တၫ်ဃုထၢအကတီၫ် တၫ်ကပတုာ်ဃာ်တၫ်ထၢသုးဖိအသီအဂီၫ် တၫ်ပာ်ဖျါ သုးခီၣ်မံးရှၢၣ်အခိၣ် တတူၫ်လိာ်

လါအီးကထိဘၢၣ်(၂၇)သီ,၂၀၂၅နံၣ်, အၣ်ထူခ့ၣ်တၢ်ကစီၣ်

တၫ်ဃုထၢအကတီၫ် တၫ်ကပတုာ်ဃာ်တၫ်ကိးသုးဖိအသီအဂီၫ် တၫ်ပာ်ဖျါန့ၣ် သုးခီၣ်မံးရှၢၣ်အခိၣ် တတူၫ်လိာ်၀ဲဘၣ်.

အပူၤကွံာ် လါယူၤအပူၤ လၢန့ၣ်ပၠံၣ်တီၣ်တၫ်မၤ၀ဲတၫ်မုာ်တၫ်ခုၣ်ဖိၣ်ရၣ်အပူၤ ပှၤလၢဟဲထီၣ်တၢၣ်ပီၣ်တဲသကိး တၫ်တဖၣ် တီၣ်ဖျါထီၣ်တၢၣ်ပီၣ်တဲသကိး၀ဲတၫ်ဂ့ၫ်၀ဲန့ၣ်ဘၣ်ဆၣ် တကဲထီၣ်လိာ်ထီၣ်ဘၣ်အဂ့ၫ် တၫ်သ့ၣ်ညါဘၣ် လၢပှၤအိၣ်ဘူးတဖၣ်အအိၣ်န့ၣ်လီၤ.

ဒီးကထၢၣ်ညိၣ်ညိၣ်သ့လၢတီခိၣ်ရိၣ်မဲတၢၣ်ပီၣ်တဲသကိးတ့ၫ်တၫ်ဂ့ၫ်၀ဲအံၤတခီ”မ့ၫ်ဘၣ်တဲပျီပျီန့ၣ် ဘၣ်မနုၤအဃိ တတူၫ်လိာ်၀ဲဘၣ်န့ၣ် တသ့ၣ်ညါဘၣ်.ဘၣ်ဆၣ်သနာ်က့ တၫ်လၢပထံၣ်ဘၣ်နီၫ်နီၣ်တခီ ပထံၣ်ဘၣ်လၢမၤ၀ဲအကျိၤ ကျဲသနူဂ့ၤန့ၫ်ဒံးအလီၫ်န့ၣ်လီၤ.အပူၤကွံာ် ထၢကျိာ်ထၢစ့တၫ်လီၫ်တဖၣ်န့ၣ် ပထံၣ်ဘၣ်လၢပတုာ်ကွံာ်၀ဲအိၣ်အသိး,တၫ် လီၫ်လၢတထၢ၀ဲတဖၣ် အခဲအံၤထၢ၀ဲလံန့ၣ် တၫ်ထံၣ်ဘၣ်၀ဲလီၤ.

အပူၤကွံာ် လၢတၫ်မုာ်တၫ်ခုၣ်ဖိၣ်ရၣ်အပူၤ တၫ်တၢၣ်ပီၣ်တဲသကိး၀ဲလၢတၫ်ကပတုာ်ဃာ် တၫ်ကိးသုးဖိအသီတဖၣ်ဒီး နံၣ်ယံာ်,နံၣ်ထီ တၫ်ဟ့ၣ်ကူၣ်လၢတၫ်ဘၣ်မၤ၀ဲတဖၣ်အကျါ တၫ်ဖၢနုာ်၀ဲဒီးဒီကလုာ်တၫ်အိၣ်ဃူအိၣ်ဖိးဒီး တၫ်တၢၣ်ပီၣ် တဲသကိးတၫ်မုာ်တၫ်ခုၣ်ကီၣ်ကး(NSPNC) တကပၤ တီၣ်ဖျါထီၣ်၀ဲအဂ့ၫ် တၫ်သ့ၣ်ညါဘၣ်လီၤ.

