လါမ့ၤ(၂၁)သီ,၂၀၂၅နံၣ်
ကညီကီၫ်စဲၣ်,ကီးတရံး-ကြူၫ်တုဟီၣ်က၀ီၤအပူၤ သုးကီၣ်ကးသုးအတၫ်ခးလီၤကျိဖးဒိၣ်,ဒြိဒီးကလံၤကျါတၫ်ဒုးခးလီၤ တၫ်တဖၣ်အဃိ တလါအံၤအတီၫ်ပူၤ ကမျၢၫ်(၁၄)ဂၤဘၣ်သံ၀ဲအဂ့ၫ် တလၢၤကီၫ်တၫ်ထူၣ်ဖျဲးသုးမုၫ်ဒိၣ် (MLA)ထုး ထီၣ်ဘိးဘၣ်ရၤလီၤတၫ်ကစီၣ်န့ၣ်လီၤ.
သုးကီၣ်ကးသုးအတၫ်ဒုးခးလီၤတၫ်အဃိ ကမျၢၫ်လၢဘၣ်ဒိဘၣ်ထံးသံ(၁၄)ဂၤအကျါ သးနံၣ်(၃)နံၣ်အိၣ်ဖိသၣ်(၂)ဂၤ, မိၫ်ဒၢ(၁)ဂၤဒီး သးနံၣ်(၆၄)နံၣ်အိၣ် ဖုသးပှၫ်(၁)ဂၤပာ်ဃုာ်အဂ့ၫ် တၫ်သ့ၣ်ညါဘၣ်လီၤ.
ပှၤဘၣ်ဒိဘၣ်ထံးအိၣ်၀ဲ (၂၄)ဂၤ၀ံၤ လၢအကျါ သီခါဒီးတီၤဖုၣ်ကၠိဖိသၣ်တဖၣ်ပာ်ဃုာ်၀ဲဒီး တုၤဒၣ်လဲၣ်အခီၣ်ဘၣ်ဟး ဂီၤကွံာ်၀ဲတခီ၀ံၤ ဘၣ်ဒိဘၣ်ထံးအၢအၢသီသီအဂ့ၫ် တၫ်သ့ၣ်ညါဘၣ်လီၤ.
ဒ်န့ၣ်အသိး ကါနံၣ်သ၀ီ သီခါဖၠၣ်,ကါနံၣ် ဘလံၣ်,ကၣ်မရဲးသီခါဖၠၣ်,သလွဲထီၣ်သီခါဖၠၣ်ဒီး၀့ကးတၫ်သိၣ်လိကၠိ တၫ်သူၣ် ထီၣ်တဖၣ်စ့ၫ်ကီးဘၣ်ဒိဘၣ်ထံးဟးဂီၤ၀ဲန့ၣ်လီၤ.
လါအ့ဖြ့ၣ်(၁၅)သီနံၤတုၤလၢကတီၫ်အံၤ တလၢၤကီၫ်တၫ်ထူၣ်ဖျဲးသုးမုၫ်ဒိၣ်ပာ်ဃုာ် ကညီဒီကလုာ်တၫ်ထူၣ်ဖျဲးသုးမုၫ်ဒိၣ် (KNLA)သိမှံၤသုးပာ်ဖှိၣ်တဖၣ်ဒီးသုးကီၣ်ကးသုးအဘၢၣ်စၢၤ တၫ်ဒုးကဲထီၣ်ကဒီး၀ဲတပယူာ်ဃီအဃိ ထံဖိကီၫ်ဖိက မျၢၫ်တဖၣ် ကအိၣ်ပလီၫ် ပာ်သူၣ်ပာ်သးဘၣ်လၢ ကလံၤကျါတၫ်လီၤဘၣ်ယိၣ်တဖၣ်အဂီၫ်စ့ၫ်ကီး MLAဟ့ၣ်ဒုးသ့ၣ် ညါဃာ်၀ဲလီၤ.
