လါအီကူာ်(၂၈)သီ,၂၀၂၅နံၣ်,အၣ်ထူခ့ၣ်တၢ်ကစီၣ်
သုးခီၣ်မံးရှၢၣ်န့ၣ် ကီၫ်ဆၢတၫ်ကူၣ်လဲၫ်မၤကၤအကျဲတဖၣ်လၢအ၀ဲသ့ၣ်ထၢတၫ်ခိတၫ်သွဲတန့ၫ်ဘၣ်တဖၣ်န့ၣ် ကးတံာ်ကွံာ်၀ဲဒီးတၫ်ကဟ့ၣ်ဘၣ်ခိသွဲလၢထံကျဲ, ကလံၤကျဲ၀ံၤတီၣ်သွီနုာ်အဂီၫ် ဟ့ၣ်တၫ်ပျဲအဂ့ၫ် တၫ်သ့ၣ်ညါဘၣ်လီၤ.
လၢကတီၫ်အံၤ တၫ်ကူၣ်လဲၫ်မၤကၤတကပၤ သုးခီၣ်မံးရှၢၣ်န့ၣ် ကီၫ်ဆၢတၫ်ကူၣ်လဲၫ်မၤကၤလၢတဒိးန့ၫ်ခိသွဲတဖၣ် ကးတံာ်ကွံာ်၀ဲဒီးတၫ်ကဟ့ၣ်ဘၣ်တၫ်ခိသွဲလၢထံကျဲကလံၤကျဲ၀ံၤတီၣ်သွီနုာ်အဂီၫ် ပာ်ပနီၣ်ဃာ်၀ဲအဃိ ပှၤကူၣ်လဲၫ်မၤကၤတဖၣ် ထံၣ်ဘၣ်တၫ်ကီဒီးတၫ်ဆါတၫ်ပှ့ၤအပူၤ ပနံာ်အပှ့ၤကလံၤဒိၣ်ထီၣ် ကဲထီၣ်သ့အဂ့ၫ် ပှၤဃုသ့ၣ်ညါ မုာ်ကျိၤ၀ဲၤကွာ်တဖၣ်ပဲာ်ထံနီၤဖး၀ဲလီၤ.
လၢကတီၫ်အံၤ ကီၫ်ကၠီၣ်တဲၣ် ပနံာ်မၤဃံမၤလၤသးဒီးလီမ့ၣ်အူတၫ်ဖိတၫ်လံၤတဖၣ် ပှၤနီၫ်တဂၤသူ၀ဲတဖၣ် တၫ်တီၣ်သွီနုာ်လၢကလံၤကျဲတန့ၫ်ခိသွါဲဘၣ်အဃိ ပာ်ပနီၣ်န့ၫ်၀ဲဒ်သိးအံၤအဂ့ၫ် ပနံာ်တၫ်မၤကစၫ်တဖၣ်တဲ၀ဲလီၤ.
သုးခီၣ်မံးရှၢၣ် အစုတီၤဖီလာ် ခိသွဲ၀ဲၤကျိၤအတၫ်ထုးထီၣ်ဘိးဘၣ်ရၤလီၤအဖီခိၣ် တၫ်ကူတၫ်ကၤ,ထၢၣ်,ပနံာ်မၤဃံမၤလၤသး,ခီၣ်ဖံး,နၣ်ရံၣ်ဒီးခၠီးကလဲးတဖၣ် တလိၣ်လဲၣ်စ့ၣ်ဘၣ်အမဲာ်ညါ မၢတၫ်ဟ့ၣ်ခိသွဲ ၁၀မျးကယၤ တုၤ ၂၀မျးက ယၤဒီးတၫ်ကူၣ်လဲၫ်မၤကၤတၫ်ဖံးတၫ်မၤအခိ ၅မျးကယၤ၀ံၤ တၫ်တီၣ်သွီနုာ်န့ၫ်လံန့ၣ်လီၤ.
