လါမ့ၤ(၈)သီ, ၂၀၂၅နံၣ်
ဘ့ကလါဒ့းရှ်န့ၣ် မၤတၫ်ဆဲးကျိးဒီးAAအဖီခိၣ် ပယီၤတကပၤ တၫ်တြီတဖၣ်န့ၣ် ဒီကလုာ်တၫ်ဘံၣ်တၫ်ဘၢ ပှၤဟ့ၣ်ကူၣ်တၫ် Khalilur Rahmanဂ့ၫ်လိာ်၀ဲလီၤ.
ပ၀ဲပဒိၣ်တကပၤ ပမ့ၫ်ဆိမိၣ်လၢ တၫ်ကဒီသဒၢမၤဆူၣ်ထီၣ်ဒီကလုာ်တၫ်ဘၣ်ဘျူးအဂီၫ်ဒု ကဘျးစဲမၤသကိးတၫ်ဒီးကရၢကိးဖုဒဲးလီၤအဂ့ၫ် အ၀ဲတဲ၀ဲလီၤ.
ပယီၤသုးကီၣ်ကးန့ၣ် တၫ်ဆဲးကျိးဒီးAAအဖီခၣ် ဘၣ်ယိၣ်ဘၣ်ဘှီတၫ်အဂ့ၫ် ဆှၢဟ့ၣ်လံာ်၀ံၤအလီၫ်ခံ ဘၣ်ထွဲဒီးဘ့ကလါဒ့းရှ်အတၫ်ပာ်သး ဖဲလါမ့ၤ(၆)သီအနံၤ လၢထံဂုၤကီၫ်ဂၤကိတိာ်၀ဲၤကျိၤပူၤ ပှၤဟံးန့ၫ်တၫ်ကစီၣ်ဖိတဂၤသံကွၫ်၀ဲအကတီၫ် တဲဆၢက့ၤ၀ဲအဂ့ၫ် bdnews.24ပာ်ဖျါ၀ဲလီၤ.
ဘ့ကလါဒ့းရှ်န့ၣ် မ့ၫ်တၫ်စိကမီၤပှဲၤတုာ် ထံကီၫ်တဘ့ၣ်အဂ့ၫ်,လၢပတၫ်ဘၣ်ဘျူးအဂီၫ် ပှၤလၢပလိၣ်ဘၣ်တဖၣ် ပကထံၣ်လိာ်သးအဂ့ၫ် အ၀ဲတဲ၀ဲလီၤ.
“ ပကွဲးလီၤဃာ်ထံဂုၤကီၫ်ဂၤဂ့ၫ်၀ီတၫ်ဘျၢသဘျ့၀ံၤ တၫ်ဘျၢအံၤပဒုးအိၣ်ထီၣ်အမိၫ်လံၤမိၫ်ပှၫ်လီၤ. ဘ့ကလါဒ့းရှ်တကပၤ တၫ်ကကတီၤပၢၤဃာ်ကီၫ်ဆၢအဂီၫ်န့ၣ် မ့ၫ်တၫ်အရ့ဒိၣ်အသိး,လၢတကပၤစ့ၫ်ကီး ပဘၣ်မၤတၫ်ဆဲးကျိးဒီးအ၀ဲသ့ၣ်တဖၣ်လီၤအဂ့ၫ်”အ၀ဲတဲ၀ဲလီၤ.
AAဒီးဘ့ကလါဒ့းရှ်ပဒိၣ်ပှၤဘၣ်မူဘၣ်ဒါတဖၣ် အပူၤကွံာ်လါအ့ဖြ့ၣ်အပူၤ ဆဲးကျိးတဲသကိးတၫ်အိၣ်ထီၣ်၀ံၤအလီၫ်ခံ တၫ်မၤ၀ဲအံၤတူၫ်လိာ်၀ဲတသ့ဘၣ်အဂ့ၫ် သုးကီၣ်ကးထုးထီၣ်ဘိးဘၣ်ရၤလီၤ၀ဲလီၤ.
တၫ်တၢၫ်ပီၣ်တဲသကိးတၫ်ဒီးAAန့ၣ် ဘၣ်ထွဲကီၫ်ပယီၤအဟီၣ်က၀ီၤတၫ်ပၢဆှၢ ထီဒါလိာ်အသးဒီး ဘ့ကလါဒ့းရှ်အတၫ်အိၣ်ဆၢထၢၣ်အိၣ်/တအိၣ် ပှၤဟံးန့ၫ်တၫ်ကစီၣ် သံကွၫ်အီၤအကတီၫ် Khalilurန့ၣ် “AAအိၣ်လၢကီၫ်ဆၢ, ဘၣ်ရ့လိာ်မၤဘၣ်ထွဲသးဒီးအ၀ဲသ့ၣ်,တၫ်အံၤတၫ်မ့ၫ်တၫ်လီၤအဂ့ၫ်”အ၀ဲတဲ၀ဲလီၤ.
Ref: RFA