တၫ်တီၣ်ဖျါထီၣ်၀ဲဒ်သိးအံၤဘၣ်ဆၣ် သုးခီၣ်မံးရှၢၣ်အခိၣ်န့ၣ် တတူၫ်လိာ်၀ဲဘၣ်အမဲာ်ညါ တၫ်ကိးသုးဖိအသီတဖၣ် တၫ်ကမၤထွဲကဒီး၀ဲဒီးလၢကတီၫ်အံၤစ့ၫ်ကီး တၫ်ကိး၀ဲအဖၢမုၫ်ဒံးလီၤအဂ့ၫ် တၫ်သ့ၣ်ညါဘၣ်လီၤ.

လၢကတီၫ်အံၤ တၫ်ကိးသုးဖိအသီန့ၣ် အိၣ်ထီၣ်လံနီၫ်ဂံၫ်(၁၈)၀ီတ၀ီလံဒီးသုးဖိလၢကဲသုး၀ံၤတဖၣ် တၫ်ကွဲန့ၫ်လွဲန့ၫ်အီၤ လၢလီၫ်လၤ၀ံၤတၫ်မၤထုးန့ၫ်အသးအိၣ်၀ဲအဂ့ၫ်စ့ၫ်ကီး တၫ်သ့ၣ်ညါဘၣ်လီၤ.

တကးဘၣ် တၫ်ကလဲၤကဲသုးအဂီၫ် တၫ်ဖၢနုာ်န့ၫ်လၢပှၤအလီၫ်တဖၣ်စ့ၫ်ကီး မၤ၀ဲအဖၢမုၫ်အဃိ လီၫ်က၀ီၤတနီၤအပူၤ ဟံၣ်ဒူၣ်လၢသးနံၣ်(၁၈)နံၣ် တုၤ(၃၅)နံၣ်လၢကဘၣ်ကဲသုးတဖၣ် ကိး၀ီဒဲးဘၣ်ဖၢနုာ်စ့အိၣ်၀ဲအဂ့ၫ်န့ၣ်လီၤ.

လၢတၫ်ဘၣ်ကဲသုးအဂီၫ် တၫ်ဖၢနုာ်ခၢၣ်စးလၢပှၤအလီၫ် ပှၤလၢဘၣ်ဟ့ၣ်စ့ မၠီမၠးလီၫ်က၀ီၤဖိတခီ”အခဲအံၤအိၣ်တုၤ လၢ အကလီၫ် ၂၀၀လံ.ပှၤလၢတၫ်ကဖၢနုာ်ခၢၣ်စးတဂၤန့ၣ်.တဟံၣ် တၫ်ဘၣ်ဖၢနုာ်၀ဲ ၂ ကလီၫ်တုၤလၢ ၄ ကလီၫ်ညါလီၤ. ဟံၣ်တနီၤ အိၣ်၀ဲ ၃ဂၤ,၄ဂၤအဃိသံလီၤသၢၣ်အဂ့ၫ်”တဲ၀ဲလီၤ.

အ့ၣ်ယၣ်၀တံၣ်ကီၫ်ခီအပူၤ ကီၫ်ဆၣ်အါတက့ၫ်န့ၣ် လၢတၫ်ကိးသုးဖိအသီလံၤလံၤ လၢဒူသ၀ီအဂီၫ် တၫ်ပျၫ်လီၤခၢၣ်စး, လၢဒူသ၀ီအဂၤအဂီၫ် တၫ်ဆါလီၤ၀ဲအိၣ်၀ဲဒီးလၢတၫ်ဂ့ၫ်အံၤအဂီၫ် သုးကရူၫ်တကပၤ ဟံးန့ၫ်ဂ့ၫ်၀ီတအိၣ်ဘၣ်အမဲာ်ညါ လီၫ်က၀ီၤပှၤဘၣ်မူဘၣ်ဒါတဖၣ် နီၤလိာ်အသးတၫ်န့ၫ်ဘျူးန့ၫ်ဖှိၣ်တဖၣ်၀ံၤဖီၣ်ဃံးတၫ်ပျံၤတဲဖုးတၫ်စ့ၫ်ကီးအိၣ်၀ဲအဂ့ၫ် တၫ်ဃုထံၣ်သ့ၣ်ညါန့ၫ်၀ဲန့ၣ်လီၤ.