လါနိၣ်၀့ဘၢၣ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တရူးမ့ၫ်နုာ်လီၤဒုးန့ၫ်ဆူၣ် ထဲၣ်၀ၣ်န့ၣ် တရူးကီၫ်ခိၣ် ရှံၣ်ကၠ့ၣ်ဖ့ၣ်န့ၣ် နၫ်ပၢၫ်၀ဲတၫ်လၢကပိာ်ထွဲထီၣ်အခံတဖၣ်အဂ့ၫ် အမဲရကၤကီၫ်ခိၣ် ဒီၣ်နၢၣ်ထရၢးတဲလီၤ၀ဲဒီးအမဲရကၤန့ၣ် ကဒီသဒၢန့ၫ်ထဲၣ်၀ၣ်ဧါဒု ဂ့ၫ်လိာ်၀ဲလီၤ.
ထဲၣ်၀ၣ်ဂ့ၫ်၀ီန့ၣ် တမ့ၫ်တၫ်ဂ့ၫ်ခိၣ်သ့ၣ်လၢတၫ်ကဘၣ်တၢၣ်ပီၣ်တဲသကိး၀ဲဘၣ်အဂ့ၫ် ဖဲလါအီးကထိဘၢၣ်(၃၀)သီနံၤ လၢကလံၤထံးကီၫ်ခိၣ်ရံယါအပူၤ ၆နံၣ်အတီၫ်ပူၤ အတၫ်ထံၣ်လိာ်သးအဆိကတၢၫ်တဘျီဒီး ရှံၣ်ကၠ့ၣ်ဖ့ၣ်အကတီၫ် အ၀ဲတဲ၀ဲလီၤ.
တရူးမ့ၫ်ဟံးန့ၫ်ဂ့ၫ်၀ီထဲၣ်၀ၣ်လၢသုးဂ့ၫ်၀ီန့ၣ် အမဲရကၤသုးန့ၣ် ကဒီသဒၢန့ၫ်၀ဲဧါအဂ့ၫ် ဖဲCBS တၫ်ကစီၣ်သန့ ပှၤဟံးန့ၫ်တၫ်ကစီၣ်ဖိသံကွၫ်အီၤအကတီၫ် “တၫ်ဘၣ်မနုၤလဲၣ်န့ၣ် ဃုသ့ၣ်ညါ၀ံၤ တၫ်အစၢအံၤ ရှံၣ်ကၠ့ၣ်ဖ့ၣ် သ့ၣ်ညါ၀ဲအဂ့ၫ်”ဒီၣ်နၢၣ်ထရၢးစံးဆၢက့ၤ၀ဲလီၤ.
တၫ်သံကွၫ်အပူၤ အတၫ်စံးဆၢန့ၣ် အဲၣ်ဒိးတဲ၀ဲအခီပညီဒ်လဲၣ် ကစံးဆၢ၀ဲအဂီၫ် ဒီၣ်နၢၣ်ထရၢးန့ၣ် ဂ့ၫ်လိာ်၀ဲဒီး”ယတၫ် ခူသူၣ်တဖၣ် တဲဘၣ်တန့ၫ်ဘၣ်.တရူးတကပၤသ့ၣ်ညါ၀ဲအဂ့ၫ်”တဲ၀ဲလီၤ.
ထရၢးတခီ ဖဲအ၀ဲကဲအမဲရကၤကီၫ်ခိၣ်အကတီၫ် တရူးန့ၣ် တနုာ်လီၤဒုးန့ၫ်ဆူၣ်ထဲၣ်၀ၣ်နီတဘျီဘၣ်အဂ့ၫ် ရှံၣ်ကၠ့ၣ်ဖ့ၣ် ဟ့ၣ်ဃာ်တၫ်အၢၣ်လီၤဒီးတၫ်လၢကပိာ်ထွဲထီၣ်အခံသ့ၣ်ညါ၀ဲအဂ့ၫ် ဒီၣ်နၢၣ်ထရၢးတဲ၀ဲလီၤ.
ထဲၣ်၀ၣ်န့ၣ် မ့ၫ်ဒၣ်အစုတီၤဖီလာ်ကီၫ်စဲၣ်လီၤအဂ့ၫ် တရူးတကပၤတဲ၀ဲဒီးအမဲရကၤတၫ်ဘျၢအဖီခိၣ် အမဲရကၤန့ၣ် ပာ်ပနီၣ်န့ၫ်၀ဲထဲဒၣ်တရူးဘၣ်ဆၣ် ဆီၣ်ထွဲမၤစၢၤထဲၣ်၀ၣ်တၫ်စုက၀ဲၤတဖၣ်လီၤ.
ဒီၣ်နၢၣ်ထရၢးဒီးရှံၣ်ကၠ့ၣ်ဖ့ၣ်န့ၣ် လၢပတီၫ်ထီတၫ်အိၣ်ဖှိၣ်အပူၤ တၫ်ကတၢၣ်ပီၣ်ထဲၣ်၀ၣ်ဂ့ၫ်၀ီအဂီၫ် ဟးဆှဲး၀ဲ၀ံၤ တၢၣ်ပီၣ်တဲသကိးဒၣ်ထဲ ထံကီၫ်ခံဘ့ၣ် တၫ်ကမၤကဆှၣ်လီၤ မုာ်ကျိၤ၀ဲၤကွာ်တၫ်ဒုးန့ၣ်လီၤ.
