လါနိၣ်၀့ဘၢၣ်(၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကရ့ၣ်နံၣ်ကီၫ်စဲၣ်,ဒံၣ်မီဆိၣ်ဒီးဖရူၫ်ဆိၣ်ကီၫ်ဆၣ်ပူၤ ပှၤလၢက့ၤကူးဘုတဖၣ် သုးလူၤတ့ၫ်လီၤအီၤဒီးဒြိမ့ၣ်ပိၫ်တဖၣ်အဃိ ကအိၣ်ဒီးသုးဂ့ၫ်၀ီတၫ်ပလီၫ်ဒီးလဲၤက့ၤဖံးမၤဘၣ်အဂီၫ် ကရ့ၣ်နံၣ်ဒီကလုာ်တၫ်ဒီသဒၢသုး(KNDF)ဟ့ၣ်ပလီၫ် ထုးထီၣ် ဘိးဘၣ်ရၤလီၤ၀ဲလီၤ.
အပူၤကွံာ် လါအီးကထိဘၢၣ်အပူၤ ဒံၣ်မီဆိၣ်ဒီးဖရူၫ်ဆိၣ်ကီၫ်ဆၣ်ပူၤ ပှၤလၢက့ၤကူးဘုတဖၣ် သုးလူၤတ့ၫ်လီၤအ၀ဲသ့ၣ် ဒြိမ့ၣ်ပိၫ်တဖၣ်အဃိ တလါအတီၫ်ပူၤ ပှၤဘၣ်သံ(၃)ဂၤဒီးဘၣ်ဒိဘၣ်ထံး၀ဲ(၈)ဂၤန့ၣ်လီၤ.
ပှၤလၢဘၣ်သံဒီးဘၣ်ဒိဘၣ်ထံးတဖၣ်န့ၣ် ဖဲအိၣ်လၢစံာ်ပျီပူၤဒီးလဲၤက့ၤဖံးမၤအကတီၫ် ဘၣ်တၫ်ဒုးဃီၤအီၤလၢဒြိဒီးတ မ့ၫ်တၫ်ခးပနီၣ်အလီၫ်ဘၣ်ဆၣ် ပညိၣ်ဒုးခးလီၤကမျၢၫ်တဖၣ်အဃိ ဒံၣ်မီဆိၣ်ဒီးဖရူၫ်ဆိၣ်ကီၫ်ဆၣ်တဖၣ်အပူၤ ပှၤလၢ ကက့ၤကူးဘုဟုတဖၣ် ကဟးထီၣ်က့ၤလီၤဘၣ်လၢသုးဂ့ၫ်၀ီတၫ်ပလီၫ်ပဒီပူၤအဂီၫ် ဖဲလါနိၣ်၀့ဘၢၫ်(၃)သီအနံၤန့ၣ် KNDF ဟ့ၣ်ဒုးသ့ၣ်ညါ ထုးထီၣ်ဘိးဘၣ်ရၤလီၤ၀ဲလီၤ.
လၢတဘျီအံၤ သုးအတၫ်ဟဲထီၣ်ဒုးဃီၤအပူၤ သူအါထီၣ်၀ဲဒြိဒုးယၤဒီးတမ့ၫ်ထဲလၢတၫ်မဲာ်ညါဘၣ်ဒီးလၢတၫ်လီၫ်ခံ ဒၣ်လဲၣ် သူအါထီၣ်ဒြိတဖၣ်အဂ့ၫ် ဒံၣ်မီဆိၣ် သုးဂ့ၫ်၀ီဂ့ၫ်ခီၣ်ထံးတဲ၀ဲန့ၣ်လီၤ.
“ပကတဲာ်ကတီၤဃာ် Jammerအိၣ်၀ဲလီၤ.ဖဲကတဲာ်ကတီၤ Jammer၀ံၤစှၤသီအတီၫ်ပူၤ ဒြိလီၤတဲာ်၀ဲ(၁)ခိၣ်လီၤ.လၢတၫ် မဲာ်ညါတၫ်ဒုးပျီန့ၣ် သူအါထီၣ်ဒြိလီၤ.လၢတၫ်လီၫ်ခံတခီ သူအါထီၣ်၀ဲ ကၣ်မံၣ်ကၣ်စ့ၣ်ဒီးFVPဒြိတဖၣ်လီၤ”.
ပယီၤသုးန့ၣ် ပညိၣ်ဒုး၀ဲ ကရ့ၣ်နံၣ်ကီၫ်စဲၣ် ထံဖိကီၫ်ဖိကမျၢၫ်တဖၣ် အတၫ်အီၣ်တၫ်အီဒီးစ့ဟဲနုာ်အကျဲတဖၣ်အဃိ ကရ့ၣ်ကီၫ်စဲၣ်န့ၣ် ခါဆူမဲာ်ညါ ကွၫ်ဆၢၣ်မဲာ်ဘၣ်ဒီးတၫ်သၣ်၀ံၤလီၤဒိသ့အဂ့ၫ် ဖဲအပူၤကွံာ် လါအီးကထိဘၢၣ်အပူၤ ကရ့ၣ်နံၣ်ပှၤဂ့ၫ်၀ီခွဲယာ်ကရၢ KnHRG ထုးထီၣ်ဘိးဘၣ်ရၤလီၤဃာ်၀ဲန့ၣ်လီၤ.
