လါအီးကထိဘၢၣ်(၃၀)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
စကဲကီၫ်ခီ,လၢ၀့ၫ်မိၣ်ယွၣ်အဖီခိၣ် ဖဲမဟါနံၤ အီးကထိဘၢၣ်(၂၉)သီ,ဟါလီၤခီန့ၣ် သုးကီၣ်ကးအသုးက့ၤဖီၣ်ကိးတၫ်ဒီး ပှၤလၢဟဲက့ၤလၢတၫ်မၤပာ်ဃုာ် ပှၤသးတစှၤန့ၫ်(၁၀)ဂၤဘၣ်တၫ်က့ၤဖီၣ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
ဖဲမဟါနံၤ အီးကထိဘၢၣ်(၂၉)သီ,ဟါလီၤခီန့ၣ် သုးကီၣ်ကးလူၤတရံးဖီၣ်တၫ်လၢသိလ့ၣ်ဟံၣ်ဒိးတဖၣ်အပူၤ မိၣ်ယွၣ်က လံၤထံး ဒူသ၀ီ ၃ဂၤ,ပှၤဟဲက့ၤလၢတၫ်မၤ ၄ဂၤ, ခဲလၢာ် ၇ဂၤ ဘၣ်တၫ်ဖီၣ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
ဒ်န့ၣ်အသိး ဖဲကီၫ်စၢဖှိၣ်ကျဲ သံးကျးစ့ၫ်ကီး နုာ်လီၤဖီၣ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
“ပှၤဆ့နီၤအီသံးလၢကျးပူၤ ၃ဂၤတၫ်က့ၤဖီၣ်၀ဲအဂ့ၫ်”ပှၤလီၫ်က၀ီၤဖိတဖၣ်တဲ၀ဲလီၤ.
၀့ၫ်လၢအဂၤတဖၣ်စ့ၫ်ကီး ပှၤဘၣ်တၫ်က့ၤဖီၣ်အိၣ်သ့အဂ့ၫ် လီၫ်က၀ီၤဖိတဖၣ်တဲ၀ဲလီၤ.
သုးကီၣ်ကးအသုးန့ၣ် ဖဲအပူၤကွံာ်သံၣ်ဒ့ကၠိၣ်အကတီၫ် လၢ၀့ၫ်မိၣ်ယွၣ်အဖီခိၣ်မၤန့ၫ်၀ဲတၫ်သူၣ်ဖှံသးညီဒီး လူၤဖီၣ်သး စၫ်တဖၣ်ဒံးန့ၣ်လီၤ.
တဆီၣ်တဲၣ်လၢကဟဲအကတီၫ်စ့ၫ်ကီး သုးကီၣ်ကးအသုးန့ၣ် ရဲၣ်ကျဲၤ၀ဲလၢကမၤမူးပွဲလၢ၀့ၫ်မိၣ်ယွၣ်အဖီခိၣ်အဃိ လူၤဖီၣ်တၫ်သ့အဂ့ၫ်ဒီးကပလီၫ်သးလၢတၫ်ဟးထီၣ်က့ၤလီၤအဂီၫ် တၫ်ပၢၫ်ဆၢသုးဖိတဖၣ် ဟ့ၣ်ပလီၫ်ဃာ်၀ဲန့ၣ်လီၤ.
