လါအီကူာ်(၁၁)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကညီဒီကလုာ်စၢဖှိၣ်ကရၢ(KNU)၀ဲၤလီၫ်ခိၣ်သ့ၣ်,သုးက့နီၫ်ဂံၫ်(၇)ဟီၣ်က၀ီၤအပူၤ ဖဲလါအီကူာ်(၁၀)သီနံၤ,မုၫ်နၤအက တီၫ် သုးခီၣ်မံးရှၢၣ်အသုး ဟဲတ့ၫ်လီၤမ့ၣ်ပိၫ်လၢကဘီယူၤအဃိ ဟံၣ်ဃီဒီးကျးတနီၤ မ့ၣ်အူအီၣ်ဟးဂီၤကွံာ်၀ဲဒီး ပှၤလီၫ် က၀ီၤဖိတနီၤ ဘၣ်လဲၤဃ့ၫ်အိၣ်ကဒုလၢကီၫ်ကၠီၣ်တဲၣ်တကပၤအဂ့ၫ် တၫ်သ့ၣ်ညါဘယ်လၢကညီဂ့ၫ်ခီၣ်ထံးတၫ်ကစီၣ် အိၣ်န့ၣ်လီၤ.
ဖဲဟါ(၈)နၣ်ရံၣ်ဃၣ်ဃၣ်အကတီၢ် လၢကၠီၣ်တဲၣ်ကီၫ်ဆၢကပၤ,သုးက့နီၫ်ဂံ(၇)ကပၤ ဟဲတ့ၫ်လီမ့ၣ်ပိၫ်တစှၤန့ၫ် အဖျၢၣ်(၂၀)ဒီးY-12ကဘီယူၤအဃိ ဟံၣ်ဃီဒီးကျးတနီၤမ့ၣ်အူအီၣ်ဟးဂီၤကွံာ်၀ဲလီၤ.
တၫ်ဘၣ်ဒိဘၣ်ထံးဒီးတၫ်သံတၫ်ပှၫ်ဒု တၫ်သမံသမိး၀ဲအဖၢမုၫ်ဒံးလီၤ.
လါအီကူာ်(၁၂)သီနံၤလၢကဟဲ လၢကလီၤဘၣ်(၇၅)၀ီတ၀ီ ကညီမၤထူရၤအမုၫ်နံၤတချူးတုၤ သုးခီၣ်မံးရှၢၣ်အသုး ဟဲဒုးဃီၤ၀ဲ KNU ၀ဲၤလီၣ်ခိၣ်သ့ၣ် လၢအိၣ်ဖဲသုးက့နီၫ်ဂံၫ်(၇)လၢကဘီယူၤဆူၣ်ဆူၣ်ကလဲာ်န့ၣ်လီၤ.
အပူၤကွံာ်လါတဖၣ်အပူၤစ့ၫ်ကီး KNU၀ဲၤလီၫ်ခိၣ်သ့ၣ်န့ၣ် သုးကီၣ်ကးဟဲဒုးစ့ၫ်ကီး၀ဲလၢဒြိတဖၣ်န့ၣ်လီၤ.
တၫ်ဟဲဒုးတ့ၫ်လီၤမ့ၣ်ပိၫ်လၢ KNU၀ဲၤလီၫ်ခိၣ်သ့ၣ်အိၣ်အလီၫ်အံၤ မ့ၫ်ဒ်သိးတၫ်အိးထီၣ်က့ၤကီးတရံး-ရၤမတံကျဲ ကန့ၫ်အဂီၫ် ဟ့ၣ်တၫ်ဆီၣ်သနံးလၢKNUအဖီခိၣ်လီၤအဂ့ၫ် ကညီဂ့ၫ်ခီၣ်ထံးတၫ်ကစီၣ်တဂၤစံး၀ဲန့ၣ်လီၤ.
တၫ်ကထီၣ်ဒုးပၢဆှၢမၤန့ၫ်ကဒါက့ၤ ရၤမတံ-ကီးတရံး အ့ရှၢၣ်ကျဲမုၫ်ဒိၣ်အဂီၫ် သုးခီၣ်မံးရှၢၣ်အသုးန့ၣ် လၢကတီၫ်အံၤ လၢကီးတရံးကီၫ်ဆၣ်အပူၤ တၫ်လီၫ်လၢဆိမိၣ်၀ဲလၢတၫ်ပၢၫ်ဆၢသုးဖိတဖၣ်အိၣ်အလီၫ်န့ၣ် ခးလီၤ၀ဲလၢကျိဖးဒိၣ်တ ဖၣ်တကးဘၣ် လူၤကွၫ်ဟုၣ်ကွၫ်စုာ်တၫ်လၢကလံၤကျါစ့ၫ်ကီးအဂ့ၫ် ကီးတရံးလီၫ်က၀ီၤဖိတဖၣ်တဲ၀ဲလီၤ.
Ref: PS