ပှၤမၤစၢၤတၫ်တဖၣ်စှၤလီၤ,တၫ်ဖံးတၫ်မၤကၤထီၣ်အဃိ ပှၤလီၫ်အိၣ်ကမှံဖိအါတက့ၫ်န့ၣ် လၢတၫ်ဒုးအကျါ စံာ်ပျီတၫ်မၤတဖၣ်န့ၣ် ဘၣ်ဒိးလဲလီၤ၀ဲလၢအသးသမူဒီးဘၣ်မၤ၀ဲအဂ့ၫ် ဒံၣ်မီဆိၣ်ပှၤလီၫ်က၀ီၤဖိတဂၤတဲ၀ဲလီၤ.
“ကမျၢၫ်အါတက့ၫ်န့ၣ်သူၣ်အီၣ်ဘုလီၤ.အဃိဟံးန့ၫ်လိၫ်၀ဲစ့လီၤ.တနီၤဒု ထုးထီၣ်၀ဲတၫ်လၢအိၣ်ဒီးအီၤ ဘျၢလီၤ၀ဲလၢစံာ် ပျီပူၤလီၤ.မ့မ့ၫ်လၢခုး,ဃုးပူၤတခီ ပှၤနီၤလၢတနံၣ်အံၤ မၤအီၣ်ဘုခ့တကဲထီၣ်လိာ်ထီၣ်ဘၣ်.ဖဲအိၣ်တ့ၫ်ဒၣ်ထဲဘုအဆၢ ကတီၫ် ဖဲတၫ်ကက့ၤကူ၀ဲအခါ သုးကီၣ်ကးဟဲထီၣ်သုးကျိၤလီၤ.ဖဲန့ၣ်အကတီၫ် ဘၣ်ဃ့ၫ်ကဒီးတဘျီအဃိ ကမျၢၫ်တ ဖၣ်အသးဟးဂီၤ၀ဲလီၤ.ဘၣ်မနုၤအဃိလဲၣ်န့ၣ် ဟံၣ်တနီၤ အိၣ်ဆိးအီၣ်အီအဂီၫ် တဘၣ်လိာ်ဖိးဒ့ဘၣ်.ကအီၣ်အီအဂီၫ် ဒၣ်လဲၣ် တလၢပှဲၤဘၣ်.ဟံၣ်တနီၤဘၣ်အီမ့ၤချီလံန့ၣ်လီၤ”
ဖဲလါနိၣ်၀့ဘၢၣ်(၃)သီ,ဂီၤအကတီၫ်စ့ၫ်ကီး ဒံၣ်မီဆိၣ်မုၫ်နုာ်တကပၤ သုးကီၣ်ကးန့ၣ်သူ၀ဲကဘီယူၤဒုးသုးတကးဘၣ် ဒုးတ့ၫ်လီၤမ့ၣ်ပိၫ်လၢဒြိတူၫ်သံသးတဖၣ်အဃိ ဘၣ်သံ(၅)ဂၤဒီးပှၤလၢဘၣ်ဒိဘၣ်ထံးတဖၣ်စ့ၫ်ကီးအိၣ်၀ဲန့ၣ်လီၤ.
လါဒံၣ်စ့ဘၢၣ်အပူၤ တၫ်ကမၤတၫ်ဃုထၢအဂီၫ် သုးဒီးPNOသုးပာ်ဖှိၣ်တဖၣ်န့ၣ် ကရ့ၣ်နံၣ်ကီၫ်စဲၣ်ပူၤ အိထီၣ်၀ဲ တၫ်ဒုးအမဲာ်သၣ်(၅)ခါ၀ံၤဟဲထီၣ်ဒုးဃီၤတၫ်အဃိ ထံဖိကီၫ်ဖိကမျၢၫ်တဖၣ်စ့ၫ်ကီး တၫ်ဒုးကဲထီၣ်တၫ်လီၫ်တဖၣ်အပူၤ အရ့မ့ၫ်တဒိၣ်ဘၣ်န့ၣ် သုးတဟးထီၣ်က့ၤတဂ့ၤလီၤဒီးကဟးထီၣ်ဟးလီၤဘၣ်လၢသုးဂ့ၫ်၀ီတၫ်ပလီၫ်ပဒီတဖၣ်အဂီၫ် KNDFတဲဆီၣ်တခူထီၣ်ဃာ်၀ဲလီၤ.
