လါအီကူၥ်(၁)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
တၢ်ပၢၢ်ဆၢသုးပၥ်ဖှိၣ်တဖၣ်ဒီး သုးကီၣ်ကးအသုးအဘၢၣ်စၢၤ တၢ်ဒုးဆူၣ်ဖဲ အ့ၣ်ယၣ်၀တံၣ်ကီၢ်ခီ, လ့မၠဲးနၣ်ကီၢ်ဆၣ်, စဲးစဲးယိၣ်သ၀ီအကပၤအဂ့ၢ် တၢ်သ့ၣ်ညါဘၣ်န့ၣ်လီၤ.
သုးကီၣ်ကးအသုးအံၤ ဟဲနုၥ်လီၤသုးကျိၤဖဲ လ့မၠဲးနၣ်ကီၢ်ဆၣ်, စဲးစဲးယိၣ်သ၀ီအကပၤအဃိ ဖဲလါယူၤလံ(၃၀)သီအနံၤန့ၣ် ရၢၢ်ခၢၣ်သုးမုၢ်ဒိၣ်(AA) ဒီးတၢ်ပၢၢ်ဆၢသုးပၥ်ဖှိၣ်တဖၣ် နုၥ်လီၤဒုးအီၤအဃိ တၢ်ဒုးဆူၣ်၀ဲ၀ံၤ သုးကီၣ်ကးတပၤ ဟဲခးစၢၤ၀ဲဒၣ်လၢ ကလံၤကျါအဂ့ၢ်တၢ်သ့ၣ်ညါဘၣ်န့ၣ်လီၤ.
ဖဲလါယူၤလံ(၃၀)သီအနံၤန့ၣ် ရၢၢ်ခၢၣ်သုးမုၢ်ဒိၣ်(AA)ဒီးတၢ်ပၢၢ်ဆၢသုးပၥ်ဖှိၣ်တဖၣ် နုၥ်လီၤဒုး၀ဲအဃိ တၢ်ဒုးဆူၣ်၀ဲ၀ံၤ သုးကီၣ်ကးတပၤ ဟဲခးစၢၤ၀ဲဒၣ်လၢ ကလံၤကျါအဂ့ၢ် တၢ်သ့ၣ်ညါဘၣ်န့ၣ်လီၤ.
“ဟဲတ့ၢ်လီၤ၀ဲမ့ၣ်ပိၢ်အါလၢ စဲးစဲးယိၣ်, စီပၠၣ်ဒီး ကၠါကဲးကၠ့တကပၤန့ၣ်လီၤ. မ့ၢ်တဟဲတ့ၢ်လီၤ၀ဲ မ့ၣ်ပိၢ်ဒၣ်လဲၥ် ဟဲကွၢ်ဟုၣ်ကွၢ်စုၥ်တၢ်ကိးမုၢ်နံၤလီၤ”အဂ့ၢ် လ့မၠဲးနၣ်လီၢ်က၀ီၤဖိတဂၤ စံး၀ဲန့ၣ်လီၤ.
တကးဘၣ် သုးကီၣ်ကးအသုးအံၤ ဟဲနုၥ်လီၤသုးကျိၤ ဆူ ပါတီကၠံဒီးဆံၣ်ဆိၣ်ကိသ၀ီတပၤ၀ံၤ ခးလီၤ၀ဲစ့ၢ်ကီး ကျိဖးဒိၣ်တဖၣ်န့ၣ်လီၤ.
သုးကီၣ်ကးအသုးအံၤ ဖဲအပူၤကွံၥ် လါယူၤလံ(၂၇)သီအနံၤစ့ၢ်ကီး ဟဲတ့ၢ်လီၤ၀ဲမ့ၣ်ပိၢ်ဆူ လ့မၠဲးနၣ်ဒီးအ့ၣ်ကပူၣ်ကီၢ်ဆၣ်အဆၢအိၣ် ဒူသ၀ီတဖၣ်အပလီၤၤအဃိ လီၢ်က၀ီၤဖိတဖၣ် သုတလ့ၤလိၤဟးထီၣ်အဂီၢ် ဘၣ်တၢ်ဟ့ၣ်ပလီၢ်အီၤန့ၣ်လီၤ.
သုးကီၣ်ကးအသုး အတၢ်ဟ့ၣ်တၢ်ပျဲမ့ၢ်ပၣ်မး တၢ်ပျဲတီဆှၢ၀ဲ ဂံၢ်ခီၣ်ထံးတၢ်အီၣ်တၢ်အီဒီးစဲးဖီကဟၣ်သူသိတဖၣ်၀ံၤ တၢ်အီၣ်တၢ်အီတၢ်ဖိတၢ်လံၤတဖၣ်န့ၣ် တၢ်ပျဲပှ့ၤထဲဒၣ်(၅)သီအဂီၢ်လီၤအဂ့ၢ် တၢ်သ့ၣ်ညါဘၣ်လၢ လီၢ်က၀ီၤဖိတဖၣ်အအိၣ်န့ၣ်လီၤ.
Ref: Ayeyarwaddy Times
