လါယူၤလံ(၂၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
အ့ၣ်ယၣ်၀တံၣ်ကီၫ်ခီ,ကီၫ်ဆၣ်တနီၤအပူၤ ထံဒိၣ်ဒီးစံာ်ပျီလၢအကလး ထံလုၫ်ဘၢကွံာ်၀ဲအဂ့ၫ် တၫ်သ့ၣ်ညါဘၣ်လၢ လီၫ်က၀ီၤပှၤထူစံာ်ဖိတဖၣ်အိၣ်န့ၣ်လီၤ.
မူခိၣ်စူၤ၀ဲတပယူာ်ဃီဒီး ထံဒိၣ်အဃိ သၣ်ပီ,ဟ့သဒး,ကၠၣ်ခ့,ဒ့ဒယဲ,ငပူးတီဟီၣ်က၀ီၤတဖၣ်အပူၤ ဖဲလါယူၤလံ(၂)နွံ တနွံအပူၤန့ၣ် စံၣ်ပျီတဖၣ် ထံလုၫ်ဘၢကွံာ်၀ဲန့ၣ်လီၤ.
သၣ်ပီပှၤလီၫ်က၀ီၤဖိတဂၤတဲ၀ဲလၢ”စံာ်ပျီတဖၣ် ထံလုၫ်ဘၢကွံာ်၀ဲလၢတနွံအတီၫ်ပူၤလံန့ၣ်လီၤ. ကအုၣ်ဟးဂီၤကွံာ်ခဲ လၢာ်လီၤ.မ့ၫ်လီၤဘျၢ(၁)သီ,(၂)သီဒု ကိညၣ်ဒံး.ဘၣ်အိၣ်ခိးကွၫ်လၢထံက့ၤလီၤကဒါလီၤ.တနွံမ့ၫ်ဘျဲၣ်ဒု တမ့ၫ်ကန့ၫ်က့ၤ တၫ်နီတမံၤဘၣ်န့ၣ်လီၤတံၫ်လံအဂ့ၫ်”တဲ၀ဲလီၤ.
ထံဒိၣ်အဃိ စံာ်ပျီတဖၣ် ထံလုၫ်ဘၢဘၣ်ဆၣ် ဟီၣ်ခိၣ်လိၤတၫ်အိၣ်သးတဖၣ် တုၤလၢလါယူၤလံ(၂၇)သီအနံၤ သုးကီၣ် ကးအ၀ဲၤကျိၤလၢဘၣ်ထွဲတဖၣ် သမံသမိး ဟံးန့ၫ်တၫ်မၤနီၣ်တအိၣ်ဒံးဘၣ်အဂ့ၫ် တဲ၀ဲလီၤ.
ဒ့ဒယဲကီၫ်ဆၣ် ပှၤထူစံာ်ဖိတဂၤတဲ၀ဲလၢ”ထံဟဲထီၣ်အက့ၫ်အဂီၤအခဲအံၤန့ၣ် လီၤဂာ်လၢ ဟဲထီၣ်ဒိၣ်န့ၫ်ဒံးအပူၤကွံာ်နံၣ် န့ၣ်လီၤ.ဘုလၢတၫ်သူၣ်လီၤအီၤအိၣ်ဒံးဒၣ်(၁)နွံဃၣ်ဃၣ်တဖၣ် လီၤဘျၢကွံာ်လီၤ.အပူၤကွံာ်နံၣ်စ့ၫ်ကီး ထံဒိၣ်ဒီးဘုလီၤ ဘျၢအဃိ တဒိးန့ၫ်က့ၤတၫ်နီတမံၤဘၣ်ဒီးထံၣ်ဘၣ်တၫ်ကီတၫ်ခဲအဂ့ၫ်န့ၣ်လီၤ.
ကၠၣ်ခ့,သၣ်ပီဒီးဟ့သဒးကီၫ်ဆၣ်တဖၣ်အပူၤ တူၫ်ဘၣ်ထံလုၫ်ဘၢစံာ်ပျီတဖၣ်နးမးအဂ့ၫ် တၫ်သ့ၣ်ညါဘၣ်လၢ လီၫ်က၀ီၤပှၤ ထူစံာ်ဖိတဖၣ်အိၣ်န့ၣ်လီၤ.
အ့ၣ်ယၣ်၀တံၣ်ကီၫ်ခီပူၤ အပူၤကွံာ် ၂၀၂၄နံၣ်,လါယူၤလံအပူၤစ့ၫ်ကီး ထံဒိၣ်နိယွၤအဃိ ဖိသၣ်(၁)ဂၤဘၣ်သံဒီးစံာ်ပျီ ပာ်ဃုာ် တၫ်သူၣ်တၫ်ဖျးအလီၫ် အ့ကၢၫ်(၁)ကလီၫ်ဘျဲၣ် ထံလုၫ်ဘၢဟးဂီၤကွံာ်၀ံၤ ပှၤလၢအကလီၫ် တူၫ်ဘၣ်ထံတၫ်မၤ ဘၣ်ဒိဘၣ်ထံးတဖၣ်အဂ့ၫ် ပှၤလၢဘၣ်ထွဲတဖၣ် ဘိးဘၣ်ရၤလီၤစရီတဖၣ်အဖိခိၣ် တၫ်သ့ၣ်ညါဘၣ်လီၤ.
Ref: DVB
