လါနိၣ်၀့ဘၢၣ်(၆)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တနီသရံၣ်ကီၫ်ခီ,ဘျံးကီၫ်ရ့ၣ်,တနီသရံၣ်ကီၫ်ဆၣ်,စ၀ဲသ၀ီကရူၫ်အပူၤ တၫ်ဒုးကဲထီၣ်ဒီးဒူသ၀ီ(၄)ဖျၢၣ်အပူၤ ပှၤလီၫ်က ၀ီၤဖိတဖၣ် ဘၣ်ဃ့ၫ်ပူၤဖျဲးသးအဃိ လိၣ်ဘၣ်ဂ့ၫ်ဂီၫ်အူကသံၣ်ကသီဒီတၫ်အီၣ်တၫ်အီတဖၣ်အဂ့ၫ် ကရၢလၢမၤစၢၤပှၤ လီၫ်အိၣ်ကမှံဖိဒီးလီၫ်က၀ီၤကမျၢၫ်တဖၣ်တဲ၀ဲလီၤ.
လါအီးကထိဘၢၣ်(၂၇)သီ,မုၫ်ထူၣ်(၁၂)နၣ်ရံၣ်ဃၣ်ဃၣ်အကတီၫ် ဖဲစ၀ဲသ၀ီကရူၫ်,လ့မဲၣ်သ၀ီကပၤ သုးကီၣ်ကးဂံၫ်ဘါ (၁၀၀)ဂၤဃၣ်ဃၣ်ဒီးတၫ်ပၢၫ်ဆၢသုးပာ်ဖှိၣ်တဖၣ်အဘၢၣ်စၢၤခံကပၤ တၫ်ဘၣ်သဂၢၫ်ခးလိာ်သးဆူၣ်ထီၣ်၀ံၤ ဖဲတၫ်ဒုး ကဲထီၣ်အကပိာ်ကပၤ လ့မဲၣ်,ဒူကၠိ,ယ့ၣ်ခါခၠီဒီးဖၣ်နံၣ်သ၀ီပူၤ ကမျၢၫ်လၢအိၣ်ဆိးဖဲန့ၣ်တဖၣ် ဘၣ်လဲၤဃ့ၫ်အိၣ်ကဒုလၢ ပှၫ်ပူၤခဲလၢာ်န့ၣ်လီၤ.
လၢကတီၫ်အံၤ လိၣ်ဘၣ်ကသံၣ်ကသီတဖၣ်အဂ့ၫ် နွ့ၣ်အူမ့းတၣ် ပှၤလီၫ်အိၣ်ကမှံကရၢဖိတဂၤတဲ၀ဲလီၤ.”လၢကတီၫ် အံၤတၫ်ဒိးန့ၫ်စရီအဖီခိၣ် တၫ်နီၤဟ့ၣ်လီၤန့ၫ်၀ဲ ပှၤလီၫ်အိၣ်ကမှံဖိ(၃၀၀)ဂၤ တၫ်အီၣ်တၫ်အီ၀ံၤလံ.အ၀ဲသ့ၣ်အတၫ်လိၣ် ဘၣ်န့ၣ် တၫ်အီၣ်တၫ်အီ,တၫ်ကူတၫ်သိး,သသံၣ်ကသီတဖၣ်လီၤ.အိၣ်ဆိးအဂီၫ်ဒု အိၣ်ဖဲတၫ်သူၣ်ထီၣ်လၢဘူးတဖၣ်အ ပူၤ ဒ်သ့အသိးလီၤ.တၫ်အရ့ဒိၣ်ဒု ဆူၣ်ချ့ကသံၣ်ကသီလီၤ.တၫ်ကူတၫ်သိးတခီဒု ဃ့တၫ်မၤစၢၤလၢဒူသ၀ီပူၤ တံၤသကိး လၢသ့ၣ်ညါတဖၣ်၀ံၤ ဟ့ၣ်ဃာ်၀ဲအိၣ်န့ၣ်လီၤ.အါတက့ၫ်ဒုတလၢပှဲၤဘၣ်.ကျဲတၫ်အိၣ်သးအဖီခိၣ် တၫ်ကစိာ်ဆှၢကသံၣ် အဂီၫ်စ့ၫ်ကီးတၫ်ကီတၫ်ခဲအိၣ်၀ဲလီၤ.ကသံၣ်ကသီတဖၣ်ဒု လူၤဃုကွၫ်ဖဲဟီၣ်က၀ီၤပူၤဖဲအန့ၫ်ဒီးကူစါယါဘျါန့ၣ်၀ဲလီၤ.
