လါမ့ၤ(၃၀)သီ,၂၀၂၅နံၣ်
လၢတၢ်ဘှါရှဲကီၢ်ပယီၤတၢ်သဘံၣ်သဘုၣ်န့ၣ် မလ့ရှါထံကီၢ် စးထီၣ်မၤဃၥ်၀ဲ၀ံၤ ဖလံးပံးထံကီၢ် ကမၤကဒီး၀ဲဆူညါအဂ့ၢ် ကီၢ်ခိၣ်ဖၣ်ဒံၣ်နၣ်အါခိးကၠူၣ်နံၣ်ယၢၤတဲ၀ဲဖဲ လါမ့ၤ ၂၇ သီအနံၤန့ၣ်လီၤ.
ကီၢ်ပယီၤဂ့ၢ်၀ီအံၤန့ၣ် တနံၣ်အတီၢ်ပူၤ ဘှါရှဲ၀ဲတန့ၢ်ဘၣ်အဂ့ၢ် အ၀ဲတဲဘၣ် ဖလံးပံး ပှၤဟံးန့ၢ်တၢ်ကစီၣ်တဖၣ်န့ၣ်လီၤ. ကီၢ်ပယီၤတၢ်သဘံၣ်သဘုၣ်အံၤန့ၣ် တနံၣ်အတီၢ်ပူၤ ပဘှါရှဲ တမ့ၢ်ကန့ၢ်ဘၣ်.လၢတၢ်ဘှါရှဲကီၢ်ပယီၤဂ့ၢ်၀ီအံၤန့ၣ်မ့ၢ်ဒၣ် မလ့ရှါထံကီၢ် စးထီၣ်မၤ၀ဲဒီး ပ၀ဲတဖၣ် ပကမၤကဒီးဆူညါအဂ့ၢ် အ၀ဲတဲ၀ဲန့ၣ်လီၤ.
ကီၢ်ပယီၤထံကီၢ်န့ၣ် တၢ်ဃုထၢလၢတၢ်ကမၤအီၤလၢ ခါလၢအကဟဲအဃိ တၢ်မုၥ်တၢ်ခုၣ်ကအိၣ်ထီၣ်ဘၣ်အဂီၢ် ပမုၢ်လၢ်ဘၣ်အဂ့ၢ်မါကိးကၠူၣ်နံၣ်ယၢၤတဲကဒီး၀ဲန့ၣ်လီၤ.
ဘၣ်ထွဲဒီးပှၤဟီၣ်ခိၣ်ဖိတၢ်ဒိသူၣ်ဒိသးအတၢ်လၢၥ်ဘူၣ်လၢၥ်စ့ၤအါဒိၣ်၀ဲအဃိ အဆိပလိၣ်ဘၣ်လၢတၢ်ကပတုၥ်တၢ်ခးလိၥ်သးန့ၣ်လီၤ.
ကီၢ်ပယီၤပူၤပှၤဘၣ်မူဘၣ်ဒါတဖၣ်န့ၣ် တမ့ၢ်လၢကအၢၣ်လီၤတူၢ်လိၥ် ဂံၢ်ခီၣ်ထံးတၢ်သိၣ်တၢ်ဘျၢနီတမံၤဘၣ်အဂ့ၢ် အ၀ဲတဲစ့ၢ်ကီး၀ဲန့ၣ်လီၤ.
ဖလံးပံးထံကီၢ်န့ၣ် နံၣ်လၢကဟဲ မ့ၢ်လၢအ၀ီတုၤဃီၤလၢ ကဘၣ်ကဲ အၣ်စံၣ်ယၣ် ပှၤပၢၤလီၢ်ဆ့ၣ်နီၤလၢတၢ်အိၣ်ဖှိၣ်ပူၤအဃိ ဘၣ်ထွဲဒီးကီၢ်ပယီၤဂ့ၢ်၀ီန့ၣ် စးထီၣ်လၢနံၣ်တနံၣ်အံၤအဆိအကတီၢ် မၤတ့ၢ်၀ဲတၢ်ကတိၤကူၣ်လိၥ်သုးကျဲၤသကိးတၢ်တဖၣ်ဒီး မလ့ရှါထံကီၢ်န့ၣ်လီၤ.
လၢတၢ်ဃုထံၣ်၀ဲဒၣ် ကျိၤကျဲအသီလၢ တၢ်ကဘှါရှဲ ကီၢ်ပယီၤတၢ်သဘံၣ်သဘုၣ်အဂီၢ် မလ့ရှါကိတိၥ်ခိၣ်ကျၢၢ်အၣ်၀ၣ်အံၣ်ဘရၣ်ဟ့ၣ်အတၢ်ဃ့ထီၣ်အဖီခိၣ် ဆှၢလီၤ၀ဲ ခၢၣ်စးလီၤဆီတဂၤအဂ့ၢ် အ၀ဲတဲကဒီး၀ဲန့ၣ်လီၤ.
Ref: Ayeyarwaddy Times
