လါယူၤလံ(၄)သီ,၂၀၂၅နံၣ်
သုးကီၣ်ကးအအီၣ်စ့ၣ်ယးဒုးယၤသုးဖိ လၢဟဲပာ်လီၤတၫ်စုက၀ဲၤတဖၣ် ကဒုးကဒါက့ၤ သုးကီၣ်ကးအဂီၫ် ကမျၢၫ်တၫ်ဒီသဒၢသုး ခ့ဘှ့သူသုးကျိၤ ဟ့ၣ်သုးတၫ်မၤလိအဂ့ၫ် တၫ်သ့ၣ်ညါဘၣ်လီၤ.
ခ့ဘှ့သူသုးကျိၤတီခိၣ်ရိၣ်မဲ၀ဲ၀ံၤ သုးဖိလၢဟဲပာ်လီၤတၫ်စုက၀ဲၤပာ်ဃုာ် ကီၫ်ခီလီၤဆီဒုးယၤနီၫ်ဂံၫ်(၃၂)အီၣ်စ့ၣ်ယး သုးတၫ်မၤလိပျၫ်တၫ်ရဲၣ်တၫ်ကျဲၤန့ၣ် တၫ်မၤ၀ဲဖဲဟီၣ်က၀ီၤပူၤဖျဲးအလီၫ်တတီၤန့ၣ်လီၤ.
တၫ်မၤလိပျၫ်အမူးန့ၣ် KNUပှၤတဲတၫ်ပၢ ပဒိၣ်စီၤတီနံ,အူကၠီၣ်သဲးလ့ဒီးကမျၢၫ်တၫ်ဒီသဒၢသုးဒုးယၤ(၃၂) ပှၤဘၣ်မူ ဘၣ်ဒါတဖၣ် ဟဲထီၣ်ဃုာ်၀ဲအဂ့ၫ် တၫ်သ့ၣ်ညါဘၣ်လီၤ.
သုးကီၣ်ကးန့ၣ် ဒ်သိးကထီၣ်ဒုးမၤန့ၫ်ကဒါက့ၤ အ့ရှၢၣ်ကျဲမုၫ်ဒိၣ်လၢ ဆဲးကျိးဃာ်၀့ၫ်ရၤမတံဒီး၀့ၫ်ကီးတရံးအံၤအဂီၫ် ဟ့ၣ်ထီၣ်၀ဲဒုးယၤတၫ်ရဲၣ်တၫ်ကျဲၤ လၢအီၣ်စ့ၣ်ယးအမံၤ၀ံၤ ဟဲထီၣ်ဒုးဃီၤတၫ်ယံာ်(၁)နံၣ်အသိး,အသုးဖိတဖၣ်ဟဲပာ် လီၤတၫ်စုက၀ဲၤလၢ ကညီဒီကလုာ်တၫ်ထူၣ်ဖျဲးသုးမုၫ်ဒိၣ် KNLAဒီးကမျၢၫ်တၫ်ဒီသဒၢသုးတဖၣ်အိၣ်န့ၣ်လီၤ.
တၫ်န့ၣ်အဃိ အီၣ်စ့ၣ်ယးဒုးယၤသုးဖိလၢဟဲပာ်လီၤတၫ်စုက၀ဲၤတဖၣ် ကက့ၤဒုးဆၢကဒါက့ၤ အီၣ်စ့ၣ်ယးသုးကျိၤ အဂီၫ် ဟဲပာ်ဖှိၣ်မၤသကိးတၫ်လၢတၫ်ပၢၫ်သုးဖိတဖၣ်အဂ့ၫ် ခ့ဘှ့သူသုးကျိၤတဲ၀ဲန့ၣ်လီၤ.
