လါယူၤ(၁၂)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့, ကီၢ်ရ့ၣ်ဒူပျၥ်ယၥ်, ကြုၢ်တု၀့ၢ်, ပဲၢ်ယဲးသ၀ီ ပှၤကၠိဖိ(၃)ဂၤပၣ်ဃုၥ်ကမျၢၢ်(၅)ဂၤသံတ့ၢ်၀ဲလၢ သုးကီၣ်ကးအသုးအကလံၤကျါတၢ်ဒုးအပူၤ သူ၀ဲဟီၣ်ခိၣ်ဒီဘ့ၣ်ကးတံၥ်ဃၥ် Cluster မ့ၣ်ပိၢ်အကလုၥ်အဂ့ၢ် ခ့ၣ်အဲၣ်ယူၣ်-ကီၢ်ရ့ၣ်ဒူပျၥ်ယၥ်ထုးထီၣ်ပၥ်ဖျါဃၥ်၀ဲန့ၣ်လီၤ.
ဖဲလါယူၤ(၉)သီအနံၤ, မုၢ်ဃ့ၢ်လီၤအဆၢကတီၢ်န့ၣ် သုးကီၣ်ကးအသုး ဟဲတ့ၢ်လီၤမ့ၣ်ပိၢ်ဆူ ကြုၢ်တုကီၢ်ဆၣ်, ပဲၢ်ယဲးသ၀ီပူၤအဃိ ကၠိဖိပိၥ်မုၣ်လၢသးနံၣ်အိၣ်(၆)နံၣ်ဒီး(၈)နံၣ် (၂)ဂၤ, ဖိသၣ်လၢသးနံၣ်အိၣ်(၇)နံၣ်(၁)ဂၤ, ကၠိသရၣ်မုၣ်လၢသးနံၣ်အိၣ်(၄၀)နံၣ်တဂၤဒီး(၆၅)နံၣ်အိၣ် ကမျၢၢ်ပိၥ်ခွါ(၁)ဂၤ ဘၣ်သံ၀ဲအဂ့ၢ် စံး၀ဲန့ၣ်လီၤ.
တကးဘၣ် ကၠိဖိမုၣ်ခွါ(၁၈)ဂၤပၣ်ဃုၥ်(၂၂)ဂၤန့ၣ် ဘၣ်ဒိဘၣ်ထံး၀ဲ၀ံၤ ဟံၣ်(၁၀)ဖျၢၣ်ဒီးသီခါဖၠၣ်တၢ်သူၣ်ထီၣ်(၁)ဖျၢၣ် ဘၣ်ဟးဂီၤကွံၥ်၀ဲန့ၣ်လီၤ.
ဖဲလၢတၢ်ဟဲဒုးခးလီၤတၢ်အပူၤ ကဘီယူၤဒုးသုးန့ၣ် အိၣ်ဟးထီၣ်၀ဲဒၣ်လၢ န့ၣ်ပၠံၣ်တီၣ်ကဘီယူၤသန့ဒီးဟဲဒုးခးလီၤတၢ်၀ံၤ သူ၀ဲစ့ၢ်ကီး ဟီၣ်ခိၣ်ဒီဘ့ၣ်ကးတံၥ်ဃၥ် Clusterမ့ၣ်ပိၢ်အကလုၢ်လၢ အပိၢ်ဖးထီၣ်သ့ အဆီတဖၣ်အဆီသ့အဂ့ၢ် KNUစံး၀ဲန့ၣ်လီၤ.
ခီဖျိသုးကီၣ်ကးအသုးအတၢ်ဟဲဒုးခးလီၤတၢ်အပူၤ ဖိသၣ်လၢသံဒီးဘၣ်ဒိတဖၣ်န့ၣ် မ့ၢ်ကၠိဖိလၢအမၤလိတၢ်ဖဲ Grade 1 နဲ့ Grade 2 တီၤဖုၣ်ကၠိဖိမုၣ်ခွါတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
