လါအ့ဖြ့ၣ်(၁၈)သီ,၂၀၂၅နံၣ်
၀့ၢ်လါရှိအပူၤ MNDAAအပှၤသုးဖိဘူးထီၣ်ခဲလၢၥ်ဃၣ်ဃၣ် ဟးထီၣ်လံအဂ့ၢ် တၢ်သ့ၣ်ညါဘၣ်လၢ ပှၤလၢအိၣ်ဘူးဒီး MNDAAသုးမုၢ်ဒိၣ်အအိၣ်န့ၣ်လီၤ.
“တါ၀ံၤ စးထီၣ်လၢတနံၤအံၤလါအ့ဖြ့ၣ်(၁၈)သီအနံၤန့ၣ် ပဒိၣ်၀ဲၤဒၢးတနီၤ ကဆီလီၤက့ၤလီၤအဂ့ၢ် တၢ်သ့ၣ်ညါဘၣ်န့ၣ်လီၤ. တနံၤအံၤကဘၣ်သုးကွံၥ်အ၀ံၤလီၤအဂ့ၢ် ပှၤလၢအိၣ်ဘူးဒီး MNDAAသုးမုၢ်ဒိၣ်တဂၤစံး၀ဲန့ၣ်လီၤ.
သုးမုၢ်ဒိၣ် သုးဂ့ၢ်၀ီဘံၣ်ဘၢသုးမုၢ်ဒိၣ်(စရဖ)တဖၣ်စ့ၢ်ကီး ဟဲနုၥ်လီၤလၢ လါရှိ၀့ၢ်အပူၤလံအဂ့ၢ် အ၀ဲစံး၀ဲန့ၣ်လီၤ.
MNDAAအပၢၤကီၢ်သုးဖိတဖၣ် တၢ်ထံၣ်ဘၣ်အီၤဒံးလၢ၀့ၢ်ပူၤ၀ံၤ MNDAAအပှၤသုးဖိတနီၤစ့ၢ်ကီး လ့ၤလိၤဟးထီၣ်လၢ၀့ၢ်ပူၤအိၣ်၀ဲအဂ့ၢ် လီၢ်က၀ီၤဖိတဂၤ စံး၀ဲန့ၣ်လီၤ.
“၀့ၢ်ပူၤ တၢ်ကးတံၥ်ဃၥ်၀ဲကျဲတနီၤန့ၣ်လီၤ. မ့မ့ၢ်လၢ MNDAAပၢၤကီၢ်သုးတဖၣ်တခီ တၢ်ထံၣ်ဘၣ်အီၤအါအါဂီၢ်ဂီၢ်လီၤအဂ့ၢ်” အ၀ဲစံး၀ဲန့ၣ်လီၤ.
“စးထီၣ်လၢတနံၤအံၤန့ၣ် ကနုၥ်လီၤမၤတၢ်ရှဲပျီ”အဂ့ၢ် စံး၀ဲန့ၣ်လီၤ. နစကပဒိၣ် ဆူၣ်ချ့၀ဲၤကျိၤတၢ်ဆါဟံၣ်ကသံၣ်သရၣ်ဖးဒိၣ်စ့ၢ်ကီး ဟဲတုၤလံအဂ့ၢ်” လီၢ်က၀ီၤဖိတဂၤ စံး၀ဲန့ၣ်လီၤ.
ပှၤလီၤဃိၣ်ဖိလၢ MNDAAဖီၣ်ဃၥ်အီၤတနီၤတခီ တၢ်ဆှၢအီၤဆူ လီးကဲၣ်တပၤအသိး တနီၤန့ၣ် တၢ်ဆှၢအီၤဆူ မိကိတပၤအဂ့ၢ်ဒီး မ့မ့ၢ်လၢနီၣ်ဂံၢ်နီၣ်ဒွးတခီ တၢ်တသ့ၣ်ညါလီၤတံၢ်ဘၣ်အဂ့ၢ် လီၢ်က၀ီၤဖိတဖၣ် စံး၀ဲန့ၣ်လီၤ.
တၢ်ကစီၣ်လၢဟးထီၣ်တဖၣ်အဖီခိၣ် နစကဒီး MNDAAသုးမုၢ်ဒိၣ်တၢ်ထံၣ်လိၥ်တဲသကိးအပူၤ MNDAAတပၤ ကဘၣ်ဟ့ၣ်က့ၤ နစကပဒိၣ်လၢလါရှိ၀့ၢ်ပူၤ က၀ီၤဒ့(၁၂)ဘ့ၣ်၀ံၤ MNDAAအပှၤသုးဖိတဖၣ် အစဲးခံကတၢၢ် တၢ်ကဘၣ်ဟးထီၣ်လၢ၀့ၢ်လါရှိအပူၤ လၢလါယူၤလံအဂ့ၢ်ဘၣ်ဆၣ် ကတီၢ်ခဲအံၤစှၤသီအတီၢ်ပူၤန့ၣ် MNDAAအပှၤသုးဖိတဖၣ် ဟးထီၣ်လၢ၀့ၢ်ပူၤလံအဂ့ၢ် တၢ်ထံၣ်ဘၣ်၀ဲန့ၣ်လီၤ.
တရူးအတၢ်နုၥ်လီၤဘှါရှဲအဖီခိၣ် ဖဲအပူၤကွံၥ်လါတၢ်ထံၣ်လိၥ်တဲသိကးအပူၤ နစကဒီး MNDAAသုးမုၢ်ဒိၣ်အဘၢၣ်စၢၤ တၢ်ကမၤတၢ်ပတုၥ်တၢ်ခးအဂီၢ် အၢၣ်လီၤတူၢ်လိၥ်ဃၥ်၀ဲအဂ့ၢ် တရူးထုးထီၣ်ရၤလီၤဃၥ်၀ဲတၢ်ကစီၣ်န့ၣ်လီၤ.
Ref:VOM
