လါအီကူာ်(၂၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ပယီၤပူၤ ဟံးန့ၫ်ဆူၣ်ထံကီၫ်တၫ်စိတၫ်ကမၤလၢတဖိးစဲသး၀ံၤ သုးခီၣ်မံးရှၢၣ်လၢမၤကမၣ်သုးကွီၫ်မ့ၣ်အံၤ ရၢးရှၢၣ်, တရူး,အ့ဒ့ယါဒီးဘဲလရူးစ်ထံကီၫ်တဖၣ်လၢမၤစၢၤဆီၣ်ထွဲအီၤတဖၣ် ကဘၣ်တူၫ်မူတူၫ်ဒါအဂ့ၫ် Justice For Myanmar ထုးထီၣ်ဘိးဘၣ်ရၤလီၤ၀ဲဖဲလါအီကူာ်(၁၉)သီအနံၤန့ၣ်လီၤ.
ပှၤကီၫ်ပယီၤဖိအဖီခိၣ် သုးခီၣ်မံးရှၢၣ်အသုးအတၫ်မၤကမၣ်သုးကွီၫ်မ့ၣ်အပူၤ ထံကီၫ်လၢဆီၣ်ထွဲမၤစၢၤအီၤတဖၣ်န့ၣ် ဟ့ၣ်မၤစၢၤသုးခီၣ်မံးရှၢၣ်အသုးတၫ်စုက၀ဲၤပီးလီတဖၣ်,ပတီၫ်ထီတၫ်သ့တၫ်ဘၣ်တဖၣ်ဒီးသုးဂ့ၫ်၀ီတၫ်ဂဲၤလိတဖၣ် မၤစၢၤ ၀ဲအိၣ်အဂ့ၫ် တဲ၀ဲလီၤ.
အ၀ဲသ့ၣ်တဖၣ်န့ၣ် ကလံၤကျါတၫ်ဒုးခးလီၤတၫ်တဖၣ်,တၫ်မၤသံဒီဒူၣ်ဒီထၢတဖၣ်,မၤဟးဂီၤကမျၢၫ်အိၣ်ဒူသ၀ီတဖၣ် ,တၫ်ဖီၣ်မၤအၢမၤသီမၤဆူးမၤဆါတၫ်တဖၣ်ကန့ၫ်အဂီၫ် ဆီၣ်ထွဲမၤစၢၤ သုးကရူၫ်အံၤန့ၣ်လီၤ.
တၫ်မၤကမၣ်တဖၣ်အံၤ သုးကရူၫ်အသိၣ်မှံၤပဒိၣ်တဖၣ်ဒီးမုာ်ကျိၤ၀ဲၤကွာ်တၫ်မၤကစၫ်လၢဘၣ်ထွဲတဖၣ်စ့ၫ်ကီး ကဘၣ် တူၫ်မူတူၫ်ဒါအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
“မ့ၫ်တၫ်ဒီၣ်တဲာ်ကွံာ် စုက၀ဲၤဒီးကျိာ်စ့တၫ်ယွၤလီၤဆူ သုးကီၣ်ကးအအိၣ်န့ၣ်လီၤ.ဘၣ်ထွဲဟီၣ်ခိၣ်ဒီဖျၢၣ်တၫ်ကးတံာ်ကွံာ် စုက၀ဲၤတဖၣ်တၫ်ကဘၣ်ပာ်လီၤတဘျီဃီ.သုးကရူၫ်,အ၀ဲသ့ၣ်အသိၣ်မှံၤမုာ်ကျိၤ၀ဲၤကွာ်တၫ်မၤကစၫ်တဖၣ်ဒီးပှၤပှ့ၤဆါတၫ်စုက၀ဲၤတဖၣ် ကးတံာ်ဟံးန့ၫ်ကွံာ်ဂ့ၫ်၀ီ.ပှၤဟ့ၣ်ဂံၫ်ဟ့ၣ်ဘါ ပှၤမၤကမၣ်တၫ်တဖၣ်စ့ၫ်ကီး ကတူၫ်မူတူၫ်ဒါအဂီၫ် တၫ်ဘၣ်မၤထွဲအဂီၫ်”တၫ်ဘိးဘၣ်ရၤလီၤအပူၤ Justice For Myanmarဃ့ထီၣ်ဃာ်၀ဲန့ၣ်လီၤ.
သုးကရူၫ်လၢမၤအၢမၤသီတၫ်အံၤ တရူး,ရၢးရှၢၣ်,အ့ဒံယါဒီးဘဲလရူးစ်ထံကီၫ်တဖၣ် ဆီၣ်ထွဲမၤစၢၤအီၤ တၫ်စုက၀ဲၤပီးလီ ဒီးပတီၫ်ထီတၫ်သ့တၫ်ဘၣ်တဖၣ်အဃိ သုးခီၣ်မံးရှၢၣ်အသုးတဖၣ် သူအါထီၣ်တၫ်စုက၀ဲၤန့ၫ်ဒိၣ်န့ၫ်ဒံးအလီၫ်,သူအါထီၣ် ဒြိတဖၣ်သ့ဒီးပညိၣ်မၤကမၣ်ကွီၫ်မ့ၣ်လၢထံဖိကီၫ်ဖိတဖၣ်အဖီခိၣ်သ့၀ဲန့ၣ်လီၤ.
