လါမ့ၤ(၆)သီ,၂၀၂၅နံၣ်
ဟီၣ်ခိၣ်ဟူးလၢအသဟီၣ်ဆူၣ် ရံၣ်ခၠးစတၣ်စက့ (၇.၇)ဟူးဂဲၤ ဖဲလါမးရှး(၂၈)သီအနံၤဒီး စးထီၣ်ဖဲမုၫ်နံၤ၀ဲန့ၣ် တုၤလါ မ့ၤ(၂)သီနံၤ လၢ(၃၆)သီအတီၫ်ပူၤ သုးကီၣ်ကး မၤ၀ဲကလံၤကျါတၫ်ဒုးခးလီၤတၫ် (၂၈၂)ဘျီဒီးကမျၢၫ်ဘၣ်သံ (၂၇၆)ဂၤ ၀ံၤ ဘၣ်ဒိဘၣ်ထံးအိၣ်၀ဲ (၄၅၆)ဂၤအဂ့ၫ် ဒီကလုာ်ဃူဖိးပဒိၣ်(NUG)ဘၣ်ထွဲပှၤဂ့ၫ်၀ီခွဲးယာ်ကိတိာ်၀ဲၤကျိၤ ထုးထီၣ်ပာ် ဖျါ၀ဲဖဲလါမ့ၤ(၅)သီအနံၤန့ၣ်လီၤ.
ကလံၤကျါတၫ်ဒုးခးလီၤတၫ်တဖၣ် မ့တမ့ၫ်လၢ၀့ၫ်တကူၣ်ဒီးန့ၣ်ပၠံၣ်ဒီၣ်ဘၣ်န့ၣ် ကီၫ်ခီဒီးကီၫ်စဲၣ်အဂၤလၢအိၣ်တ့ၫ်တဖၣ် အပူၤ ဒုးခးလီၤ၀ဲအဃိ ပှၤဘၣ်သံတဖၣ်အကျါ (၁၈)နံၣ်အဖီလာ် ပာ်ဃုာ်(၃၁)ဂၤ၀ံၤ (၁၈)နံၣ်အဖီခိၣ်(၇၄)ဂၤဒီးအိၣ် တ့ၫ်(၁၇၁)ဂၤတခီ တၫ်တသ့ၣ်ညါဘၣ်သးနံၣ်အဂ့ၫ် တဲ၀ဲလီၤ.
လၢစကဲကီၫ်ခီန့ၣ် ကလံၤကျါတၫ်ဒုးခးလီၤတၫ်အအါကတၢၫ် (၃၇)ဘျီ၀ံၤ ပှၤဘၣ်သံ(၈၉)ဂၤ,ဘၣ်ဒိ(၁၃၅)ဂၤ, မါတလ့ ကီၫ်ခီအပူၤ (၆၁)ဘျီ,ပှၤဘၣ်သံ(၆၅)ဂၤ,မကွ့ကီၫ်ခီ,ပကိကီၫ်ခီ,အ့ၣ်ယၣ်၀တံၣ် ကီၫ်ခီ,တနီသရံၣ်ကီၫ်ခီဒီးကခၠ့ၣ်, ကညီ, ကရ့ၣ်နံၣ်,ခၠီ,ရၢၫ်ခၢၣ်,ယိၤ,တလၢၤ ကီၫ်ခီဒီးကီၫ်စဲၣ်တဖၣ်အပူၤ ပှၤဘၣ်သံဒီးဘၣ်ဒိဘၣ်ထံးအိၣ်၀ဲအဂ့ၫ် ပာ်ဖျါ၀ဲလၢ တၫ် မၤနီၣ်မၤဃါတဖၣ်န့ၣ်လီၤ.
ဟီၣ်ခိၣ်ဟူး၀ံၤအလီၫ်ခံ NUGပာ်ဃုာ် ကလံၤစိးဒီပုၫ်၀ဲၫ်သိၣ်မှံၤ(၃)ဖု,ဒီးKIAတဖၣ် ပတုာ်တၫ်ခးတခီတၢၣ်အသိး,သုး ကီၣ်ကးစ့ၫ်ကီး တုၤလါအ့ဖြ့ၣ်(၃၀)သီနံၤ ကပတုာ်တၫ်ခးတစိၤတလီၫ်အဂ့ၫ် ဘိးဘၣ်ပာ်ဖျါ၀ဲဘၣ်ဆၣ် ဖဲနံၤသီ၀ဲန့ၣ်တ ဖၣ်အပူၤ လၢထံကီၫ်ဒီတဘ့ၣ် တ့ၫ်လီၤမ့ၣ်ပိၫ်တဖၣ်,ခးလီၤကျိဖးဒိၣ်တဖၣ်,ဟဲထီၣ်သုးကျိၤ လၢဂံၫ်ဘါအါအါဂီၫ်ဂီၫ် တုၤလၢခဲကနံၤအံၤန့ၣ်လီၤ.
Ref: The Irrawaddy
