လါယူၤလံ(၃၁)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ကီၢ်ရှၢးရှါ, ကၣ်ခၠဲးကၣ်ကီးအကပၤ အဂံၢ်ဆူၣ်(၈.၇) မကနံၣ်ကၠူး(magnitude)ဟီၣ်ခိၣ်ဟူး၀းတ့ၢ်၀ဲအဃိ ကီၢ်ယပၣ် ပီၢ်လဲၣ်နံၤဒီတကျိၤ ထုးထီၣ်ပၥ်ဖျါ ဆူၣ်နၣ်မံၣ်တၢ်ဟ့ၣ်ပလီၢ်အဂ့ၢ် ကီၢ်ပယီၤမီၢ်သီ၀ဲၤဒၢးလၢ အိၣ်ဖဲ၀့ၢ်တိၣ်ကၠိၣ်, ကီၢ်ယပၣ် ဟ့ၣ်ပလီၢ်ဃၥ်၀ဲ ပှၤကီၢ်ပယီၤဖိလၢ ဟဲအိၣ်ဖဲကီၢ်ယပၣ်တဖၣ်အဂီၢ်န့ၣ်လီၤ.
ဟီၣ်ခိၣ်ဟူး၀းတ့ၢ်၀ဲဖဲ လါယူၤလံ(၃၀)သီအနံၤ, ဂီၤ(၈း၂၅)မံးနံးအဆၢကတီၢ်၀ံၤ တၢ်ထုးထီၣ်ပၥ်ဖျါဟ့ၣ်ပလီၢ်ဃၥ်၀ဲ ဆူၣ်နၣ်မံၣ်တၢ်ဟ့ၣ်ပလီၢ်တဖၣ် ဖဲ ကီၢ်ယပၣ်,ဟိၣ်ကဲဒိကီၢ်စဲၣ်တုၤ၀ၣ်ကၣ်ယၣ်မးကီၢ်စဲၣ်အဂ့ၢ် ယပၣ်မူခိၣ်ကလံၤသီၣ်ဂီၤတၢ်နဲၣ်လီၤ၀ဲၤကျိၤ စံး၀ဲန့ၣ်လီၤ.
လၢတၢ်န့ၣ်အဃိ ပှၤကီၢ်ပယီၤဖိလၢအိၣ်ဖဲလီၢ်က၀ီၤအပူၤအံၤတဖၣ် ကဒိကနၣ်၀ဲတၢ်ဟ့ၣ်ပလီၢ်တဖၣ်အဂီၢ်, ကလဲၤသုးကစီၤအိၣ်အသးဆူတၢ်လီၢ်ထီၣ်ထီဟီၣ်က၀ီၤတဖၣ်ဒီးတချူးလၢတၢ်တပတုၥ်ကွံၥ်တၢ်ဟ့ၣ်ပလီၢ်တဖၣ်ဒံးဘၣ်အဆၢကတီၢ် တၢ်သုတလဲၤဟးဆူ ပီၢ်လဲၢ်နံၤဟီၣ်က၀ီၤတဖၣ်အဂီၢ် ကီၢ်ပယီၤမီၢ်သီ၀ဲၤဒၢး ဟ့ၣ်ပလီၢ်ဃၥ်၀ဲန့ၣ်လီၤ.
Ref: Ayeyarwaddy Times
