လါယူၤ(၂၆)သီ,၂၀၂၅နံၣ်
ညါဖီန့ၣ်တၫ်ကသူဘၣ်ဒၣ်လၢကသံၣ်ကသီတၫ်ဂ့ၫ်တဖၣ်အဂီၫ်ဒီးဆူၣ်ချ့ကသံၣ်သရၣ်,ပှၤဘၣ်မူဘၣ်ဒါအတၫ်ဟ့ၣ်တၫ်ပျဲမ့တအိၣ်ဘၣ်န့ၣ် တၫ်ပှ့ၤတၫ်ဆါ,တၫ်ပာ်ကီၤ,သူ၀ဲတဖၣ် တၫ်မၤဃံးထီၣ်တၫ်သိၣ်တၫ်သီတၫ်ဘျၢတဖၣ်န့ၣ် ကၠီၣ်တဲၣ်ဆူၣ်ချ့ကိတိာ် Somsak Thepsutinန့ၣ် ဖဲလါယူၤ(၂၄)သီအနံၤ ဆဲးလီၤမံၤစဲပနီၣ်ဘိးဘၣ်ရၤလီၤ၀ဲလီၤ.
ထံဖိကီၫ်ဖိကမျၢၫ်တဖၣ် မ့ၫ်အဲၣ်ဒိးပှ့ၤညါဖီန့ၣ် ကဘၣ်တီၣ်ဖျါထီၣ် ကသံၣ်သရၣ်အကသံၣ်လံာ်ဒီး ကသံၣ်ဂ့ၫ်၀ီ တၫ် အုၣ်ကီၤတၫ်အိၣ်သးလီၤတံၫ်လီၤဆဲးအဂ့ၫ် Mr Somsakတဲ၀ဲလီၤ.တၫ်မၤဃံးထီၣ်တၫ်အံၤန့ၣ် Royal Gazette ထုးထီၣ်ဘိးဘၣ်ရၤလီၤ၀ဲလၢဖိးသဲစးအပူၤ၀ံၤ လၢခံတသီန့ၣ် အသးသမူကစးထီၣ်မူ၀ဲအဂ့ၫ် တဲ၀ဲလီၤ.
ကီၫ်ကၠီၣ်တဲၣ် ပှၤထူလံၤဖိကသံၣ်ဒီးကသံၣ်တၫ်သ့တၫ်ဘၣ်၀ဲၤကျိၤ မၣ်န့ၣ်ကၠၣ် somlerk Jeungsmarnတခီ ပှၤပှ့ၤဆါ ညါဖီတဖၣ်တကပၤ ပဒိၣ်ဘၣ်မူဘၣ်ဒါဒီးပှၤဘၣ်မူဘၣ်ဒါတဖၣ် တၫ်ဘျၢအဖီခိၣ် တချူးဒုးအိၣ်ထီၣ်၀ဲအမိၫ်လံၤမိၫ်ပှၫ်ဒံးဘၣ်အကတီၫ် တၫ်ရဲၣ်တၫ်ကျဲၤလၢလိၣ်တဖၣ် ကြၢးအိၣ်ကတီၤဆိသးအဂ့ၫ် တဲဃာ်၀ဲလီၤ.
ပှၤလၢညါဖီအိၣ်လၢအစုပူၤဒီးပှၤလၢပှ့ၤဆါ၀ဲတဖၣ်တကပၤစ့ၫ်ကီး ကဘၣ်တီၣ်ဖျါထီၣ်တၫ်ဂ့ၫ်တၫ်ကျိၤလီၤတံၫ်လီၤ ဆဲး၀ံၤတၫ်သူ၀ဲ,ဆါ၀ဲဒီးတၫ်ပာ်ကီၤအနီၫ်ဂံၫ်နီၫ်ဒွးထဲလဲၣ်စ့ၫ်ကီး တၫ်ကဘၣ်တီၣ်ဖျါထီၣ်ဆူ ဆူၣ်ချ့ဘၣ်မူဘၣ်ဒါလၢ ဘၣ်ထွဲတဖၣ်အိၣ်အဂ့ၫ် တဲ၀ဲလီၤ.
ဆူၣ်ချ့ကိတိာ်၀ဲၤကျိၤ ဆဲးလီၤစုမုၫ်ကျၢၫ်ထုးထီၣ်ဘိးဘၣ်ရၤလီၤ တၫ်ဘျၢသီအပူၤ ပှၤပှ့ၤဆါညါဖီတဖၣ်တကပၤဘၣ် ထွဲဆူၣ်ချ့ ကသံၣ်သရၣ်,ကသံၣ်ကသီဘၣ်မူဘၣ်ဒါ,ကၠီၣ်တဲၣ်,တရူး ပှၤထူလံၤဖိကသံၣ်ကသီဒီး ဘၣ်ထွဲ မဲကသံၣ် သရၣ်တဖၣ် အကသံၣ်လံာ်တၫ်ပျဲမ့ၫ်ပာ်ဃုာ်မးဒီးတၫ်ပှ့ၤဆါ၀ဲန့ၫ်လီၤ.
ဘၣ်ထွဲဒီးတၫ်ရၤလီၤဆါညါဖီန့ၣ် ပှၤတ၀ၢပှာ်ဘျးစဲပာ်ဃုာ် လၢအိၣ်လဲတဆီတၫ်ရၤလီၤ၀ဲစ့ၫ်ကီး လၢဆူၣ်ချ့ဂ့ၫ်၀ီ တၫ်ဘျၢအသီပူၤန့ၣ် တၫ်တြီဃာ်၀ဲလီၤ.ဒ်န့ၣ်အသိး ကသံၣ်ကသီပှၤဘၣ်မူဘၣ်ဒါတဖၣ် ဟ့ၣ်တၫ်ပျဲမ့ၫ်တအိၣ်ဘၣ်န့ၣ် တၫ်တြီဃာ်တၫ်အီညါဖီလၢ ညါပီကျးပူၤန့ၣ်လီၤ.
Ref: Bangkok Post
