လါအီကူာ်(၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ဒ်တၫ်ပာ်ဖှိၣ်မၤသဃဲၤ သုးဂ့ၫ်၀ီတၫ်ဂဲၤလိတခါအသိး ရၢရှၢၣ်ဒီးတရူးထံသုးန့ၣ် မၤ၀ဲသုးတၫ်ဂဲၤလိ လၢယပၣ်ပီၣ်လဲၣ်ပူၤန့ၣ်လီၤ.
လၢခီၣ်ဆၢကဒါက့ၤ ရၢရှၢၣ်ကီၫ်ခိၣ်လီၫ်လံၤ ဒံၣ်မံၣ်ထရံၣ်မဲးဘံၣ်ဒဲးအတၫ်ကတိၤအဖီခိၣ် ဒီၣ်နၢၣ်ထရၢးတဲ၀ဲလၢ နူကလံယါဂံၫ်ဘါသဟီၣ် ကဘီထံလာ်(၂)ခိၣ် ပျၫ်လီၤ၀ဲဆူ ဟီၣ်က၀ီၤလၢကြၢး၀ဲဘၣ်၀ဲယံာ်(၂)သီအလီၫ်ခံ ရၢရှၢၣ်ဒီးတရူး ပာ်ဖှိၣ်မၤသဃဲၤ သုးတၫ်ဂဲၤလိန့ၣ်လီၤ.
လၢတၫ်ပာ်ဖှိၣ်သဃဲၤမၤ၀ဲ သုးဂ့ၫ်၀ီတၫ်ဂဲၤလိအပူၤ ရၢရှၢၣ်အကဘီလၢမၤဟးဂီၤ ကဘီထံလာ်(၁)ခိၣ်ဒီးတရူးအကဘီ ပာ်ဃုာ်(၂)ခိၣ်အဂ့ၫ်ရၢရှၢၣ်သုးတဲ၀ဲလီၤ.
‘Maritime Interaction – 2025’ လၢက၀ံၤ၀ဲဖဲတနံၤအံၤန့ၣ် သုးဂ့ၫ်၀ီတၫ်ဂဲၤလိအပူၤ ကဘီထံတၫ်လၢသူ၀ဲဒံၣ်စဲၣ်တ ဖၣ်တကးဘၣ် တရူးအကဘီလၢမၤပူၤဖျဲးတၫ်(၁)ခိၣ် ပာ်ဃုာ်၀ဲန့ၣ်လီၤ.
ရၢရှၢၣ်ဒီးတရူးထံသုးဖိတဖၣ်န့ၣ် ခးကျိဖးဒိၣ်,မၤ၀ဲကလံၤကျါတၫ်ဒီသဒၢမံးရှၢၣ်တဖၣ်တကးဘၣ် မၤ၀ဲတၫ်ဃုထံၣ် သ့ၣ်ညါဒီးတၫ်မၤပူၤဖျဲးတဖၣ်န့ၣ်လီၤ.
၂၀၂၂နံၣ်အတီၫ်ပူၤ တချူးရၢရှၢၣ်နုာ်လီၤဒုးန့ၫ်ဆူၣ်ယူၣ်ကရ့အကတီၫ် ရၢရှၢၣ်ဒီးတရူးလၢဆဲးလီၤဃာ် သိၣ်မှံၤတၫ်ပာ်ဖှိၣ် မၤသကိးတၫ်စုမုၫ်ကျၢၫ်အံၤ ထံကီၫ်ခံဘ့ၣ်အဘၢၣ်စၢၤ တၫ်တၢၣ်ပီၣ်မၤသကိးဒီးတၫ်ကဟ့ၣ်ပလီၫ်ဒုၣ်ဒါအဂီၫ် ညီနုၫ်မၤ၀ဲ သုးဂ့ၫ်၀ီတၫ်ဂဲၤလိတဖၣ်န့ၣ်လီၤ.
အမဲရကၤလၢအိၣ်ဒီးနူကလံယါတၫ်စုက၀ဲၤဒီးရၢရှၢၣ်အဘၢၣ်စၢၤ တၫ်ဒုးကဲထီၣ်ထီၣ်သ့ ရၢရှၢၣ်ကီၫ်ခီၣ်လီၫ်လံၤ မဲးဘံၣ် ဒဲးအတၫ်ကတိၤန့ၣ် လၢတၫ်ခီၣ်ဆၢကဒါက့ၤ၀ဲအဖီခိၣ် ဒီၣ်နၢၣ်ထရၢးတဲ၀ဲလၢ သါဟ့ၣ်လီၤတၫ်ကလုၫ်လၢပျၫ်လီၤက ဘီထံလာ်(၂)ခိၣ်န့ၣ်လီၤ.
ရၢရှၢၣ်ဒီးအမဲရကၤန့ၣ် လၢဟီၣ်ခိၣ်ချၢ မ့ၫ်ပှၤတဖၣ်လၢအိၣ်ဒီးနူကလံယါတဖၣ်ဒီးနူကလံယါကဘီထံလာ် တၫ်အိၣ်ရၤလီၤအသးဒီးအိၣ်တၫ်လီၫ်ဖဲလဲၣ်န့ၣ် တၫ်သ့ၣ်ညါဘၣ်ကီဒိၣ်မးန့ၣ်လီၤ.
Ref: AT
