လါယူၤလံ(၁၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တၫ်ဒုးဆူၣ်ထီၣ်၀ဲလၢကညီကီၫ်စဲၣ်,ကြူၫ်တု-ကီးတရံးကျဲတကပၤန့ၣ်လီၤ.၀့ၫ်ကြူၫ်တု ခီၣ်ချ့သုးရ့ၣ် ခမရ(၅၄၅), (၅၄၆)သုးရ့ၣ်န့ၣ် ပာ်ဖှိၣ်ထီၣ်အသးဒီး ဘိၣ်ဘံးလၢထုးဖးအသးလၢ(DKBA)၀ံၤ ဟဲထီၣ်သုးကျိၤအဂ့ၫ် PDFသုးကျိၤခိၣ် တဂၤတဲ၀ဲလီၤ.
သုးကီၣ်ကးန့ၣ် ဟဲထီၣ်သုးကျိၤလၢ၀့ၫ်ကြူၫ်တု ဆူ ၀့ၫ်ကီးတရံးန့ၣ်လီၤ.အခဲအံၤတၫ်သ့ၣ်ညါဘၣ်လၢကြူၫ်တု-ကီးတ ရံးကျဲမုၫ်ကပၤ အိတပ့ၣ်ဒီးအ့ကၠံသ၀ီတဖၣ်အပူၤ တၫ်ဒုးကဲထီၣ်၀ဲန့ၣ်လီၤ.
တၫ်ကန့ၫ်ပၢကဒါက့ၤ၀ဲ ကြူၫ်တု-ကီးတရံးကျဲအဂီၫ် သုးကီၣ်ကးအသုးပာ်ဖှိၣ်လၢဟဲထီၣ်သုးကျိၤတဖၣ်ဒီးKNU သုးပာ်ဖှိၣ်တဖၣ်အဘၢၣ်စၢၤ တၫ်ဒုးကဲထီၣ်ဒီးကိးမုၫ်နံၤဒဲးဃၣ်ဃၣ် ကလံၤကျါတၫ်ဟဲဒုးခးလီၤတၫ်အိၣ်၀ဲန့ၣ်လီၤ.
သုးကီၣ်ကးန့ၣ် ဆှၢ၀ဲသုးဖိဂံၫ်ဘါအါအါဂီၫ်ဂီၫ်ဆူ ၀့ၫ်ကီးတရံးအနုာ်လီၤ နီၫ်ဂံၫ်(၁၂)ဒုးယၤဂ့ၫ်၀ီ၀ဲၤလီၫ်ခိၣ်သ့ၣ်(စကခ ၁၂)ဒီး၀့ၫ်ပူၤ နီၫ်ဂံၫ်(၉၇)ခီၣ်ချ့သုးရ့ၣ်တဖၣ်အပူၤန့ၣ်လီၤ.လၢအကျါ စကခ ၁၂ အဂံၫ်အဘါန့ၣ် ကထုးထီၣ်သူ၀ဲလၢ ကီးတရံး-ကြူၫ်တုကျဲတၫ်ဒုးအဂီၫ် ဆှၢဃီၤ၀ဲသုးဖိတဖၣ်န့ၣ်လီၤ.
အပူၤကွံာ်စှၤသီန့ၣ် ဟဲထီၣ်သုးကျိၤအဃိ တၫ်ပၢၫ်ဆၢသုးပာ်ဖှိၣ်တဖၣ် ဒုးအီၤအကတီၫ် သုးကီၣ်ကးအသုးကျိၤ ဘၣ်ဒိ ဆါအဂ့ၫ် ကညီသုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဲ၀ဲလီၤ.
ဟဲထီၣ်လၢသုးဖိတဖၣ်တဖျိဘၣ်အဃိ သုးကီၣ်ကးအကလံၤသုးန့ၣ် ဟဲတ့ၫ်လီၤမ့ၣ်ပိၫ်ဖဲကြူၫ်တု-ကီးတရံးကျဲ ဒူသ၀ီ တဖၣ်အပူၤအဂ့ၫ် ပှၤလီၫ်က၀ီၤဖိတဖၣ်တဲ၀ဲလီၤ.
တုၤလါယူၤလံ(၁၆)သီနံၤ တၫ်ဒုးကဲထီၣ်ဒံး၀ဲအဂ့ၫ် ကီးတရံးဟီၣ်က၀ီၤ PDFသုးကျိၤခိၣ်တဲ၀ဲလီၤ.လါယူၤလံ(၁၅)သီ အနံၤစ့ၫ်ကီး တၫ်ဒုး၀ဲသုးကီၣ်ကးအသုးကျိၤဒီးအ၀ဲသ့ၣ်ဘၣ်ဒိဘၣ်ထံး၀ဲအဂ့ၫ် ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
ဘၣ်ထွဲဒီးဟီၣ်က၀ီၤတၫ်အိၣ်သးန့ၣ် ကီးတရံးဟီၣ်က၀ီၤ PDF သုးကျိၤခိၣ်တဂၤတဲ၀ဲလၢ”အ၀ဲသ့ၣ် ဟဲထီၣ်ဃီၤတလီၫ် လီၫ်ဒီး ဘၣ်ဂုၤက့ၤအခံတလီၫ်လီၫ်လီၤ.လၢတဟါနံၤ တၫ်ဒုးဆူၣ်၀ဲလီၤ.ဘိၣ်ဘံးအပှၤန့ၣ် ဒုးဃုာ်တၫ်ဒီးသုးကီၣ်ကးအ သုးလီၤ.လၢတဟါနံၤ တၫ်ဒုးအပူၤ ပှၤဘၣ်ဒိဘၣ်ထံးအကျါအပှၤပာ်ဃုာ်၀ဲန့ၣ်နၫ်ဟူဘၣ်အဂ့ၫ်”တဲ၀ဲလီၤ.
သုးကီၣ်ကးအသုးန့ၣ် ဆီၣ်ထွဲမၤစၢၤ ဘိၣ်ဘံးတီခိၣ်ရိၣ်မဲအပၤတဖၣ် တၫ်စုက၀ဲၤ၀ံၤ ဘိၣ်ဘံးစ့ၫ်ကီး ကြူၫ်တု-ကီးတ ရံးကျဲ ဒုးယၤဂ့ၫ်၀ီအဂီၫ် ဟ့ၣ်ဒုးသူ၀ဲ အပှၤသုးဖိ ၁၀၀ဂၤန့ၣ်လီၤ.
အပူၤကွံာ် လါယူၤ(၁၉)သီအနံၤစ့ၫ်ကီး သုးကီၣ်ကးအသုးကျိၤလၢအိၣ်ဟးထီၣ်ဖဲ၀့ၫ်ကြူၫ်တုတဖၣ် တၫ်ဒုး၀ဲအကတီၫ် သုးကီၣ်ကးအသုးဖိ သံ(၄၀)ဂၤဒီးတၫ်မၤန့ၫ်စ့ၫ်ကီးတၫ်စုက၀ဲၤတဖၣ်ဒံးန့ၣ်လီၤ.
ref: PS
