လါစဲးပထ့ဘၢၣ်(၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကညီကီၣ်စဲၣ်,ရၤမတံကီၫ်ဆၣ်,မ့လဲးပၣ်,ဖလူဒီးမဲၫ်ထီၣ်သလ့တကပၤ သုးခီၣ်မံးရှၢၣ်အသုးကျိၤ ဟဲထီၣ်တဖျိဘၣ် အဃိ တ့ၫ်လီၤမ့ၣ်ပိၫ်ကိးနံၤဒဲးလၢဒြိတူၫ်သံသးတဖၣ်အဂ့ၫ် လီၫ်က၀ီၤသုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဲ၀ဲလီၤ.
စးထီၣ်ဖဲလါစဲးပထ့ဘၢၣ်(၂၆)သီအနံၤန့ၣ် သုးခီၣ်မံးရှၢၣ်အသုးန့ၣ် လၢ၀့ၫ်ရၤမတံအချၢ မ့လဲးပၣ်သ၀ီ,ဖလူသ၀ီဒီးမဲၫ် ထီၣ်သလ့ဟီၣ်က၀ီၤတဖၣ်အပူၤ တ့ၫ်လီၤမ့ၣ်ပိၫ်လၢဒြိတူၫ်သံသးတဖၣ် တုၤလၢလါအီးကထိဘၢၣ်(၁)အနံၤန့ၣ်လီၤ.
တကးဘၣ် ဟီၣ်ခိၣ်လိၤသုးကျိၤစ့ၫ်ကီး တုၤလၢကတီၫ်အံၤ ထီၣ်ဆူတၫ်မဲာ်ညါတန့ၫ်လၢၤဘၣ်အမဲာ်ညါ သုးခီၣ်မံးရှၢၣ် န့ၣ် သူ၀ဲဒြိတူၫ်သံသးတဖၣ်၀ံၤ ဒုးတ့ၫ်လီၤမ့ၣ်ပိၫ်လၢကၠိဒီးသီခါဖၠၣ်လၢတယာ်၀ဲ တၫ်ပၢၫ်ဆၢသုးဖိအိၣ်န့ၣ်လီၤ.ဟီၣ်ခိၣ် လိၤတၫ်ဒုးစ့ၫ်ကီး သုးကရူၫ်တကပၤ တၫ်သံတၫ်ပှၫ်အိၣ်၀ံၤအစိၣ်တဖၣ် ထၢက့ၤ၀ဲတန့ၫ်ဒံးဘၣ်အဂ့ၫ် တၫ်သ့ၣ်ညါဘၣ် လီၤ.
“လၢရၤမတံတကပၤ သုးကျိၤဟဲထီၣ်တဖျိဘၣ်အဃိ တ့ၫ်လီၤမ့ၣ်ပိၢ်လၢကၣ်မ့ၣ်ကၣ်စ့ၣ်ဒြိတဖၣ်လၢမုၫ်နၤမုၫ်ဆါ ဖဲ(၃၀) သီအနံၤ,ဟါခီလီၤ ဖဲဖလူသ၀ီဒီးမ့လဲးပၣ်သ၀ီတကပၤ ဒြိတူၫ်သံသးတဖၣ်ဟဲလီၤတဲာ်ကဒီး၀ဲလီၤ.ဆိမိၣ်၀ဲလၢ တၫ် သိၣ်လိကၠိဒီးသီခါဖၠၣ်တဖၣ် တၫ်ပၢၫ်ဆၢသုးအိၣ်အဃိတ့ၫ်လီၤမ့ၣ်ပိၫ်တပယူာ်ဃီလီၤ.လၢလ့က့ၣ်ကီာ်စ့ၫ်ကီး တ့ၫ်လီၤUAVမ့ၣ်ပိၫ်ဖးဒိၣ်တဖၣ်လီၤ.အသုးကျိၤဟးဂီၤဒီးတုၤလၢအခဲအံၤထၢက့ၤအသုးဖိအစိၣ်တန့ၫ်ဒံးဘၣ်.လၢထံမဲး၀ါခံဒီး ကၠီးတီၣ်တကပၤအဂ့ၫ်”သုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဲ၀ဲလီၤ.
ဒ်န့ၣ်အသိး ကြူၫ်တုကီၫ်ဆၣ်,ခၠီဖၠါသ၀ီ,အ့ကၠံသ၀ီဒီးကၠိၣ်ဘဲသ၀ီတကပၤ ဖဲလါစဲးပထ့ဘၢၣ်(၁)လါအတီၫ်ပူၤ တၫ်ဒုး အပူၤ သုးခီၣ်မံးရှၢၣ်အသုးတကပၤ ဘၣ်သံ၀ဲ(၁၀၀)ဃၣ်ဃၣ်ဒီးအသုးဖိအစိၣ်တဖၣ် ဒွဲၣ်အူဘျၢလီၤ၀ဲဖဲအ့ကၠ့သ၀ီ ,တၫ်သွၣ်ခိၣ်အဂ့ၫ် တၫ်သ့ၣ်ညါဘၣ်လီၤ.
ဒ်န့ၣ်အသိး လၢကၠဲထံကျိ၀ာ်ဘးခီ,ကၠဲယွၣ်ကၠံ တၫ်သွၣ်ခိၣ်စ့ၫ်ကီး သူးဘးယၣ်စၣ်လၢဃ့ၫ်ဖျိးတဖၣ် သုးကရူၫ်လူၤဖီၣ်၀ဲ ဒီးမၢတၫ်ဘျၢလီၤန့ၫ်သုးဖိအစိၣ်တဖၣ်ဘၣ်ဆၣ် ပှၤအစိၣ်အါတလၢအဃိ အုၣ်ထီၣ်ကျၣ်ထီၣ်လၢကျဲကပၤအဂ့ၫ်န့ၣ် လီၤ.
တၫ်ဒုးအပူၤ သုးဖိလၢဘၣ်ဒိဘၣ်ထံးတဖၣ် ဖဲလါစဲးပထ့ဘၢၣ်(၃၀)သီအနံၤန့ၣ် လၢကြူၫ်တု,ခၠီဖၠါသ၀ီ,ကၠဲယွၣ်ကၠံဒီးကၠါ ကလ့သ၀ီတကပၤ ဟံးန့ၫ်၀ဲသိလ့ၣ်တီၣ်ပှၤဆါတဖၣ်၀ံၤ ဆှၢ၀ဲဆူဖၣ်အၣ်တီၣ်ကလ့တၫ်ဆါဟံၣ်အဃိ တၫ်ဆါဟံၣ်ပူၤ သုးဖိတဖၣ်အိၣ်ပှဲၤအဂ့ၫ် တၫ်သ့ၣ်ညါဘၣ်လီၤ.
လၢ၀့ၫ်ကြူၫ်တုအဖီခိၣ် က၀ီၤဒ့တဖၣ်အပူၤ ပှၤဟဲက့ၤအိၣ်တဖၣ်အကျါ ပှၤဆီၣ်ထွဲNLD ဒီးပှၤလၢဘၣ်ထွဲဒီးPDFတဖၣ် တၫ်လူၤဃုတၫ်ကမၣ် ကဒုးလီၤဃိၣ်အဂီၫ် သုးကရူၫ်အစုတီၤဖီလာ် စရဖ,ပၢၤကီၫ်,BGFဒီးပၠူၣ်စီထံတဖၣ် ခိးကွၫ်ဟုၣ် တၫ်အိၣ်၀ဲအဂ့ၫ် တၫ်သ့ၣ်ညါဘၣ်လီၤ.
