လါမ့ၤ(၆)သီ,၂၀၂၅နံၣ်
အမဲရကၤခိသွဲ၀ဲကျိၤ အတၢ်ပၢဆှၢရဲၣ်ကျဲၤထံဂုၤကီၢ်ဂၤတၢ်န့ၢ်ပၢ၀ဲၤဒၢး(OFAC) ပၥ်ပနီၣ်၀ဲ ကညီဒီကလုၥ်သုးမုၢ်ဒိၣ် KNAကရၢဒ် ဟီၣ်ခိၣ်ဒီဘ့ၣ်တၢ်မၤကမၣ်ကွီၢ်မ့ၣ်ကရၢတဖုအသိး၀ံၤ မၤ၀ဲတၢ်ကးတံၥ်တဖၣ်အသိး ကရၢအခိၣ်စီၤခၠံးသူၣ်ဒီးအဖိခွါခံဂၤလၢအမ့ၢ် စီၤထူအဲၣ်မူဒီးစီၤခၠံးခၠံးစ့ၢ်ကီး ပၥ်လီၤ၀ဲတၢ်ကးတံၥ်တဖၣ်န့ၣ်လီၤ.
တၢ်ဟံးန့ၢ်ဂ့ၢ်၀ီဒ်အံၤန့ၣ် ခီဖျိလၢ အမဲရကၤထံဖိကီၢ်ဖိတဖၣ် ဘၣ်တၢ်လံၣ်လီအီၤကျိၥ်စ့လၢအိၣ်လဲတဖၣ်, တၢ်ကူလဲၢ်မၤကၤပှၤကညီဒီး တဖိးသဲစး ကီၢ်ဆၢခီဂၥ်တၢ်ကူလဲၢ်မၤကၤတဖၣ်အဃိအဂ့ၢ် စံး၀ဲန့ၣ်လီၤ.
KNA တၢ်ပၢဆှၢဟီၣ်က၀ီၤအံၤ အိၣ်၀ဲဒၣ်ဖဲ ကၠီၣ်တဲၣ်-ပယီၤကီၢ်ဆၢ၀ံၤ ဖဲလၢဟီၣ်က၀ီၤအံၤအပူၤ အိၣ်လဲတၢ်လံၣ်တၢ်လီကရၢတဖၣ်အိၣ်၀ဲအါအါဂီၢ်ဂီၢ်န့ၣ်လီၤ. တကးဘၣ် KNAအံၤ အဒိးန့ၢ်တၢ်ဘၣ်ဘျူးတဖၣ် လၢ ကီၢ်ပယီၤသုးမုၢ်ဒိၣ်အကွီၢ်မ့ၣ်တၢ်ဖံးတၢ်မၤတဖၣ်အပူၤအဂ့ၢ် စံး၀ဲန့ၣ်လီၤ.
တၢ်ကစီၣ်တၢ်ဂ့ၢ်တၢ်ကျိၤတဖၣ်အဖီခိၣ် အိၣ်လဲတၢ်လံၣ်တၢ်လီကရၢလၢ အိၣ်သူၣ်လီၤအသးဖဲ ကီၢ်ပယီၤပူၤတဖၣ် လံၣ်လီတၢ်အဃိ အမဲရကၤထံဖိကီၢ်ဖိတဖၣ်အံၤ ဖဲအပူကွံၥ်(၃)နံၣ်အတီၢ်ပူၤန့ၣ် ဘၣ်တၢ်လံၣ်လီကွံၥ်၀ဲ ဒီလၣ်အဘံၣ်လံၣ်ယၣ်အါအါဂီၢ်ဂီၢ်အဂ့ၢ် လံၥ်ဘိးဘၣ်ရၤလီၤအပူၤ ပၣ်ဃုၥ်၀ဲန့ၣ်လီၤ.
“ဆဲၣ်ဘၣ်တၢ်လံၣ်တၢ်လီတၢ်ဖံးတၢ်မၤလၢ KNAပၣ်ဃုၥ်မၤသကိးတၢ်အပူၤ ပှၤမၤကမၣ်ကွီၢ်မ့ၣ်အခိၣ်တဖၣ်ဒီးအပှၤမၤသကိးတၢ်တဖၣ် န့ၢ်ဘၣ်၀ဲဒီလၣ်ဘံၣ်လံၣ်ယၣ်အါအါဂီၢ်ဂီၢ်၀ံၤ မ့မ့ၢ်လၢကမျၢၢ်ဘၣ်တၢ်လံၣ်လီအီၤတဖၣ်တခီ ဘၣ်ကွၢ်ဆၢၣ်မဲၥ်ဘၣ်ဒီး ကျိၥ်စ့တၢ်ကီတၢ်ခဲအဂ့ၢ်” ခိသွဲကိတိၥ်ခိၣ်ခံ Michael Faulkender စံး၀ဲန့ၣ်လီၤ.
တၢ်ကဟံးန့ၢ်ဂ့ၢ်၀ီဒီး တၢ်ကဒုးလီၤပှီၢ်ကွံၥ် ကွီၣ်မ့ၣ်တဖၣ်ဒီးပှၤလၢဒိးန့ၢ်တၢ်ဘၣ်ဘျူးတဖၣ်အဂီၢ် ကဂုၥ်ကျဲးစၢး၀ဲဒ်အဂ့ၤကတၢၢ်အဂ့ၢ် အမဲရကၤခိသွဲကိတိၥ်၀ဲၤကျိၤ စံး၀ဲန့ၣ်လီၤ.
Ref: rfa