ဖဲလါအီးကထိဘၢၣ်(၂၈)သီအနံၤစ့ၫ်ကီး လ့မဲၣ်သ၀ီပူၤ ဟံၣ်(၃)ဖျၢၣ်န့ၣ် သုးကီၣ်ကးအသုးဒွဲၣ်အူအီၣ်ကွံာ်ဒီးဟံၣ်ပူၤ ကမျၢၫ်အတၫ်ဖိတၫ်လံၤတဖၣ် တီၣ်ထီၣ်၀ဲလၢသိလ့ၣ်ဒီးက့ၤစိာ်၀ဲဆူ စ၀ဲ ခမရ ၅၅၆ သုးကလၢၤပူၤအဂ့ၫ် ပှၤလီၫ် က၀ီၤဖိတဂၤတဲ၀ဲလီၤ.
“အ၀ဲသ့ၣ်နုာ်လီၤအိၣ်လၢဟံၣ်ကျၢၤတဖၣ်အပူၤလီၤ.၀ံၤလူၤကမူၤတၫ်လၢဟံၣ်ပူၤဒီးတၫ်ဖိတၫ်လံၤလၢအလုၫ်အပှ့ၤဒိၣ်တဖၣ် ဟံန့ၫ်၀ဲဒီးက့ၤတီၣ်၀ဲဒီးသိလ့ၣ်ဆူ ၅၅၆သုးကလၢၤပူၤန့ၣ်လီၤ.ဆိၣ်လၣ်ဒီးဘဲၣ်ထရံၤတဖၣ်ဒၣ်လဲၣ် က့ၤစိာ်၀ဲလီၤ .သုးကီၣ်ကးအသုးမ့ၫ်တအိၣ်လၢၤဒၣ်လဲၣ် ကလဲၤဆူသ၀ီတၫ်ကီတၫ်ခဲအိၣ်၀ဲလီၤ.ဘၣ်မနုၤလဲၣ်န့ၣ် အ၀ဲသ့ၣ်အိၣ်လၢ ၅၅၆သုးကလၢၤဒီးခးစိဃီၤတၫ်တုၤ၀ဲလီၤ.ခးလီၤ၀ဲတလီၫ်လီၫ်လီၤ.လၢအံၤတကပၤ ကဲထီၣ်သ၀ီလၢပှၤတအိၣ်နီတဂၤ လၢၤဘၣ်.ဒွဲၣ်အူဟံၣ်ဃီ,ဟံးန့ၫ်တၫ်ဖိတၫ်လံၤဒီးမၤဟးဂီၤ၀ဲအဃိ ကဲထီၣ်သ၀ီဟးဂီၤလၢာ်လံ.”
လၢကတီၫ်အံၤ လ့မဲၣ်,ဒူကၠိသ၀ီကပၤလၢသုးဂ့ၫ်၀ီတၫ်ဖ့ၣ်ဆၢအိၣ်အံၤ သုးကီၣ်ကးအသုးဒီးတၫ်ပၢ်သုးသုးပာ်ဖှိၣ်ခံ က ပၤလၢာ် တၫ်သ့ၣ်ညါဘၣ်လၢ ကတဲာ်ကတီၤအသးလၢသုးတၫ်ခီၣ်ဆၢအဂီၫ်အဃိ တၫ်ဘၣ်သဂၢၫ်ခးလိာ်သးကဲထီၣ် ကိးဆၢကတီၫ်သ့အသိး သုးဂ့ၫ်၀ီတၫ်ဖ့ၣ်ဆၢတၫ်ဆၢကတီၫ်ကယံာ်၀ဲအဂ့ၫ် ဘိၣ်ခယ့သုး ပှၤဘၣ်မူဘၣ်ဒါတဂၤတဲ၀ဲ လီၤ.
