လါအီးကထိဘၢၣ်(၂၉)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တၫ်ဃုထၢလၢသုးကရူၫ်ရဲၣ်ကျဲၤ၀ဲလၢကမၤ၀ဲန့ၣ် တမ့ၫ်လၢဘှါဆှဲ၀ဲလၢကတီၫ်အံၤတၫ်သဘံၣ်သဘုၣ်တဖၣ်ကန့ၫ်ဘၣ် အဂ့ၫ် ဘီမုၫ်စၢဖှိၣ်ကရၢနဲၣ်ရွဲၣ်ခိၣ်ကျၢၫ် Antonio Guterres တဲ၀ဲလီၤ.
ကကဲထီၣ်တၫ်ဃုထၢလၢအတြီအတြၫ်တခါန့ၣ် ပှၤတနာ်နီတဂၤဘၣ်အဂ့ၫ် တဲ၀ဲလီၤ.
လၢကီၫ်မလ့ရှါ,၀့ၫ်ကွၣ်လၣ်လၣ်ပူၣ် တၫ်မၤ၀ဲ အၣ်စံၣ်ရၣ်ပတီၫ်ထီတၫ်အိၣ်ဖှိၣ်အပူၤ Antonio Guterresတဲလီၤ၀ဲဒ် အံၤန့ၣ်လီၤ.
“တၫ်ဃုထၢအံၤကသဘျ့ဒီးတြီတြၫ်န့ၣ် တမ့ၫ်လၢပှၤကနာ်နီတဂၤဘၣ်.တၫ်ဃုထၢအံၤ ကကဲထီၣ်တၫ်မၤစၢၤလၢတၫ်ဘှါ ဆှဲကီၫ်ပယီၤအတၫ်ဂ့ၫ်ကီန့ၣ် တမ့ၫ်ပှၤကနာ်နီၤတဂၤဘၣ်အဂ့ၫ်”ဘီမုၫ်စၢဖှိၣ်ကရၢနဲၣ်ရွဲၣ်ခိၣ်ကျၢၫ်တဲ၀ဲလီၤ.
ပယီၤသုးန့ၣ် ကဘၣ်သးပ့ၤနီၣ်ကွံာ်တၫ်ဃုထၢ၀ံၤ ကြၢးပာ်သူၣ်ပာ်သးလၢတၫ်ကပတုာ်ကွံာ်တၫ်မၤအၢမၤသီတဖၣ် ဒီးဟ့ၣ်အါထီၣ်ပှၤတ၀ၢတၫ်မၤစၢၤတဖၣ်အဂ့ၫ် တဲ၀ဲန့ၣ်လီၤ.
ဘီမုၫ်စၢဖှိၣ်ကရၢနဲၣ်ရွဲၣ်ခိၣ်ကျၢၫ် Antonio Guterresန့ၣ် ကီၫ်ပယီၤပူၤတၫ်မၤအၢမၤသီတဖၣ်န့ၣ် ထီဒါ၀ဲအဂ့ၫ် ဘိး ဘၣ်ရၤလီၤကဒီး၀ဲဒီးတၫ်ကဒုးအိၣ်ထီၣ်တၫ်ဒီသဒၢန့ၫ်တၫ်လၢကမျၢၫ်အဂီၫ်ဒီးပှၤတ၀ၢတၫ်မၤစၢၤတဖၣ် လၢတၫ်တြီတ အိၣ်ဘၣ်အပူၤ တၫ်ကပျဲနုာ်လီၤအဂီၫ် ဃ့ထီၣ်ဃာ်၀ဲလီၤ.
လၢဒံၣ်မိၣ်ကရ့ၣ်စံၣ်ကျဲအသိးခိၣ်နၫ်လၢတၫ်ဃုထၢထီၣ်တဖၣ်ဒီးထံရူၫ်ကီၫ်သဲးပှၤဃိၣ်ဖိတဖၣ် တၫ်ကပျၫ်ကွံာ်အဂီၫ်စ့ၫ် ကီးဃ့ထီၣ်၀ဲန့ၣ်လီၤ.
“ကီၫ်ပယီၤအတၫ်မုာ်တၫ်ခုၣ်န့ၣ် တညီဒံးဘၣ်.ပှၤဘၣ်သံတ့ၫ်လၢအကထိတဖၣ်လံ.ကမျၢၫ်လၢအကကွဲၫ်တဖၣ် ဘၣ်ပာ် တ့ၫ်တၫ်အိၣ်ဆိးလီၫ်ကျဲအသိး ပှၤတ၀ၢတၫ်မၤစၢၤအတၫ်လိၣ်ဘၣ်တဖၣ်စ့ၫ်ကီးအါထီၣ်၀ဲအဂ့ၫ်”တဲ၀ဲလီၤ.
လၢကတီၫ်အံၤ တၫ်ဃုထၢလၢတၫ်ကမၤ၀ဲအံၤအဃိ ကီၫ်ပယီၤပှၤတ၀ၢအပူၤ ကဒုးကဲထီၣ် တၫ်သဘံၣ်သဘုၣ်တဖၣ် ဒီးကလဲၤဃီၤဆူတၫ်တဂၢၫ်တကျၢၤတကပၤအဂ့ၫ် ဘီမုၫ်စၢဖှိၣ်ကရၢနဲၣ်ရွဲၣ်ခိၣ်ကျၢၫ် Antonio Guterresတဲ၀ဲန့ၣ်လီၤ.
