လါအီကူၥ်(၂၁)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ကီၢ်ကၠီၣ်တဲၣ် ဒီကလုၥ်တၢ်ဘိးဘၣ်ရၤဒီးတၢ်ဆဲးကျိးခီၣ်မံးရှၢၣ်(NBTC) အတၢ်သိၣ်တၢ်သီအသီလၢ အပၥ်လီၤ၀ဲအဖီခိၣ် ပှၤကီၢ်ချၢဖိတဖၣ် ပှ့ၤ၀ဲဒီးပတံၥ်ထီၣ် ကၠီၣ်တဲၣ် SIM Cardအသီတဖၣ်အဆၢကတီၢ် စူးကါ၀ဲကန့ၢ်ဒၣ်ထဲ လံၥ်ခီကီၢ်(Passport)တခါဧိၤန့ၣ်လီၤ.
ဖဲလၢပတံၥ်ထီၣ်ခိၣ်ဂီၤအဆၢကတီၢ် ကဘၣ်ဒုးနဲၣ်၀ဲလံၥ်ခီကီၢ်တကးဘၣ် ကသံသမိး၀ဲစ့ၢ်ကီးဒီး (Facial Scan) Biometric သနူလၢ အက Scanအီၤ မဲၥ်သၣ်စ့ၢ်ကီးန့ၣ်လီၤ. တၢ်စူးကါ၀ဲသနူအံၤန့ၣ် မ့ၢ်ဒၣ် ပှၤလၢဟဲပှ့ၤ SIM Cardန့ၣ် Passportအနီၢ်ကစၢ်မ့ၢ်တမ့ၢ် ကသံသမိး၀ဲအဂီၢ်န့ၣ်လီၤ.
တၢ်ဂ့ၢ်အခိၣ်သ့ၣ်လၢ တၢ်မၤဃံးထီၣ် တၢ်သိၣ်တၢ်သီတဖၣ်န့ၣ် ဒ်သိးကဒုးလီၤပှီၢ်ကွံၥ် Call Centerတၢ်လံၣ်တၢ်လီတဖၣ်, အိၣ်လဲကွီၢ်မ့ၣ်တဖၣ်ဒီး တဖိးသဲးစးတၢ်ဖံးတၢ်မၤတဖၣ်လၢ အစူးကါ၀ဲ SIM Cardတဖၣ်၀ံၤ မၤကမၣ်ကွီၢ်မ့ၣ်တဖၣ်အဂီၢ်န့ၣ်လီၤ. ပညိၣ်၀ဲစ့ၢ်ကီးလၢ တၢ်ကတြီတံၥ်၀ဲ တၢ်ပတံၥ်ထီၣ်ခိၣ်ဂီၤလၢ လံၥ်အုၣ်သးအယီၤအဘျၣ်တဖၣ်, ပတံထီၣ်ခိၣ်ဂီၤလၢ ပှၤမံၤပှၤသၣ်တဖၣ်အဂီၢ်န့ၣ်လီၤ.
၂၀၂၅နံၣ် စးထီၣ်သီလံၤလံၤန့ၣ် စးထီၣ်ဘိးဘၣ်ရၤလီၤ၀ဲ တၢ်သိၣ်တၢ်သီတဖၣ်၀ံၤ လၢနံၣ်တ၀ၣ်ဃၣ်ဃၣ်မး မၤဖျါထီၣ်၀ဲအမိၢ်လံမိၢ်ပှၢ် စူးကါတ့ၢ်လံန့ၣ်လီၤ.
အပူၤကွံၥ် လံၥ်ခီကီၢ်ဆၢ(Border Pass)တဖၣ် တၢ်ပတံၥ်ခိၣ်ဂီၤလၢလံၥ်အုၣ်သးအဂုၤအဂၤတဖၣ်န့ၢ်ဘၣ်ဆၣ် ခဲအံၤတဘျီတခီ ပှၤကီၢ်ချၢဖိခဲလၢၥ်(ပှၤဟးကသုၣ်ဖိ, ပှၤမၤတၢ်ဖိ, ပှၤလၢအိၣ်ဆိးလၢကၠီၣ်တဲၣ်ပူၤတဖၣ်) မ့ၢ်ပှ့ၤ၀ဲ SIM Cardအသီန့ၣ် လိၣ်၀ဲ Passportသပှၢ်ကတၢၢ်၀ံၤ ကဘၣ် Scan၀ဲအမဲၥ်သၣ်ဒီး ကဘၣ်ပတံထီၣ် ခိၣ်ဂီၤန့ၣ်လီၤ.
Ref : Nation Thailand
