လါယူၤလံ(၁၁)သီ,၂၀၂၅ နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်ကဝီၤ, ဒူသထူၣ်ကီၢ်ရ့ၣ်အပူၤ သုးမီၤစိရိၤ ကဘီယူၤဒုးသုး ဟဲခးတ့ၢ်လီၤ ပီၢ်(၅၀၀) မ့ၢ်ပိၢ်(၂)ဖျၢၣ်အဃိ လီၤတဲၥ်ပိၢ်ဖးဘၣ်ဝဲ ဃီဖိပျဲၢ်သဝီတၢ်သိၣ်လိကၠိအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲတၢ်ကစီၣ်န့ၣ်လီၤ.
ခီဖျိမ့ၢ်ပိၢ်လီၤတဲၥ်ပိၢ်ဖးအဃိ ဃီဖိပျဲၢ်သဝီ တၢ်သူၣ်ထီၣ်အသီ(၂)ဖျၢၣ်ဒီးကမျၢၢ်ဖိအဟံၣ်(၂)ဖျၢၣ် လီၤပှီၢ်ဟးဂီၤကွံၥ် လၢအပၥ်ဃုၥ်ဒီး ဆီ(၃)ဘ့ၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
သုးမီၤစိရိၤအံၤ ဖဲ ၂၀၂၄ နံၣ်, လါမးရှး(၂၃)သီအနံၤစ့ၢ်ကီး ဟဲတ့ၢ်လီၤမ့ၢ်ပိၢ် ပီၢ်(၅၀၀) လၢဃီဖိပျဲၢ်သဝီအပူၤ အိၣ်ဝဲစ့ၢ်ကီးန့ၣ်လီၤ.လၢန့ၣ်အမဲၥ်ညါ ဖဲ ၂၀၂၅ နံၣ်, လါအ့ဖြ့ၣ်(၁၉)သီအနံၤ ဟဲတ့ၢ်လီၤကဒီးမ့ၢ်ပိၢ် ပီၢ်(၅၀၀) ခီဖျိကဘီယူၤဒုးသုး အိၣ်ကဒီးဝဲစ့ၢ်ကီးန့ၣ်လီၤ.
တကးဒံးဘၣ် ဖဲ ၂၀၂၅ နံၣ်အပူၤ သုမီၤစိရိၤ ကဘီယူၤဒုးသုးဟဲတ့ၢ်လီၤကဒီးပီၢ်(၅၀၀) မ့ၢ်ပိၢ်မ့ၢ်ဂ့ၤ ဒြိမ့ၢ်ဂ့ၤ လၢထံဆံၣ်ဘီ(တဂ့ၤလီ)သဝီ တၢ်သိၣ်လိကၠိ, သီခါဖၠၣ်တဖၣ်ဒီး ကမျၢၢ်ဖိအိၣ်ဆိးလီၢ်ကျဲ(ကမျၢၢ်ဖိဟံၣ်) အိၣ်ဝဲအဘျီတဖၣ်အဘျီ လၢဒူသထူၣ်ကီၢ်ရ့ၣ်အပူၤ အိၣ်ဝဲအဂ့ၢ်တၢ်သ့ၣ်ညါဘၣ်န့ၣ်လီၤ.
