လါအီးကထိဘၢၣ် ၆သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ပှၤကၠီၣ်တဲၣ်ဖိ ၁၆ဂၤလၢ ဘၣ်တၢ်ဆှၢခူသူၣ်လၢ တဖိးသဲစးကျဲလၢ ကညီကီၢ်စဲၣ်, ရၤမတံ၀့ၢ်အပူၤဒီး ဒ်သိးကလဲၤမၤတၢ်ဖဲ တၢ်လံၣ်တၢ်လီတၢ်မၤလီၢ်အဂီၢ်တဖၣ် တၢ်မၤပူၤဖျဲးထီၣ်က့ၤ ဖဲ ကီၢ်ကၠီၣ်တဲၣ်, တးကီၢ်ရ့ၣ်, ၀့ၢ်မဲးဆီးတဆီအဂ့ၢ် Khaosod တၢ်ကစီၣ်ပၥ်ဖျါဃၥ်၀ဲန့ၣ်လီၤ.
ကၠီၣ်တဲၣ် Rajamanu Task Forceဒီး အ့ၣ်ကၠ့ၣ်စံၣ်လၢဘၣ်ထွဲတဖၣ်လၢအိၣ်ဖဲ ၀့ၢ်မဲးဆီးတဖၣ် မၤပူၤဖျဲးထီၣ်က့ၤ၀ဲ အထံဖိကီၢ်ဖိတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
အ၀ဲသ့ၣ်တဖၣ်န့ၣ် ဒ်ဆိၣ်ရှၢၣ်မံၣ်ဒံၣ်ယၣ်အဖီခိၣ် ပၥ်ဖျါဃၥ်၀ဲအသိး ကလဲၤဖံးမၤဘၣ်တၢ်လၢလါလဲဂ့ၤဂ့ၤ ဖဲ တရူးထံဖိကီၢ်ဖိန့ၢ်ပၢ ကၣ်စံၣ်နိၣ်တၢ်မၤလီၢ်လၢအိၣ်ဖဲ ၀့ၢ်ရၤမတံအဂီၢ်လဲၤ၀ဲ၀ံၤအလီၢ်ခံ ဒ်သိးတၢ်ပၥ်ဖျါအသိး တဒိးန့ၢ်လါလဲဂ့ၤဂ့ၤဘၣ်အဃိ ဆဲးကျိးဃ့တၢ်မၤစၢၤဆူ ကၠီၣ်တဲၣ်ပှၤဘၣ်မူဘၣ်ဒါတဖၣ်ဒီး ဖဲလါအီးကထိဘၢၣ် ၅သီအနံၤန့ၣ် တၢ်ကိးက့ၤအီၤ၀ံၤ တၢ်ဆှၢက့ၤဆူ ကီၢ်ကၠီၣ်တဲၣ် အအိၣ်ဆိးလီၢ်ကျဲအဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်ဆီတလဲဟ့ၣ်လီၤ ပှၤကၠီၣ်တဲၣ်ဖိတဖၣ်ဆူ ပှၤဘၣ်မူဘၣ်ဒါလၢဘၣ်ထွဲတဖၣ်၀ံၤအလီၢ်ခံ တၢ်ကဟံးန့ၢ်ဂ့ၢ်၀ီ ဒ်တၢ်ဘျၢသဲးစးအိၣ်အသိးအဂ့ၢ် တၢ်ကစီၣ်အပူၤ ပၥ်ဖျါဃၥ်၀ဲန့ၣ်လီၤ.
Photo: ThaiPBS
