လါအ့ဖြ့ၣ်(၁၈)သီ,၂၀၀၅နံၣ်
ဖဲတါလီၤသီအကတီၫ် ပိာ်မုၣ်(၂)ဂၤလၢ ဖီၣ်ဃာ်အ့ၣ်ယၣ်၀တံၣ်လံာ်ခိၣ်ဂီၤ လၢကလဲၤလၢ ၀့ၫ်တကူၣ်ဆူဘီကိာ်တဖၣ် ကဘီယူၤပျီပဒိၣ်ပှၤမၤတၫ်ဖိတဖၣ် တဲ၀ဲလၢ ဖီၣ်ဃာ်အ့ၣ်ယၣ်၀တံၣ်လံာ်ခိၣ်ဂီၤ (၁၄)တစွၤဒီးတၫ်တဟ့ၣ်ဟးထီၣ် ၀ဲလၢကီၫ်အဂၤဘၣ်အဃိ ဘၣ်က့ၤကဒါက့ၤဆူဟံၣ်အဂ့ၫ် တၫ်သ့ၣ်ညါဘၣ်လီၤ.
“လဲၤတုၤလၢ“X-Rayဒီးဖဲလဲၤထီၣ်တုၤဆူ ကဟၣ်ဃီသွါ တြဲၤအကတီၫ် တၫ်ကွၫ်၀ဲအလံာ်အလဲၫ်တဖၣ်၀ံၤ ပျၫ်က့ၤ၀ဲလီၤ.ဖဲဖိသၣ်တဖၣ်သံကွၫ်၀ဲဘၣ်မနုၤအဃိလဲၣ်န့ၣ် တဲ၀ဲလၢသးနံၣ်စၫ်ဒီးမ့ၫ်(၁၄)တစွၤ အ့ၣ်ယၣ်၀တံၣ်ပိာ်မုၣ်ဖိတဖၣ်အဃိ တဟ့ၣ်လဲၤ၀ဲဘၣ်အဂ့ၫ် ပိာ်မုၣ်သးစၫ်ခံဂၤလၢတၫ်တပျဲဟးထီၣ်အီၤ အနီတဲ၀ဲလီၤ.
ဖဲတါလီၤကၠိပျၫ်ကတီၫ် ကလဲၤဟးဆူဘီကိာ်အဂီၫ် အဒ့မုၫ်(၂)ဂၤလၢအမ့ၫ် ပှၤအ့ၣ်ယၣ်၀တံၣ်ကီၫ်ခီဖိ သးနံၣ်(၂၃)နံၣ် တဂၤဒီးသးနံၣ်(၂၄)နံၣ်တဖၣ် ကတဲာ်အတီၤန့ၫ်ဃာ်၀ဲ ကဘီယူၤတၫ်လဲၤဟဲက့ၤအဂီၫ်တကး ဘၣ်,ဟိၣ်ထဲလၢကလဲၤ အိၣ်၀ဲဒၣ်လဲၣ် ကတဲာ်ကတီၤန့ၫ်ဃာ်၀ဲအဂ့ၫ် အနီတဲ၀ဲလီၤ.
ဖဲတချူးတါလီၤအကတီၫ် အ့ၣ်ယၣ်၀တံၣ်ကီၫ်ခီ,ပှၤ၀့ၫ်ပသံၣ်ဖိတဂၤလၢ ဟဲက့ၤလၢဘီကိာ် တၫ်သံကွၫ်အီၤ ၀့ၫ်တကူၣ်ကဘီယူၤသန့တၫ်အိၣ်သးအကတီၫ် တဲ၀ဲလၢတၫ်ဖီၣ်ဃာ် ၁၄တစွၤလံာ်ခိၣ်ဂီၤဘၣ်ဆၣ် တၫ်ဂ့ၫ်ကီတအိၣ်နီတမံၤဘၣ်အဂ့ၫ်တဲ၀ဲလီၤ.ဒိးသန့ၤထီၣ်အသးလၢသးနံၣ်အဖီခိၣ်၀ံၤ ပှၤလၢသးနံၣ်ပှၫ်တဖၣ် မ့ၫ်တဘၣ်နီတမံၤဘၣ်သနာ်က့ ပှၤ လၢသးနံၣ်စၫ်တဖၣ်တခီ တၫ်ပျၫ်ဟဲက့ၤအီၤဒ်သိးအံၤအဂ့ၫ်သ့၀ဲန့ၣ်လီၤ.