ဘၣ်ဆၣ် ကသံၣ်ကသီ,တၫ်အီၣ်တၫ်အီ,ဒြိဒီးတၫ်ထူၣ်တၫ်ဘိတဖၣ်တခီ လိၣ်လၢတၫ်ဒိးန့ၫ်၀ဲၤကျိၤလၢဘၣ်ထွဲတဖၣ် အတၫ်အုၣ်ကီၤအဂ့ၫ် သုးကီၣ်ကးမၤဃံးဃာ်၀ဲလီၤ.
“ခိကျဲကးတံာ်ကွံာ်အသးခဲလၢာ်ဒီး အပူၤကွံာ်န့ၣ် တၫ်မ့ၫ်စိာ်လၢကဘီယူၤန့ၣ် အိၣ်ဒၣ်ဟ့ၣ်လီၤစ့ဖဲကဘီယူၤသန့လီၤ. လၢအခဲအံၤ တၫ်ဘၣ်ဟ့ၣ်လီၤဆီခိသွဲ,တၫ်ထုးထီၣ်တၫ်ဖိတၫ်လံၤကန့ၫ်ချ့ချ့အဂီၫ် တၫ်ဘၣ်ဟ့ၣ်ဒုးအီၣ်စ့ဒီးတၫ်လၢာ် ဘူၣ်လၢာ်စ့ၤအပှ့ၤကလံၤဒိၣ်ထီၣ်၀ဲအဂ့ၫ်”ပှၤ၀့ၫ်တကူၣ်ဖိလၢကူၣ်လဲၫ်မၤကၤတၫ်လၢအိၣ်လဲပူၤတဂၤ တဲ၀ဲလီၤ.
သုးခီၣ်မံးရှၢၣ်န့ၣ် ကသံၣ်ကသီတၫ်ဖိတၫ်လံၤတဖၣ်,ပနံာ်လၢပှၤသူအကလုာ်ကလုာ်ဒီးပနံာ်ဃီၤဃၤတၫ်ဖိတၫ်လံၤ တဖၣ် ဟ့ၣ်ခိသွဲ၀ံၤ မ့ၫ်ဒိးန့ၫ်လဲၣ်စၣ်တၫ်ပျဲမးဒီးတၫ်ကတီၣ်သွီနုာ်အဂီၫ် ပာ်လီၤ၀ဲအဒူၣ်အဆၢအဃိ တၫ်ဆါတၫ်ပှ့ၤ အပူၤ ပနံာ်ကၤထီၣ်ဒီအပှ့ၤကလံၤဒိၣ်ထီၣ်သ့အဂ့ၫ် ပှၤဃုသ့ၣ်ညါမုာ်ကျိၤ၀ဲၤကွာ်တဂၤတဲ၀ဲလီၤ.
လၢကတီၫ်အံၤ ပယီၤ-ကၠီၣ်တဲၣ်ကီၫ်ဆၢတြဲၤန့ၣ် သုးခီၣ်မံးရှၢၣ် ကးတံာ်ကွံာ်၀ဲလၢဖိးသဲစးအပူၤဘၣ်ဆၣ် သူမွဲကျိဒီတ ကျိၤ တၫ်ပဒ့ၣ်ဟးဆှဲးတၫ်ခိတၫ်သွဲကျဲအိၣ်အါမးတုၤလၢခဲကနံၤအံၤအဖၢမုၫ်ဒီးသုးခီၣ်မံးရှၢၣ်န့ၣ် ဒ်မၤ၀ဲတၫ်ကူၣ်လဲၫ်မၤ ကၤအသီတခါဒီးကၠီၣ်တဲၣ်အသိး, ၀့ၫ်တကူၣ်-ယနီ ဒ်ကိၣ်ထ့နၢၣ်သနူအသိး တၫ်တီၫ်/သွီနုာ်လဲၣ်လဲၣ်တဖၣ် ဟ့ၣ်၀ဲ တၫ်ပျဲလံန့ၣ်လီၤ.
Ref: AT
