သုးကီၣ်မံးရှၢၣ်သုးလၢအိၣ်ဖဲ ကမးမိၢ်သုးတၢ်တိၥ်ကူၣ်ကျဲၤခးလီၤကျိဖးဒိၣ်အဃိ ဖိသၣ်ဒီးပှၤသးပှၢ်တဖၣ် သံ၀ဲတဘျီဃီ

လါအီးကထိဘၢၣ် ၂၃သီ, ၂၀၂၅နံၣ်, အၣ်ထူခ့ၣ်တၢ်ကစီၣ်

လါအီးကထိဘၢၣ် ၂၀သီအနံၤ, ဟါလီၤခီ၅နၣ်ရံၣ်ဘျဲၣ်အဆၢကတီၢ် သုးကီၣ်မံးရှၢၣ်အသုးလၢအိၣ်ဖဲ ကမးမိၢ်သုးတၢ်တိၥ်ကူၣ်ကျဲၤ ခးလီၤကျိဖးဒိၣ်ဆူ KNU-ဖၣ်အၣ်ကီၢ်ရ့ၣ်, ဖါပီၣ်သ၀ီပူၤ ၃ဖျၢၣ်အဃိ လီၢ်က၀ီၤဖိဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ.

ခီဖျိသုးကီၣ်မံးရှၢၣ်ခးလီၤကျိဖးဒိၣ်အဃိ ကမျၢၢ်လၢတၢ်ကမၣ်တအိၣ် ပှၤသးပှၢ်၁ဂၤဒီး ဖိသၣ်တဂၤ သံ၀ဲတဘျီဃီ၀ံၤ ပှၤ၁၁ဂၤ ဘၣ်ဒိ၀ဲအဂ့ၢ် ဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ.

ကမးမိၢ်သုးတၢ်တိၥ်ကူၣ်ကျဲၤခးလီၤကျိဖးဒိၣ်အဃိ ကျိချံလဲၤလီၤတဲၥ်၀ဲဒၣ်ဖဲ ဖါပီၣ်ကၠူၣ်ရှ့ၣ်ကၠိအမဲၥ်အဂ့ၢ် လီၢ်က၀ီၤဖိတဂၤ စံ၀ဲန့ၣ်လီၤ.

သုးကီၣ်မံးရှၢၣ်အသုး ခးလီၤကျိဖးဒိၣ်၀ံၤအလီၢ်ခံ လါအီးကထိဘၢၣ် ၂၁သီအနံၤန့ၣ် ကမးမိၢ်သုးတၢ်တိၥ်ကူၣ်ကျဲၤခးလီၤကျိဖးဒိၣ်တဖၣ် တပယူၥ်ဃီအဂ့ၢ် ဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ.

တကးဘၣ် သုးကီၣ်မံးရှၢၣ်အသုးန့ၣ် ခးလီၤ၀ဲစ့ၢ်ကီး ကျိဖးဒိၣ်တဖၣ်ဆူ KNU သုးက့၁ဟီၣ်က၀ီၤ, မံၣ်စဲဟီၣ်က၀ီၤတဖၣ်အပူၤ တပယူၥ်ဃီအဂ့ၢ် တၢ်သ့ၣ်ညါဘၣ်န့ၣ်လီၤ.

ခီဖျိကျိဖးဒိၣ်အဃိ ကမျၢၢ်တၢ်ဘၣ်ဒိဘၣ်ထံးဒီးတၢ်သံတၢ်ပှၢ်အိၣ်ထီၣ်၀ဲလၢ ဖါပီၣ်သ၀ီန့ၣ်အိၣ်၀ဲဒၣ်ဖဲ KNU, သုးက့၁ဟီၣ်က၀ီၤ KNLAသုးရ့ၣ် ၁ပၢဆှၢဟီၣ်က၀ီၤအပူၤန့ၣ်လီၤ.