ထံနီၤဖး၀ဲလီၤ.
“သုးခီၣ်မံးရှၢၣ်န့ၣ် နါမဲၫ်ခိၣ်ဒီတကျိၤမၤ၀ဲတန့ၫ်ဒံးဘၣ်.တဲ၀ဲဒၣ်လၢမၤန့ၫ်ဒံၣ်မီဆိၣ်လီၤ.ထဲတ၀ာ်ဒၣ်လဲၣ် မၤ၀ဲတန့ၫ်ဒံး ဘၣ်.အတၫ်ပညိၣ်န့ၣ် လီၤဂာ်လၢအဲၣ်ဒိးမၤန့ၫ် နါမဲၫ်ခိၣ်န့ၣ်လီၤ.”
လၢကတီၫ်အံၤ ဒူသ၀ီလၢသုးခီၣ်မံးရှၢၣ်ပၢဆှၢဃာ်အါတက့ၫ်န့ၣ် ပှၤစံာ်သုးတဖၣ် တချူးတၫ်ဃုထၢဘၣ် ကဟဲက့ၤဆူ အတၫ်အိၣ်ဆိးလီၫ်အဂီၫ် ဟ့ၣ်၀ဲတၫ်ဆီၣ်သနံးဒီးပှၤလၢတဟဲက့ၤတဖၣ် အဟံၣ်ဃီတၫ်ကဟံးန့ၫ်ကွံာ်၀ဲဒ်ကမျၢၫ်ပၢအ သိး တဲပျံၤတဲဖုး၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.၀့ၫ်ခိၣ်လွဲၫ်ကီၫ်လၢတၫ်ကမၤတၫ်ဃုထၢအကူာ်(၁)အပူၤ ဆီလီၤဃာ် တၫ်ဘံၣ်တၫ်ဘၢဃံးဃံးဒီးကၠဖိလၢထီၣ်ဖၠၣ်စိမိၤတဖၣ်စ့ၫ်ကီး ဘၣ်စးထီၣ်ဟ့ၣ် တၫ်ဖးလံန့ၣ်လီၤ.
