လါစဲးပထ့ဘၢၣ်(၁၈),၂၀၂၅နံၣ်, အၣ်ထူခ့ၣ်တၢ်ကစီၣ်
အံၣ်စရ့သုးန့ၣ် ကပၢဆှၢ၀ဲကၣ်စၣ်၀့ၫ်ခိၣ်အဂီၫ် စးထီၣ် ဟီၣ်ခိၣ်လိၤတၫ်ဒုးဃီၤတဖၣ်အဂ့ၫ် ထုးထီၣ်ဘိးဘၣ်ရၤလီၤ၀ဲ လီၤ.
လၢ၀့ၫ်ပူၤ မၤလဲၫ်ထီၣ် ဟီၣ်ခိၣ်လိၤဒုးယၤတၫ်ရဲၣ်တၫ်ကျဲၤတဖၣ်အဂ့ၫ် ဘိးဘၣ်ရၤလီၤ၀ဲဒီးတၫ်အံၤ မ့ၫ်ဟါမးအလီၫ် ခံကတၢၫ် တၫ်လီၫ်အဂ့ၫ်တဲ၀ဲလီၤ.
ထီၣ်ဒုးဃီၤ၀ဲ ကၣ်စၣ်၀့ၫ်ခိၣ်ဒိၣ်ဒိၣ်မုာ်မုာ်လံအဂ့ၫ် အံၣ်စရ့တၫ်ဒီသဒၢကိကတိာ် Israel Katz တဲ၀ဲလီၤ.အမဲရကၤထံဂုၤ ကီၫ်ဂၤကိတိာ် Marco Rubiowတခီ အမဲရကၤန့ၣ် ဆီၣ်ထွဲ၀ဲဒုးယၤတၫ်ရဲၣ်တၫ်ကျဲၤဘၣ်ဆၣ် အဲၣ်ဒိး၀ဲလၢကကတၢၫ် ကွံာ်ချ့ချ့အဂ့ၫ် တဲ၀ဲလီၤ.
လၢကၣ်စၣ်၀့ၫ်ခိၣ် တၫ်လီၫ်သကုၤအပူၤ တၫ်ဒုးခးတၫ်တဖၣ်အိၣ်၀ဲအဖၢမုၫ်ဒီး စးထီၣ်ဖဲလါစဲးပထ့ဘၢၣ်(၁၆), လၢကၣ် စၣ်ကါမၠီၣ်ဒီတဘ့ၣ်အပူၤ ပှၤဘၣ်သံတစှၤန့ၣ်(၄၀)ဂၤအဂ့ၫ် တၫ်ကစီၣ်သန့တဖၣ်ပာ်ဖျါ၀ဲလီၤ.
ကၣ်စၣ်၀့ၫ်ခိၣ်လၢပှၤနီၫ်ဂံၫ်အိၣ်(၁)ကကွဲၫ်ဃၣ်ဃၣ်အံၤ ပှၤနီၫ်ဂံၫ်(၃)ကလီၫ်တခီဘျဲၣ် ပဒ့ၣ်ဟးဆှဲးကွံာ်အသးဒီးအံၣ်စရ့ တခီ ပှၤ၀့ၫ်ဖိတဖၣ်ကဟးထီၣ်လၢ၀့ၫ်ပူၤအဂီၫ် တဲဆီၣ်တခူထီၣ်ဃာ်၀ဲလီၤ.
၂၀၂၃နံၣ်,လါအီးကထိဘၢၣ် တၫ်သဘံၣ်သဘုၣ်အပူၤ ပှၤနီၫ်ဂံၫ် ၆၄,၉၀၀ဂၤဘျဲၣ်လၢအိၣ်ဖဲကၣ်စၣ် ဘၣ်သံ၀ဲအဂ့ၫ် ကၣ်စၣ်ဆူၣ်ချ့ဘၣ်မူဘၣ်ဒါတဖၣ်တဲ၀ဲလီၤ.
လၢကတီၫ်အံၤ အံၣ်စရ့အတၫ်ထီၣ်ဒုးဃီၤကၣ်စၣ်၀့ၫ်ခိၣ်အဃိ ပှၤပၣ်လဲးစတဲဖိတဖၣ် ကဘၣ်သံဘၣ်ပှၫ်အါထီၣ်ဒီး ပှၤတ၀ၢတၫ်မၤစၢၤတၫ်အိၣ်သးတဖၣ်စ့ၫ်ကီးကအၢထီၣ်ဘၣ်ဖုးန့ၣ် ထံဂုၤကီၫ်ဂၤတဖၣ်ဘၣ်ယိၣ်ဘၣ်ဘှီ၀ဲန့ၣ်လီၤ.