ဖဲအပူၤကွံာ် လါမးရှးအပူၤ ပှၤအ့ၣ်ယၣ်၀တံၣ်ပိာ်မုၣ်တဂၤ လၢလဲၤမၤတၫ်လၢ၀့ၫ်ဘီကိာ်တဲ၀ဲလၢ မ့ၫ်လီၤ,ဘၣ်တၫ်သံ ကွၫ်သံဒိး၀ဲလီၤ.မ့ၫ်၁၄တစွၤအဃိ သံကွၫ်တၫ်အါမးလီၤ.၀ံၤတဲ၀ဲလၢလဲၤတဂၤတန့ၫ်ဘၣ်ဒီးအလီၫ်ခံ တဲ၀ဲလၢကကွၫ် ဟ့ၣ်၀ဲကျိာ်စ့၀ံၤ ဟ့ၣ်၀ဲ(၃)ကလးတန့ၫ်ဘၣ်.ဖဲတြဲၤ၀ဲန့ၣ် ဘၣ်ဟ့ၣ်တ့ၫ်၀ဲ(၅)ကလးလီၤ.လံာ်တၫ်အုၣ်ကီၤအိၣ် လၢလၢ ပှဲၤပှဲၤဘၣ်ဆၣ် ဖဲတၫ်ခီဂာ်ကဘီယူၤသန့ဒီတခါ၀ံၤအလီၫ်ခံ ဘၣ်ဟ့ၣ်တ့ၫ်၀ဲ(၂)ကလီၫ်ဘျဲၣ်အဂ့ၫ်”န့ၣ်လီၤ.
ဖဲတၫ်ပာ်ဂၢၫ်ပာ်ကျၢၤ တၫ်ဘၣ်ကဲသုးတၫ်ဘျၢ၀ံၤအလီၫ်ခံ ၂၀၂၄နံၣ်, စးထီၣ်ဖဲလါအ့ဖြ့ၣ်အပူၤ တဘျီန့ၣ်ကကိး၀ဲ ပှၤ(၅၀၀၀)ဂၤ လၢကိးလါအဂ့ၫ် သုးကီၣ်ကးဘိးဘၣ်ရၤလီၤ၀ဲ၀ံၤအလီၫ်ခံ သးစၫ်တဖၣ်ဟးထီၣ်ဆူထံဂုၤကီၫ်ဂၤလၢ ဖိးသဲးမ့ၫ်ဂ့ၤ,တဖိးသဲစးမ့ၫ်ဂ့ၤအပူၤန့ၣ်လီၤ.
တၫ်ဘၣ်ကဲသုးတၫ်ဘျၢသဲစးအဖီခိၣ် ပိာ်ခွါန့ၣ် သးနံၣ်(၁၈)နံၣ်တုၤ(၃၅)နံၣ်,ပိာ်မုၣ်န့ၣ် သးနံၣ်(၁၈)နံၣ်တုၤ(၂၇)နံၣ် အတီၫ်ပူၤကဘၣ်ကဲသုး၀ံၤ ပှၤသ့ပှၤဘၣ် ပိာ်ခွါန့ၣ် သးနံၣ်(၁၈)နံၣ်တုၤ(၄၅)နံၣ်,ပိာ်မုၣ် (၁၈)နံၣ်တုၤ(၃၅)နံၣ်အတီၫ်ပူၤ ကဘၣ်ကဲသုးအဂ့ၫ် တၫ်ပာ်ပနီၣ်ဃာ်၀ဲလီၤ.
ဖဲတၫ်ပာ်ဂၢၫ်ပာ်ကျၢၤ တၫ်ဘၣ်ကဲသုးတၫ်ဘျၢ၀ံၤအလီၫ်ခံ ကဘီယူၤပျီ ပဒိၣ်ပှၤမၤတၫ်ဖိတဖၣ်န့ၣ် သးစၫ်လၢကဟး ထီၣ်ဆူ ကီၫ်ချၢလၢဖိးသဲစးတဖၣ် တဟ့ၣ်၀ဲတၫ်ပျဲ,လၢတၫ်ဂ့ၫ်အကလုာ်ကလုာ်အဃိ ဃုထီၣ်တၫ်ဂ့ၫ်ဃ့အီၣ်စ့အိၣ်၀ဲ တပယူာ်ဃီန့ၣ်လီၤ.
“ပၢၤကီၫ်တဖၣ် ဃ့အီၣ်ကျိာ်စ့ ဒိၣ်န့ၫ်ဒံး ကဘီယူၤသန့ၤအပူၤ Immigrationတဖၣ်လီၤ.ကဘီယူၤပျီအဖီခိၣ် ပၢၤကီၫ် လၢအိၣ်လၢတြဲၤခိၣ်ထိးတဖၣ် ဃ့အီၣ်ကျိာ်စ့လီၤ.လၢတၫ်တလဲၤခီဘၣ် Immigrationဒီးပၢၤကီၫ်တြဲၤတၫ်လီၫ်န့ၣ် အပှ့ၤ အိၣ်လၢအကလီၫ်(၅၀)ညါအဂ့ၫ်” ပှၤအ့ၣ်ယၣ်၀တံၣ်ပိာ်မုၣ်လၢဟးထီၣ်က့ၤလီၤလၢ ကၠီၣ်တဲၣ်ဒီး၀့ၫ်တကူၣ်တဂၤတဲ၀ဲ န့ၣ်လီၤ.
Ref: Delta News Agency
