လါအီကူာ်(၆)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ပယီၤခီကီၫ်ပှၤမၤတၫ်ဖိလၢလဲၤတုၤဆူကၠီၣ်တဲၣ်တဖၣ်အဂီၫ် မ့ၫ်မတဂၤအဂ့ၫ် တၫ်ကထုးထီၣ်န့ၫ်၀ဲ လံာ်တၫ်အုၣ်ကီၤလီၤန့ၣ် သုးခီၣ်မံးရှၢၣ်အစုတီၤဖီလာ် ပှၤမၤတၫ်ဖိမီၫ်သီ၀ဲၤဒၢး ထုးထီၣ်ဘိးဘၣ်ရၤလီၤ၀ဲ ဖဲလါအီကူာ်(၅)သီအနံၤန့ၣ်လီၤ.
ကီၫ်ပယီၤဒီးကီၫ်ကၠီၣ်တဲၣ် ပှၤမၤတၫ်ဖိကိတိာ်၀ဲၤကျိၤခံခါ ပာ်ဖှိၣ်လိာ်သးဒီးကီၫ်ကၠီၣ်တဲၣ်ပူၤ ကီၫ်ပယီၤခီကီၫ် ပှၤမၤတၫ်ဖိလၢအိၣ်ဖဲကီၫ်ကၠီၣ်တဲၣ်တဖၣ် လါအီကူာ်(၄)သီအနံၤန့ၣ် တၫ်ကစးထီၣ်မၤန့ၫ်၀ဲ ဖဲစမိးစခိၣ်,စမိးပ ရးကၣ်,ဆူၣ်ရးထၣ်နံၣ်ဒီးကံၫ်မဲတၫ်လီၫ်တဖၣ်အဂ့ၫ် တၫ်သ့ၣ်ညါဘၣ်လီၤ.
CIအသးသမူကလၢာ်အဂီၫ် ပှၤလၢအိၣ်တ့ၫ်(၆)လါတဖၣ်,သးသမူလၢာ်တဖၣ် တၫ်ဆီတလဲန့ၫ်၀ဲအသီတဖၣ်, ဒ်သိးကီၫ်ကၠီၣ်တဲာ်လံာ်ခိၣ်ဂီၤ(TR-38)တၫ်မၤအကျိၤအကျဲအသိး ထုးထီၣ်န့ၫ်၀ဲ CIလံာ်အသီတဖၣ်,လံာ်ခိၣ်ဂီၤ, ဖးဖီမုၫ်စရီဒီးပှၤလၢအိၣ်ဒီးCIလံာ်တဖၣ် တၫ်သမံသမိးတၫ်ဂ့ၫ်တၫ်ကျိၤ၀ံၤအလီၫ်ခံ ကထုးထီၣ်န့ၫ်၀ဲ လံာ်ခီကီၫ် (Passport for Thailand Only)ဒီး Overseas Worker Identification Card – OWICတဖၣ်အဂ့ၫ် တၫ်သ့ၣ်ညါဘၣ်လီၤ.
လၢတၫ်မၤထွဲ CI တၫ်ဖံးတၫ်မၤအပူၤ ကိးမုၫ်နံၤဖဲမုၫ်တနံၤဒီး၀့ၫ်ဘီကီာ် ပယီၤမီၫ်သီ၀ဲၤဒၢးပာ်လီၤဃာ် မုၫ်နံၤလၢ၀ဲၤဒၢးတအိးထီၣ်အနံၤတဖၣ်န့ၣ် တၫ်ကပာ်ပနီၣ်၀ဲဒ်တၫ်အိၣ်ဘှံးတၫ်မၤအနံၤအဂ့ၫ်စ့ၫ်ကီး တၫ်သ့ၣ်ညါဘၣ် လီၤ.
ပှၤကီၫ်ပယီၤဖိ(၇)ကကွဲၫ်ဃၣ်ဃၣ် ဟဲသုးခီအိၣ်ဆူ ကၠီၣ်တဲၣ်ပူၤအဂ့ၫ် ကၠီၣ်တဲၣ်ကမျၢၫ်တၫ်ကရၢကရိစရီ တဖၣ်အဖီခိၣ် တၫ်သ့ၣ်ညါဘၣ်လီၤ.
Ref: DVB
