လါယူၤ(၁၇)သီ,၂၀၂၅နံၣ်
သုးကီၣ်ကးန့ၣ် တအါဒီကလုာ်တၫ်ထူၣ်ဖျဲးသုးမုၫ်ဒိၣ်(TNLA)ထီၣ်ဒုးမၤန့ၫ်ဃာ် ၀့ၫ်နီၣ်ခၠိၣ်အံၤ ကက့ၤမၤန့ၫ်ကဒါက့ၤ၀ဲအဂီၫ် ဟဲထီၣ်ဒုး၀ဲလၢဂံၫ်ဘါအါအါဂီၫ်ဂီၫ်အဂ့ၫ် တၫ်သ့ၣ်ညါဘၣ်လီၤ.
၀့ၫ်နီၣ်ခၠိၣ်အပူၤ အိၣ်မတံ,ယ့ၣ်မီတါဒီးလဲးပၣ်ကိသ၀ီတဖၣ်အပူၤ ဖဲလါယူၤ(၁၅)သီနံၤ,ဂီၤအကတီၫ်န့ၣ် သုးကီၣ်ကးဒီး TNLAအဘၢၣ်စၢၤ တၫ်ဒုးကဲထီၣ်၀ဲဒိၣ်ဒိၣ်မုာ်မုာ်အဂ့ၫ် တၫ်သ့ၣ်ညါဘၣ်လီၤ.
“တၫ်ဒုးကဲထီၣ်တလီၫ်လီၫ်လီၤ.လၢတီၣ်ခါတကပၤ ဂံၫ်ဘါဒီးပၠ့ၣ်အူလွ့ၣ်တကပၤ ဂံၫ်ဘါတဖၣ် ပာ်ဖှိၣ်ထီၣ်သး၀ံၤ ထီၣ် ဒုး၀့ၫ်နီၣ်ခၠိၣ်လီၤ.ပာ်ဂံၫ်ပာ်ဘါ၀ဲဒြိဒီးသူ၀ဲမ့ၣ်ပိၫ်လၢအိၣ်ဒီးဂာ်သ၀ံအစုာ်အပျၫ်တဖၣ်အဂ့ၫ်”ဂ့ၫ်ခီၣ်ထံးသုးဂ့ၫ်၀ီတၫ်ကစီၣ်တဲ၀ဲလီၤ.
သုးကီၣ်ကးအသုးန့ၣ် ဖဲအိမတံဒီးယ့ၣ်မီတါသ၀ီတၫ်ဒုးအပူၤ ခးလီၤကျိဖးဒိၣ်(၃)ဖျၢၣ်,တ့ၫ်လီၤမ့ၣ်ပိၫ်အိၣ်လၢအိၣ်ဒီး ဂာ်သ၀ံအစုာ်အပျၫ်လၢဒြိ(၃၇)ဖျၢၣ်ဒီးတ့ၫ်လီၤမ့ၣ်ပိၫ်(၃၅)အဂ့ၫ် တၫ်သ့ၣ်ညါဘၣ်လီၤ.
တကးဘၣ် ဖဲလဲးပၣ်ကိသ၀ီတကပၤ တၫ်ဒုးအပူၤစ့ၫ်ကီး သုးကီၣ်ကးန့ၣ် ခးစၢၤ၀ဲကျိဖးဒိၣ်အချံ(၆)ဖျၢၣ်အဂ့ၫ် TNLA ထုးထီၣ်ဘိးဘၣ်ရၤလီၤဃာ်၀ဲလီၤ.
သုးကီၣ်ကးန့ၣ် လၢရွှ့ၣ်ညီၣ်ပ့ၣ်သ၀ီတကပၤ လၢတၫ်ဒုးတကဲထီၣ်အံၤစ့ၫ်ကီး လၢတၫ်ပညိၣ်အိၣ်အပူၤ ခးလီၤကမျၢၫ် လၢကျိဖးဒိၣ်အချံ(၃)ဖျၢၣ်န့ၣ်လီၤ.
အပူၤကွံာ် လါယူၤ(၁၄)သီအနံၤစ့ၫ်ကီး ရွှ့ၣ်သိ,ပ့နဲကိဒီးလဲးပ့ၣ်ကိသ၀ီတဖၣ်အပူၤ သုးကီၣ်ကးဒီးTNLAတၫ်ဒုးကဲထီၣ်၀ံၤ သုးကီၣ်ကးန့ၣ် တၫ်ဒုး၀ဲအံၤအပူၤ သူ၀ဲကျိဖးဒိၣ်အချံအဖျၢၣ်(၈၀)ဒီးဒြိမ့ၣ်ပိၫ်(၂၆)ဖျၢၣ်၀ံၤဒုးတၫ်န့ၣ်လီၤ.
သုးကီၣ်ကးန့ၣ် ဟဲထီၣ်ဒုး ၀့ၫ်နီၣ်ခၠီၣ်လၢ သုးကျိၤ(၃)ကျိၤဒီး သူစ့ၫ်ကီး၀ဲမ့ၣ်ပိၫ်လၢအိၣ်ဒီးဂာ်သ၀ံအစုာ်အပျၫ်တဖၣ် အဂ့ၫ် တၫ်သ့ၣ်ညါဘၣ်လီၤ.
သုးကီၣ်ကးအသုးလၢအိၣ်ဖဲတီၣ်ခါတဖၣ် ဒ်သိးကထီၣ်ဒုးမၤန့ၫ်ကဒါနီၣ်ခၠိၣ်အဂီၫ် ဟဲထီၣ်သုးကျိၤဆူ တီၣ်ခါ-ကၣ်ကၠံ-နီၣ်ခၠိၣ်ကျဲတကပၤ,လၢတီၣ်ခါ-မဲပိး-နီၣ်ခၠိၣ်ကၠံကျဲမုၫ်တကပၤ,ဒီးပၠ့ၣ်အူလွ့ၣ်-၀ဲး၀ိၣ်-ဘးဘွ့ကျဲတကပၤန့ၣ်လီၤ.
လၢကတီၫ်အံၤ သုးကီၣ်ကးအသုးလၢ ဘၣ်ဟးထီၣ်ကွံာ်ဆူကၣ်ကၠံအံၤ ဘၣ်ဂုၤက့ၤအသးတုၤဆူ ရွှ့ၣ်မူးထီသ၀ီဒီး ပာ်ဖှိၣ်ထီၣ်က့ၤအဂံၫ်အဘါအဂ့ၫ် တၫ်သ့ၣ်ညါဘၣ်လၢလီၫ်က၀ီၤဖိတဖၣ်အိၣ်န့ၣ်လီၤ.
Ref: Ayeyarwaddy Times
