လါယူၤ(၆)သီ,၂၀၂၅နံၣ်
ကီၢ်အမဲရကၤကီၢ်ခိၣ်ဒီၣ်နၢၤထရၢးန့ၣ် စးထီၣ်လၢလါယူၤ(၄)သီအနံၤန့ၣ် ကီၢ်ပယီၤပၣ်ဃုၥ်ထံကီၢ်(၁၂)ဘ့ၣ်အံၤ အနုၥ်လီၤလၢအကီၢ်ပူၤတသ့လၢၤဘၣ်အဂ့ၢ်န့ၣ် စဲးလီၤမံၤစဲပနီၣ် ဘိးဘၣ်ရၤလီၤ၀ဲန့ၣ်လီၤ.
ဖဲလၢတၢ်ကးတံၥ်တၢ်နုၥ်လီၤလၢအမဲကၤကီၢ်ပူၤအကျါ ပှၤတနီၤလၢအ၀ဲသ့ၣ်ဘၣ်သး၀ဲတဖၣ်နုၥ်လီၤသ့ဒီး မ့မ့ၢ်လၢဘံၣ်စၣ်အကလုၥ်ကလုၥ်ခဲလၢၥ်ဃၣ်ဃၣ်တၢ်ကးတံၥ်အီၤ၀ံၤ ကီၢ်ပယီၤ, အၣ်ဖကၣ်နစတၣ်, ခၠ့း, ကိၣ်ကိၥ်,အံၣ်ကွ့ၣ်တၣ်ဂံၣ်နံၣ်, အံၣ်ရ့ၣ်ထရံယါ, ဟ့ၣ်တံၣ်,အံၣ်ရၣ်, လ့းပၠါ,ဆိၣ်မၣ်လံယါ, ဆူဒၣ်ဒီးယံၣ်မ့ၣ်အထံဖိကီၢ်ဖိတဖၣ်ပၣ်ဃုၥ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
တကးဘၣ် ဘူၣ်ရိၣ်ဒံၣ်, ကၠူၣ်ဘါ,လၣ်အိၣ်, ဆံၣ်ယဲရၣ်လံၣ်ယိ, တိၣ်ကိၣ်, တးမၣ်နစတၣ်ဒီးပ့ၣ်နံၣ်စွဲလါအထံဖိကီၢ်ဖိ ပှၤဟးကသုၣ်ကသီတဖၣ်အဖီခိၣ်စ့ၢ်ကီး ပၥ်လီၤ၀ဲတၢ်ကးတံၥ်တနီၤအဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်နုၥ်လီၤကီၢ်ပူၤတၢ်ကးတံၥ်ခံခါစလၢၥ်န့ၣ် ခါလၢကဟဲလါယူၤ(၉)သီအနံၤန့ၣ် အသးကစးထီၣ်မူ၀ဲအဂ့ၢ် ဟံၣ်၀ါတဲလီၤ၀ဲ၀ံၤ တကးဘၣ် တၢ်မၤတၢ်ကးတံၥ်လၢတၢ်ဟးကသုၣ်ကသီတဖၣ်အဖီၣ်န့ၣ် ခီဖျိလၢပှၤကီၢ်ချၢဖိတဖၣ် အမၤတၢ်မၤပျီၢ်မၤဂီၤတဖၣ်ဒီးဟဲနုၥ်လီၤအိၣ်ဆိးတဖိးသဲစးဘၣ်အဃိအဂ့ၢ် ကီၢ်အမဲရကၤပဒိၣ် စံး၀ဲန့ၣ်လီၤ.
ဖဲအပူၤကွံၥ် လါယူၤ(၂၂)သီအနံၤစ့ၢ်ကီးန့ၣ် ကီၢ်အမဲရကၤကီၢ်ခိၣ် ဒီၣ်နၢၤထရၢး မၤတၢ်ကးတံၥ်လၢ ဟီၣ်ခိၣ်ဒီဘ့ၣ်ကၠိဖိတဖၣ် တၢ်ဟဲထီၣ်ကၠိအခွဲးလၢ ဟီၣ်ခိၣ်ဒီဘ့ၣ်ပတီၢ်ထီဖၠၣ်စိမိၤတခါလၢအမ့ၢ် ဟါဘးဖၠၣ်စိမိၤအံၤ တန့ၢ်လၢၤဘၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
Ref: Bangkok Post
