လါစဲးပထ့ဘၢၣ်(၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ရၢၫ်ခၢၣ်ကီၫ်စဲၣ်,စံးတွ့ၣ်,ကၠီးဖၠူၣ်ဒီးမၣ်အီၣ်တဖၣ်အပူၤ သုးခီၣ်မံးရှၢၣ်န့ၣ် ကမၤ၀ဲအဆိကတၢၫ်တပတီၫ်တၫ်ဃုထၢအ ဃိ ဂဲၤလိာ်၀ဲလၢတၫ်ပၢဆှၢမၤန့ၫ်ဟီၣ်က၀ီၤတဖၣ်န့ၣ်လီၤ.
လၢမၣ်အီၣ်ဒီးယါပၠဲကီးအဃၢၤ၀း၀းန့ၣ် အသုးကဘီတဖၣ် ဟဲဟံးန့ၫ်ဃာ်တၫ်လီၫ်အဂ့ၫ် တၫ်သ့ၣ်ညါဘၣ်လၢလီၫ်က၀ီၤ ဂ့ၫ်ခီၣ်ထံးတၫ်ကစီၣ်အိၣ်န့ၣ်လီၤ.
မၣ်အီၣ်ကီးဒီးယါပၠဲကီးအဘၢၣ်စၢၤ ဟံးန့ၫ်တၫ်လီၫ်ကန့ၫ်အဂီၫ် သုးကဘီတဖၣ်ဆှၣ်တရံးတၫ်ဒီးသုးကဘီလၢအိၣ်ဃာ် ဖဲကၠီးဖၠူၣ်ကီၫ်ဆၣ်ပူၤတဖၣ် ခးစိကျိဖးဒိၣ်အိၣ်၀ဲလီၤ.
“သုးခီၣ်မံးရှၢၣ်န့ၣ် အဲၣ်ဒိးမၤ၀ဲကၠီးဖၠူၣ်တုၤလၢအဂၢၫ်ထီၣ်လီၤ.ဖဲလါမ့ၤအပူၤ တၫ်လီၫ်လၢတၫ်ထီၣ်ဒုးမၤန့ၫ်တဖၣ် မၤန့ၫ် ကဒါက့ၤ၀ဲဒီးတၫ်လီၫ်လၢအဂၤတဖၣ်အဂီၫ် မၤပှဲၤဂံၫ်ဘါဟဲထီၣ်ဒီးသုးကျိၤန့ၣ်လီၤ.လါဒံၣ်စ့ဘၢၣ် လၢကၠီးဖၠူၣ်ဒီတဘ့ၣ် တၫ်ကမၤ၀ဲတၫ်ဃုထၢန့ၣ်တမ့ၫ်ကသ့ဘၣ်အဂ့ၫ်”ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
အပူၤကွံာ် လါအီကူာ်(၂၉)သီနံၤ သုးခီၣ်မံးရှၢၣ်အသုးကဘီ(၁)ခိၣ် AAခးလၢဟီၣ်၀့ၣ်စၣ် ဘၣ်ဒီးမ့ၣ်အူအီၣ်အဃိ ဘၣ်နီ ဃ့ၫ်၀ဲတၫ်ကဲထီၣ်အသးအိၣ်၀ဲန့ၣ်လီၤ.
လါဒံၣ်စ့ဘၢၣ်(၂၈)သီလၢကဟဲ တၫ်ကမၤတၫ်ဃုထၢအဂီၫ် သုးခီၣ်မံးရှၢၣ်န့ၣ် ပၢဆှၢကၠီးဖၠူၣ်ကန့ၫ်လၢလၢပှဲၤပှဲၤအဂီၫ် ဂဲၤလိာ်၀ဲဒီးတၫ်လီၫ်လၢတၫ်ထီၣ်ဒုးန့ၫ်တဖၣ်ကမၤန့ၫ်ကဒါက့ၤ၀ဲအဂီၫ် သုးဂံၫ်ဘါအါအါဂီၫ်ဂီၫ်ဒီးဟဲနုာ်လီၤသုးကျိၤဆူ ကၠီးဖၠူၣ်ကီၫ်ဆၣ်အပူၤန့ၣ်လီၤ.
လၢစံးတွ့ၣ်တကပၤ တၫ်ကက့ၤမၤန့ၫ် ပိၣ်နါကၠိဒီးယါပၠဲအဂီၫ် ရဲၣ်ကျဲၤဃာ်၀ဲဒီးခးလီၤကျိဖးဒိၣ်ဆူပိၣ်နါကၠိဒီးအိၣ်က တီၤဃာ်အသုးအဂ့ၫ်လီၫ်က၀ီၤဖိတဖၣ်တဲ၀ဲလီၤ.
ဆှၢထီၣ်ထံသုး,ကလံၤသုးဂံၫ်ဘါဆူ ကၠီးဖၠူၣ်ကီၫ်ဆၣ်အပူၤဒီးတၫ်လီၫ်တၫ်ထီၣ်ဒုးမၤန့ၫ်ဃာ်တဖၣ်ဒီးသုးကလၢၤတဖၣ် ကမၤန့ၫ်က့ၤ၀ဲအဂီၫ် ဟဲထီၣ်ဒီးဂံၫ်ဘါအါအါဂီၫ်ဂီၫ်ဘၣ်ဆၣ် AAအတၫ်ဒုးဃီၤ၀ဲအဃိ သုးခီၣ်မံးရှၢၣ်အသုးဖိဘၣ်သံအါ မးန့ၣ်လီၤ.
လၢမၣ်အီၣ်,မၠီၣ်တီၣ်အူထံသုးစ့ၫ်ကီး အသုးကဘီတဖၣ်ဟးဆှၣ်တရံးတၫ်၀ံၤ ဟံးန့ၫ်ဃာ်၀ဲမၣ်အီၣ်ကဘီယူၤသန့တၫ် ဘံၣ်တၫ်ဘၢဃံးဃံးဒီးအပူၤကွံာ်နံၣ်အပူၤ ဟဲထီၣ်သုးကျိၤဖဲခအိမီၣ်သ၀ီဒီးပီၣ်လဲၣ်နံၤသ၀ီတဖၣ်၀ံၤ ဆီလီၤဃာ်မ့ၣ်ပိၫ် တဖၣ်အဂ့ၫ်တၫ်သ့ၣ်ညါဘၣ်လီၤ.
Ref: AT
