လါစဲးပထ့ဘၢၣ်(၁၉)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
အမဲရကၤကီၫ်ခိၣ်ဒီနၢၣ်ထရၢးန့ၣ် အ့ဒံယါ,ပၣ်ကံၣ်စတၣ်ဒီးကီၫ်ပယီၤပာ်ဃုာ် ထံကီၫ်(၂၃)ဘ့ၣ်န့ၣ် ပာ်ပနီၣ်၀ဲဒ် ထံကီၫ် ခိၣ်သ့ၣ်လၢကူၣ်လဲၫ်မၤကၤတၫ်မူၤတၫ်ဘှီး(မ့တမ့ၫ်)ထုးထီၣ်၀ဲလၢတဖိးသဲစးတဖၣ်လီၤ.
ထံကီၫ်(၃)ဘ့ၣ်၀ဲန့ၣ်တကးဘၣ်,အၣ်ဖကၣ်န့ၣ်စတၣ်,ဘဟါမါ,ဘလံး,ဘိၣ်လံဘံယါ,တရူး,ကိၣ်လၣ်ဘံၣ်ယၣ်,ကီးစတၣ်ရံးကၣ်,ဒိၣ်မံၣ်နံၣ်ကၣ်,အံၣ်ကွ့ၣ်ဒီ,အဲၣ်ဆၣ်ဘ့ဒိ,ကွၣ်တံၣ်မၣ်လၣ်,ဟ့ၣ်တံၣ်,ဟိၣ်ဒူရး,ကၠၣ်မ့ၣ်ကၣ်,လၣ်အိၣ်,မဲးကစံၣ်ကိၣ်,နံၣ်ကၣ်ရၣ်ကွၣ်,ပနါမါ,ပံၣ်ရူဒီးဘၣ်နံၣ်စွဲလါထံကီၫ်တဖၣ်ပာ်ဃုာ်၀ဲလီၤ.
လၢအမဲရကၤခီကရဲးအိၣ်,ဖဲလါစဲးပထ့ဘၢၣ်(၁၅)သီအနံၤန့ၣ် တၫ်တီၣ်ဖျါထီၣ်၀ဲ ၂၀၂၆နံၣ် စ့ပာ်ကီၤနံၣ်အဂီၫ် ဘၣ်ထွဲ ထံကီၫ်ခိၣ်သ့ၣ်လၢကူၣ်လဲၫ်မၤကၤတၫ်မူၤတၫ်ဘှီး(မ့တမ့ၫ်)ထုးထီၣ်တၫ်မူၤတၫ်ဘှီးလၢတဖိးသဲစးအဂ့ၫ်န့ၣ် ကီၫ်ခိၣ် အ တၫ်ပာ်ပနီၣ်အပူၤ ပာ်ဖျါထီၣ်၀ဲထံကီၫ်စရီတဖၣ်အဂ့ၫ် အမဲရကၤထံဂုၤကီၫ်ဂၤကိတိာ်၀ဲၤကျိၤ တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
တၫ်ပာ်ပနီၣ်၀ဲဒ်သိးအံၤန့ၣ် တဘၣ်ထွဲလိာ်အသးဒီး ထံကီၫ်၀ဲန့ၣ် အတၫ်ဂဲၤလိာ်ဒုးလီၤပှီၫ်တၫ်မူၤတၫ်ဘှီး (မ့တမ့ၫ်) ပာ်ဖှိၣ်မၤသကိးတၫ်ဒီးအမဲရကၤဘၣ်အဂ့ၫ် ထံဂုၤကီၫ်ဂၤကိတိာ်တဲ၀ဲလီၤ.
ပဒိၣ်လၢဘၣ်ထွဲတဖၣ်န့ၣ် တၫ်ပၢဆှၢတၫ်မူၤတၫ်ဘှီးဒီးတၫ်ပာ်လီၤတၫ်ဘျၢတဖၣ်န့ၣ် မ့ၫ်ဂဲၤလိာ်၀ဲသပှၫ်ပှၫ်ဒၣ်လဲၣ် တၫ်မူၤတၫ်ဘှီး(မ့တမ့ၫ်)ဂာ်ကသံၣ်တၫ်ပီးတၫ်လီတဖၣ် စိာ်ဆှၢ၀ဲ(မ့တမ့ၫ်)ထုးထီၣ်၀ဲသ့ ဟီၣ်ခိၣ်ဂီၤတၫ်လီၫ်တၫ်အိၣ် သးတဖၣ်,ကူၣ်လဲၫ်မၤကၤဒီးဘၣ်ထွဲမုာ်ကျိၤ၀ဲၤကွာ်တၫ်ဂ့ၫ်တၫ်ကျိၤတဖၣ်အဃိ ဘၣ်တၫ်ဖၢနုာ်၀ဲလၢ စရီ၀ဲန့ၣ်အပူၤ အဂ့ၫ် ပာ်ဖျါ၀ဲလီၤ.
ထရၢးန့ၣ် အၣ်ဖကၣ်န့ၣ်စတၣ်,ဘိၣ်လံဘံယါ,ကီၫ်ပယီၤ,ကိၣ်လၣ်ဘံၣ်ယၣ်ဒီးဘ့ၣ်နံၣ်စွဲလါထံကီၫ်တဖၣ် အပူၤကွံာ် (၁၂)လါအတီၫ်ပူၤ ပာ်ပနီၣ်လီၤဆီဒံး၀ဲလၢ ထံကီၫ်တဖၣ်လၢတမၤထွဲ၀ဲ ထံဂုၤကီၫ်ဂၤတၫ်ဒုးလီၤပှီၫ်တၫ်မူၤတၫ်ဘှီး တၫ်အၢၣ်လီၤတဖၣ်န့ၣ်လီၤ.
တရၢးန့ၣ် NitrazepanဒီးMethamphetamineပာ်ဃုာ် တၫ်မူၤတၫ်ဘှီးအတၫ်ရၤလီၤသးတဖၣ်အဖီခိၣ် တၫ်ကဟံး န့ၫ်ဂ့ၫ်၀ီတုၤလီၤတီၤလီၤအဂီၫ်ဒီးပှၤကူၣ်လဲၫ်မၤကၤကသံၣ်မူၤဘှီးလၢဘၣ်ထွဲတဖၣ် တၫ်လိာ်ဘၢလိာ်ကွီၣ်အီၤကန့ၫ်အဂီၫ် စ့ၫ်ကီး တဲဆီၣ်တခူထီၣ် တရူးခိၣ်နၫ်တဖၣ်န့ၣ်လီၤ.s
တၫ်ခီဂာ်ထံကီၫ် ကွီၫ်မ့ၣ်တၫ်မၤကမၣ်အပူၤ Fentanylဒီးတၫ်မူၤတၫ်ဘှီးအဂၤလၢတဖိးသဲစးတဖၣ် တၫ်ကူၣ်လဲၫ်မၤ ကၤအီၤန့ၣ် အမဲရကၤကီၫ်ပူၤ ကဲထီၣ်ဒီကလုာ်ဂ့ၫ်၀ီတၫ်အိၣ်သးတခါ၀ံၤ သးနံၣ်(၁၈)နံၣ် တုၤ(၄၄)နံၣ်အဘၢၣ်စၢၤ ပှၤအမဲရကၤဖိတဖၣ် ဘၣ်သံ၀ဲတၫ်ဂ့ၫ်ခိၣ်သ့ၣ်အဂ့ၫ် အမဲရကၤထံရုၤကီၫ်ဂၤ၀ဲၤကျိၤတဲ၀ဲလီၤ.
