လါယူၤ(၂၆)သီ, ၂၀၂၅နံၣ်
၂၀၂၅နံၣ်, လါယူၤ(၂၅)သီအနံၤ, ဂီၤ(၁၁)နၣ်ရံၣ်ဃၣ်ဃၣ်အဆၢကတီၢ် သုးကီၣ်ကးအကလံၤသုး လဲၤတ့ၢ်လီၤမ့ၣ်ပိၢ် ဖဲကီၢ်ကရ့ၣ်နံၣ်, ဖၣ်ဆီကီၢ်ဆၣ်, မိၤခံလီၢ်က၀ီၤ စၢၢ်ပူၤထးပူၤတၢ်မၤလီၢ်လၢပှၤမၤတၢ်ဖိအိၣ်အါအါဂီၢ်ဂီၢ်အပူၤအဃိ ပှၤသံဒီးတၢ်ဘၣ်ဒိဘၣ်ထံးတဖၣ်အိၣ်ထီၣ်အါသ့အဂ့ၢ်လီၢ်က၀ီၤဖိတဖၣ်ဒီးပှၤလၢမၤစၢၤပှၤလီၢ်အိၣ်ကမှံဖိတဖၣ်စံး၀ဲန့ၣ်လီၤ.
သုးကီၣ်ကးအသုး လဲၤတ့ၢ်လီၤမ့ၣ်ပိၢ်ဖဲ စၢၢ်ပူၤထးပူၤတၢ်မၤလီၢ်တဖၣ်အိၣ်မိၤခံကစၢၢ်ခိၣ်သ၀ီတဖၣ်အပူၤ၀ံၤ ကတီၢ်ခဲအံၤတခီ ပှၤကညီတၢ်ဘၣ်ဒိဘၣ်ထံးတၢ်အိၣ်သးတဖၣ် တၢ်တသ့ၣ်ညါဘၣ်လီၤတံၢ်ဒံးဘၣ်အဂ့ၢ် ပှၤလၢမၤစၢၤကရ့ၣ်နံၣ်ပှၤလီၢ်အိၣ်ကမှံဖိတဂၤ စံး၀ဲန့ၣ်လီၤ.
“အလီၤတဲၥ်လၢ စၢၢ်ပူၤထးပူၤတၢ်မၤလီၢ်အဖီခိၣ်လိၤလိၤလီၤ. စၢၢ်ပူၤထးပူၤပှၤမၤတၢ်ဖိအါအါဂီၢ်ဂီၢ် အိၣ်ကတၥ်အသးလီၤ. တၢ်မၤ၀ဲတၢ်မၤပူၤဖျဲးတၢ်ဖံးတၢ်မၤတဖၣ်အဖၢမုၢ်ဒံးအဃိ ပှၤသံထဲလဲၣ်တခီ တဲတန့ၢ်ဒံးဘၣ်. ၀ံၤအလီၢ်ခံ အီးစံၣ်ကၠ့ၣ်တလၢတလီၣ်တဖၣ်စ့ၢ်ကီးအိၣ်ထီၣ်၀ဲအဂ့ၢ်” စံး၀ဲန့ၣ်လီၤ.
မိၤခံကစၢၢ်ခိၣ်သ၀ီ စၢၢ်ပူၤထးပူၤတၢ်ဖံးတၢ်မၤအလီၢ်တဖၣ်လၢ သုးကီၣ်ကးအသုးလဲၤတ့ၢ်လီၤမ့ၣ်ပိၢ်တဖၣ်အံၤ မ့ၢ်ပှၤမၤတၢ်ဖိအါအါဂီၢ်ဂီၢ် ဖံးမၤတၢ်ဖဲတၢ်လီၢ်တဖၣ်အံၤအဂ့ၢ် လီၢ်က၀ီၤဖိတဖၣ်စံး၀ဲန့ၣ်လီၤ.
ref: the irrawaddy
