လါအီကူၥ်(၁၁)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
သုးခီမံးရှၢၣ်သိလ့ၣ်ကျိၤလၢ ဟဲဆှၢတၢ်အီၣ်ဒီးစုက၀ဲၤကျိချံပှၥ်သၣ်တဖၣ်ဆူ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,ကီၢ်သူလ့ၤတၢ်ပၢဟီၣ်က၀ီၤမီတီၣ်ဟၣ်က၀ီၤအပူၤအံၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)ဒီးသုးပၥ်ဖှိၣ်တဖၣ် ခိးဒုးအီၤအဃိ သုးခီမံးရှၢၣ်အသုး သံ(၅)ဂၤဒီးဟးကွံၥ်၀ဲ သိလ့ၣ်(၂)ခိၣ်အဂ့ၢ် ခ့ၣ်အဲၣ်ယူၣ်-ဘျံးဒ၀ဲၢ်ကီၢ်ရ့ၣ်ပၥ်ဖျါဃၥ်၀ဲတၢ်ကစီၣ် ဖဲလါယူၤလံအသီ(၁၀)အနံၤန့ၣ်လီၤ.
သုးခီမံးရှၢၣ်အသုးလၢဟဲထီၣ်သုးကျိၤ ဒ်သိးကပၢဆှၢက့ၤ ခ့ၣ်အဲၣ်ယူၣ်-ဘျံးဒ၀ဲၢ်ကီၢ်ရ့ၣ်, တနီသရံၣ်ကီၢ်ဆၣ်, သံၣ်ခိဒီးခၠီနပီးသ၀ီအဘၢၣ်စၢၤမီတီၣ်ဟီၣ်က၀ီၤအဂီၢ်၂၀၂၅နံၣ်,လါအီကူၥ်(၉)သီအနံၤ,သုးသိလ့ၣ်ကျိၤလၢဟဲဆှၢထီၣ်တၢ်အီၣ်ဒီးစုက၀ဲၤကျိချံပှၥ်သၣ်တဖၣ်KNLAသုးရ့ၣ်(၁၁)ဒီးတၢ်ပၢၢ်ဆၢသုးပၥ်ဖှိၣ်တဖၣ် ခိးဒုးအီၤအဂ့ၢ် တၢ်ကစီၣ်တၢ်ပၥ်ဖျါအဖီခိၣ် တၢ်သ့ၣ်ညါဘၣ်န့ၣ်လီၤ.
တၢ်ပၢၢ်ဆၢသုးပၥ်ဖှိၣ်တဖၣ် ခိးဒုးအီၤအပူၤ သုးခီမံးရှၢၣ်အသုးသံ(၅)ဂၤဒီး ဘၣ်ဒိ၀ဲတစှၤန့ၢ်(၁၀)ဂၤ၀ံၤ သိ့လၣ်လၢဟဲထီၣ်ဆှၢတၢ်ပီးတၢ်လီ(၂)ခိၣ် ဟးဂီၤကွံၥ်၀ဲအဂ့ၢ် စံး၀ဲန့ၣ်လီၤ.
တကးဒံးဘၣ် တၢ်ဒုးအပူၤ သိလ့ၣ်လၢလီၤတကျၢၢ်အဖီခိၣ် တၢ်ထံၣ်န့ၢ်၀ဲတၢ်မၤန့ၢ်စ့ၢ်ကီး ဒြိတူၢ်သံ(ကၣ်မံၣ်ကၣ်စ့ၣ်)(၂)ခိၣ်ပၣ်ဃုၥ် စုက၀ဲၤအဆံးတနီၤအဂ့ၢ် တၢ်ကစီၣ်အပူၤ ပၥ်ဖျါဃၥ်၀ဲန့ၣ်လီၤ.
