လါအီကူာ်(၂၇)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တဲၣ်ဖိကလံၤမုၫ် ကၣ်ကၠံၣ်ကံၣ်အဃိ ကီၫ်ဘံၣ်ယဲးနၣ်ပူၤ ပှၤတစှၤန့ၫ်(၃)ဂၤဘၣ်သံဒီး၀့ၫ်ခိၣ်ဟနွဲစ့ၫ်ကီး ထံလုၫ်ဘၢတၫ် ကဲထီၣ်န့ၣ်လီၤ.
ကၣ်ကၠံၣ်ကံၣ်ကလံၤမုၫ်န့ၣ် ဖဲလါအီကူာ်(၂၅)သီအနံၤန့ၣ် စးထီၣ်နုာ်လီၤအူ၀ဲ ဘံၣ်ယဲးနၣ်အမုၫ်ထီၣ် ပီၣ်လဲၣ်နံၤဒီးသုး ဃီၤအသးဆူ လၣ်အိၣ်ဒီးကၠီၣ်တဲၣ်ကလံၤစိးတကပၤန့ၣ်လီၤ.ကလံၤမုၫ်လီၤ၀ံၤ တၫ်ဟးဂုၤဟးဂီၤဒီးတၫ်သံတၫ်ပှၫ်န့ၣ် တၫ်တသ့ၣ်ညါဘၣ်၀ဲဘၣ်ဆၣ် ယံာ်၂၄နၣ်ရံၣ်အလီၫ်ခံ ပှၤဘၣ်မူဘၣ်ဒါတဖၣ်န့ၣ် ထုးထီၣ်ဘိးဘၣ်ရၤလီၤ၀ဲတၫ်ဂ့ၫ်တၫ်ကျိၤ အသီတဖၣ်န့ၣ်လီၤ.
ကလံၤမုၫ်အူတၫ်အသဟီၣ်ဆူၣ်အဃိ ဟံၣ်နီၫ်ဂံၫ်(၇၀၀၀)ဖျၢၣ်ဃၣ်ဃၣ် ဘၣ်ဟးဂီၤဒီးစံၣ်ပျီ ၂၈,၈၀၀ ဟဲးတၣ်ဃၣ် ဃၣ်ထံလုၫ်ဘၢ၀ဲန့ၣ်လီၤ.တကးဘၣ် သ့ၣ်ထူၣ်(၁၈,၀၀၀)ဃၣ်ဃၣ်ဒီးမ့ၣ်အူတၢၣ် ၃၃၁တၢၣ်ဃၣ်ဃၣ် လီၤတကူၫ် ၀ဲအဂ့ၫ်တၫ်သ့ၣ်ညါဘၣ်လီၤ.
တၣ်ဟ၀ၣ်,ငံၣ်အါ,ဟၣ်ထ့ၣ်,ထဲၣ်ငူးယၣ်ဒီးဖူၣ်သိၣ်ကီၫ်စဲၣ်တဖၣ်ပူၤ လီမ့ၣ်အူပတုာ်ကွံာ်ကဲထီၣ်ဒီး ဟီၣ်က၀ီၤလၢ ကလံၤမုၫ်ခီဂာ်ကျဲဒီတကျိၤန့ၣ် ထံဒိၣ်ဒီးဟီၣ်ခိၣ်လာ်တၫ်ကစီၣ်တဖၣ်တၫ်နၫ်ဟူဘၣ်လီၤ.
လၢ၀့ၫ်ခိၣ်ဟနွဲစ့ၫ်ကီးကျဲမုၫ်တဖၣ် ထံလုၫ်ဘၢကွံာ်၀ဲအဂ့ၫ် ပှၤ၀့ၫ်ဖိတဖၣ်တဲ၀ဲလီၤ.လါအီကူာ်(၂၆)သီနံၤ တုၤမုၫ်ထူၣ် အကတီၫ် ကလံၤမုၫ်အဃိ ဘံၣ်ယဲးနၣ်ပူၤ ပှၤဘၣ်သံ(၃)ဂၤဒီးဘၣ်ဒိဘၣ်ထံးတစှၤန့ၫ်(၁၀)ဂၤအဂ့ၫ် တၫ်သ့ၣ်ညါဘၣ် လီၤ.
နုာ်လီၤအူတၫ်လၢခိခိၣ်၀ံၤအလီၫ်ခံ ကၣ်ကၠံၣ်ကံၣ်န့ၣ် အဂံၫ်စၫ်လီၤ၀ဲဘၣ်ဆၣ် ကလံၤမုၫ်အသဟီၣ်အဃိမူခိၣ်စူၤဒိၣ်ကဲ ထီၣ်အသးသ့ကဒီးအဂ့ၫ် ဘံၣ်ယဲးနၣ်မူခိၣ်ကလံၤသီၣ်ဂီၤ၀ဲၤကျိၤဟ့ၣ်ပလီၫ်ဃာ်၀ဲလီၤ.
ဘံၣ်ယဲးနၣ်န့ၣ် တဲဖိကၣ်ကၠံၣ်ကံၣ်တချူးနုာ်လီၤအူတၫ်ဒံးဘၣ်န့ၣ် ဟီၣ်က၀ီၤလၢတၫ်လီၫ်ဘၣ်ယိၣ်အိၣ်အလီၫ် ပှၤလီၫ်က၀ီၤဖိ(၆)ကလီၫ်ဃၣ်ဃၣ် တၫ်သုးန့ၫ်ဆိအလီၫ်ဒီးအိၣ်ကတဲာ်ကတီၤဆိဃာ်အသးအဃိ တၫ်သံတၫ်ပှၫ်စှၤ၀ဲန့ၣ်လီၤ.
အပူၤကွံာ်နံၣ် တဲၣ်ဖိကလံၤမုၫ်ယၣ်ကံၣ် နုာ်လီၤအူတၫ်အဃိ ဘံၣ်ယဲးနၣ်အပူၤ ပှၤဘၣ်သံ၀ဲ(၃၀၀)ဘျဲၣ်ဃၣ်ဃၣ်န့ၣ်လီၤ.
Ref: Reuters