“သုးကီၣ်ကးတကပၤ လ့မဲၣ်,ဒူကၠိတကပၤအပူၤ မၤသုးဂ့ၫ်၀ီတၫ်ဟူးတၫ်ဂဲၤအိၣ်၀ဲလီၤ.ပတၫ်ပၢၫ်ဆၢသုးဖိတဖၣ်စ့ၫ်ကီး အိၣ်၀ဲလီၤ.ခံကပၤလၢာ်ဒု ဟဲထီၣ်ဆူတၫ်မဲာ်ညါတအိၣ်ဘၣ်.ဒ်သိးဒီးသုးတၫ်အိၣ်ခိးလီၤခီၣ်ဆၢတၫ်န့ၣ်လီၤ.အ၀ဲတကပၤ ပခးသုးကီၣ်ကးအိၣ်အသိး အ၀ဲသ့ၣ်စ့ၫ်ကီး သူဒြိ,ခးလီၤကျိဖးဒိၣ်အိၣ်၀ဲလီၤ.လၢခဲအံၤဒုအ၀ဲသ့ၣ်တဟဲထီၣ်ဒံးဘၣ်. အ၀ဲသ့ၣ်မ့ၫ်တဟဲထီၣ်ဘၣ်ဆၣ် အ၀ဲတကပၤပကထီၣ်ဒုအိၣ်၀ဲလီၤ.ကမျၢၫ်က့ၤအိၣ်လၢဒူသ၀ီတန့ၫ်ဒံးဘၣ်.သုး ဂ့ၫ်၀ီက ဆူၣ်ထီၣ်၀ဲအိၣ်လီၤ.သုးကီၣ်ကးတကပၤ တဟးထီၣ်နီတစဲးဘၣ်အမဲာ်ညါ ဆီလီၤဃာ်အသးကျၢၤကျၢၤ ဖဲလ့မဲၣ်ဒီး ယ့ၣ်ခါခၠီတကပၤန့ၣ်လီၤ.”
အီးကထိဘၢၣ်(၂၇)သီဒီး(၂၈)သီတဖၣ်အပူၤ တၫ်ဒုးကဲထီၣ်အကတီၫ် ကမျၢၫ်ဘၣ်သံ(၂)ဂၤဒီးမ့ၫ်ပှၤတဖၣ်လၢ သးနံၣ် အိၣ်(၃၀)နံၣ်ဃၣ်ဃၣ် ဒူကၠိသ၀ီဖိတဖၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
ကရၢလၢမၤစှၤပှၤလီၫ်အိၣ်ကမှံဖိ၀ဲန့ၣ် အတၫ်မၤနီၣ်ထၢဖှိၣ်စရီအဖီခိၣ် အီးကထိဘၢၣ်(၂၇)သီတုၤ(၂၉)သီ ပှၤလၢဟဲ ဃ့ၫ်ဟးထီၣ်လၢဖၣ်နံၣ်,ဒူကၠိဒီးယ့ၣ်ခါခၠီသ၀ီတဖၣ်အပူၤ ဟံၣ်ဒူၣ်အိၣ်၀ဲ (၈၆)ဒူၣ်ဒီးပှၤနီၫ်ဂံၫ် (၃၄၂)ဂၤ၀ံၤ မ့မ့ၫ်လၢ လ့မဲၣ်သ၀ီ ပှၤလီၫ်အိၣ်ကမှံအနီၫ်ဂံၫ်တခီတၫ်တထၢဘၣ်၀ဲဒံးဘၣ်.
