လါစဲးပထ့ဘၢၣ် ၁၈သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
AAPP အလါစဲးပထ့ဘၢၣ် ၁၆သီအနံၤ အတၢ်ထုးထီၣ်ပၥ်ဖျါအဖီခိၣ် ကီၢ်ပယီၤဒီတဘ့ၣ်အပူၤ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤအဆၢကတီၢ် (၁၆၈၉)သီအတီၢ်ပူၤ ထံဖိကီၢ်ဖိကမျၢၢ်လၢဘၣ်တၢ်မၤသံအီၤ အိၣ်ထီၣ်တုၤ (၇၂၅၇)ဂၤအဂ့ၢ် တၢ်သ့ၣ်ညါဘၣ်န့ၣ်လီၤ.
တကးဘၣ် မမ့ၢ်ပှၤလၢဘၣ်တၢ်ဖီၣ်န့ၢ်ဆူၣ်အီၤတခီ အိၣ်ထီၣ်၀ဲခဲလၢၥ်ပၥ်ဖှိၣ် (၂၉၆၈၅)ဂၤအဂ့ၢ် AAPPအတၢ်ထုးထီၣ်ပၥ်ဖျါအဖီခိၣ်တၢ်သ့ၣ်ညါဘၣ်န့ၣ်လီၤ.
ပှၤလၢဘၣ်တၢ်ဖီၣ်န့ၢ်ဆူၣ်အီၤခဲလၢၥ်အကျါ ပှၤ(၇၂၇၆)တဂၤတခီ ဘၣ်တၢ်ပျၢ်ကဒါက့ၤအီၤလံအဂ့ၢ် ပၥ်ဖျါဃၥ်၀ဲန့ၣ်လီၤ.
သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ သုးကရူၢ်အံၤ အတၢ်မၤသံမၤ၀ီတဖၣ်အဃိ ပှၤဘၣ်သံအအါကတၢၢ်အိၣ်ထီၣ်၀ဲဒၣ်လၢ ၀့ၢ်တကူၣ်န့ၣ်လီၤ.
တလၢၤကီၢ်စဲၣ်ပူၤတခီ ပှၤဘၣ်သံအိၣ်ထီၣ်၀ဲ(၇၂)ဂၤလံ၀ံၤ ပှၤလၢဘၣ်တၢ်ဖီၣ်န့ၢ်ဆူၣ်အီၤ အိၣ်ထီၣ်လံ(၈၀၀)ဘျဲၣ်လံဒီး ဖဲအပူၤကွံၥ်စှၤသီအတီၢ်ပူၤတခီ ဘၣ်တၢ်ပျၢ်ကဒါက့ၤအီၤ (၂၀၀)ဘျဲၣ်အဂ့ၢ် AAPP အတၢ်ထုးထီၣ်ပၥ်ဖျါအဖီခိၣ် တၢ်သ့ၣ်ညါဘၣ်န့ၣ်လီၤ.
